संरा अमेरिका मध्यपूर्वमा पुनः आक्रमण गर्ने सम्भावना

अन्तर्राष्ट्रिय राजनीतिक दबुलीमा संरा अमेरिकी राष्ट्रपति बाइडेनले इरानसँग लडाइँ गर्न चाहँदैन भनेको २४ घण्टा ननाघ्दै अमेरिकाले इराक र सिरियाको सीमामा आक्रमण गरेको समाचार सुनियो ।
त्यसबारे इरानले ‘अमेरिकी सरकारको अर्को दुस्साहस कार्य र अर्को रणनीतिक त्रुटी बतायो । (‘नयाँ पत्रिका, २१ माघ २०८०)
इराकले आफ्नो भूमिमाथि आक्रमण गरी कम्तीमा १६ जना मारिएको बतायो । त्यस घटनालाई इराकले आफ्नो सार्वभौमिकताविरूद्ध गरेको ‘नयाँ आक्रमण’ बतायो र त्यस आक्रमणको निन्दा ग¥यो । इराकले त्यस अमेरिकी आक्रमणबाट मध्यपूर्वमा गम्भीर परिणाम निम्त्याउने चेतावनी दियो । मारिनेहरूमध्ये साधारण जनता भएको इराकी सरकारको प्रवक्ताले शनिबार बताए ।
अमेरिकाले इराकमाथि गरिएको आक्रमणबारे इरानसमर्थक सङ्गठनसँग ‘समन्वय’ गरेको वाशिङ्गटनको दाबीलाई ‘झूट र अन्तर्राष्ट्रिय जनमतलाई भ्रममा राख्ने उद्देश्यबाट प्रेरित’ भनी इरानले खण्डन ग¥यो । यसबारे इराकी प्रधानमन्त्री मोहम्मद सिया अल सुदानीले ‘त्यस क्षेत्रमा अमेरिकी गठबन्धनको नेतृत्व सैन्य गठबन्धनको उपस्थिति इराकको सुरक्षा र स्थिरतालाई खतरामा पार्ने कारण’ भएको बताए ।
अमेरिकी आक्रमणको कारण सिरियामा कैयौँ जनता हताहत भएकोमा सिरियाली रक्षा मन्त्रालयले अमेरिकी आक्रमणकारी सेनाको उग्र क्रियाकलापको आलोचना ग¥यो ।
अमेरिकाले इराक र सिरियाका ८५ स्थानमा हवाई हमला गरेको थियो । त्यसको कारण इरान समर्थित लडाकुले गत आइतबार जोर्डनस्थित अमेरिकी सैन्य आधार शिविरमा गरेको हमलाको बदलामा गरेको आक्रमण भनी अमेरिकी रक्षा मन्त्रालय पेन्टागनले बताएको थियो ।
अमेरिकी आधार क्षेत्रमा आक्रमणको जिम्मेदारी ‘इस्लामिक रेसिडेन्ट’ भनिने सैन्य गठबन्धनले लिएको बताइएको थियो । त्यहाँका जनता अमेरिकी सेनालाई ‘अतिक्रमणकारी फौज’ को रूपमा लिन्छन् ।
प्रमको निम्ति दागरहित व्यक्तिको खोजी
नेपालमा एकातिर शासक गठबन्धन दागरहित व्यक्तिको खोजीमा रहेको बताइन्छ भने अर्कोतिर ‘टेरामक्स अनुसन्धान अन्तिम चरण’, ‘पूर्वमन्त्री र बहालवाला मन्त्रीलाई बयान लिइँदै’ भन्ने समाचार छ । (‘नेपाल समाचारपत्र’, २१ माघ २०८०)
अख्तियार दुरूपयोग अनुसन्धान आयोगले नेपाल दूरसञ्चार प्राधिकरणले खरिद गरेको टेरामक्स प्रणालीमा भएको अनियमितताको अनुसन्धानलाई अन्तिम चरणमा पु¥याइएको बताइएको छ । त्यसबारे एकदेखि डेढ अर्बसम्म अनियमितता ठहर भएको एक स्रोतले बतायो ।
एमाओवादी केन्द्रका अध्यक्ष प्रचण्डको एकवर्षे सरकारको बेला बालुवाटार काण्ड, पशुपति काण्ड, पूर्वमा चियाबगानलाई समेत साटफेर गर्ने गिरीबन्धु जग्गा प्रकरण, सुन तस्करी काण्ड र जुत्ता तथा छाला कारखानाको निजी र १० रोपनी जग्गाको काण्ड आदिको फाइल खुल्दै जाँदा ‘प्रधानमन्त्री बनाउन लायक बेदाग व्यक्ति’ को खोजमा सकस देखिएको बताइन्छ ।
धेरै चर्चा भइरहेका एक पूर्व प्रमको बारे भात्तिजावाद, अयोग्य व्यक्तिलाई ‘प्रमोसन गर्ने’ बालुवाटार काण्ड, नातावादबाहेक शासन व्यवस्थाको ख्याल नगर्ने, कुनै त अत्यन्त विवादस्पद र गुन्डा गिरोहमा बदनाम पूर्वप्रधानमन्त्री, कोही निर्वाचनको बेला अनियमितरूपले पैसा बाँड्ने आरोपित र पहिलेदेखि नै विवादमा पर्दै आएको र बारम्बार मन्त्री हुँदा पनि केही राम्रो प्रदर्शन गर्न नसक्ने जस्ता उम्मेदवारहरूबारे चर्चा चल्दै छ ।
तर, युवाहरू कलेज र चिया पसलहरूमा नेपालमा कहिले कङ्गोका प्याट्रिस लुमुम्बाजस्ता इमानदार, देश र जनताप्रति समर्पित प्रधानमन्त्री हुने भनी चर्चा गर्दै छन् । केही विद्यार्थी र युवाहरू सेरेमोनियल राष्ट्रपतिको ठाउँमा घानाका एनक्रुमाजस्ता सिद्धान्तनिष्ठ राष्ट्रपति कहिले आउने र गिनीका शेकु तुरेजस्ता राष्ट्रपति नेपालले कहिले पाउने होला भनी छलफल गर्दै गरेको चर्चा छ ।