विदेशी हस्तक्षेप बढ्योः थापा

भक्तपुर, १४ पुस । राष्ट्रिय प्रजातन्त्र पार्टीका अध्यक्ष कमल थापाले ‘ठूला दलहरुले सत्तामा पुग्न र टिक्नका लागि बाह्य शक्तिको आड लिन खोज्दा’ अहिले देश गम्भीर सङ्कटमा परेको बताउनुभएको छ ।
तौमढी (पाँचतले मन्दिर) मा राप्रपा भक्तपुरले आज आयोजना गरेको मध्यमाञ्चलस्तरीय आमसभा एवम् राप्रपा भक्तपुरका संस्थापक अध्यक्ष सुरेन्द्रप्रताप शाहको वार्षिक स्मृति सभामा उहाँले भन्नुभयो, “सत्तामा पुग्न र टिक्न बाह्य शक्तिको आशीर्वाद चाहिन्छ भनेर सबै राजनीतिक दल हाबी भएका छन्, जसका कारण विदेशी हस्तक्षेप बढ्दै गएको छ ।”