ब्रिक्स पारस्परिक सहयोगको ठूलो परिवार, विन–विन सहयोगको लागि साझेदारी

दक्षिण अफ्रिकाका राष्ट्रपति रामाफोसाको निमन्त्रणामा चिनियाँ राष्ट्राध्यक्ष सी चिन फिङले दक्षिण अफ्रिकाको जोहानेसबर्गमा आयोजना हुने १५ औँ ब्रिक्स शिखर सम्मेलनमा भाग लिनुका साथै अगस्ट २१ देखि २४ सम्म दक्षिण अफ्रिकाको राजकीय भ्रमण गर्नुभएको छ ।
ब्रिक्स संयन्त्र उदीयमान बजार र विकासोन्मुख देशहरूका लागि महत्वपूर्ण सहयोग मञ्च हो । यो विश्व आर्थिक वृद्धि प्रवद्र्धन, विश्वव्यापी शासन प्रणाली सुधार र अन्तर्राष्ट्रिय शान्ति र स्थिरता कायम गर्न एक प्रमुख शक्ति भएको छ ।
राष्ट्राध्यक्ष सीले ब्रिक्सका नेताहरूसँगको भेटवार्ताले ब्रिक्स सहयोगको स्थिर र दिगो प्रगतिलाई बलियो बनाउनेछ र विश्व शान्ति र विकासमा नयाँ योगदान पु¥याउनेछ । एकता र सहयोगद्वारा ब्रिक्स सहयोगलाई थप उचाइमा लगिनेछ । पाँच ब्रिक्स राष्ट्रहरू साझेदारी निर्माण गर्न, साझा विकास हासिल गर्न, अन्तर्राष्ट्रिय सम्बन्धमा बृहत्तर लोकतन्त्र ल्याउन र विश्व शान्ति र विकासलाई अगाडि बढाउन एकजुट भएका छन् ।
चीन सधैँ ब्रिक्स एकता र सहयोगको कट्टर रक्षक भएको छ । २०१३ देखि राष्ट्रपति सीले लगातार १० वर्षसम्म ब्रिक्स शिखर सम्मेलनको आयोजना वा भाग लिनुभएको छ, जसले ब्रिक्स राष्ट्रहरूको रणनीतिक साझेदारीलाई अझ गहिरो बनाउने र ब्रिक्स एकता र सहयोगलाई सुदृढ गर्ने पाठ्यक्रम तयार पारेको छ ।
व्यावहारिक सहयोगले ब्रिक्स सहयोगको गुणस्तरमा थप सुधार गर्नेछ । चीन सधैं ब्रिक्स व्यावहारिक सहयोगको सक्रिय प्रवद्र्धक रहेको छ । सन् २०१३ मा भएको पाँचौंँ ब्रिक्स शिखर सम्मेलनमा चिनियाँ पक्षले ब्रिक्सले एकीकृत बजार, बहुस्तरीय सञ्जाल, जमिन, वायु र समुद्री सम्पर्क र बृहत्तर सांस्कृतिक आदानप्रदानको लक्ष्यतर्फ अघि बढ्नुपर्छ भनी प्रस्ताव गरेको थियो, जसले ब्रिक्स सहयोगको दिशा स्पष्ट रूपमा उल्लेख गरेको थियो ।
२०१८ मा जोहानेसबर्गमा भएको १० औँ ब्रिक्स शिखर सम्मेलनमा, चीनले नयाँ औद्योगिक क्रान्ति (PartNIR) मा संयुक्तरूपमा ब्रिक्स साझेदारी निर्माण गर्ने प्रस्ताव गरेको थियो । २०२० मा चीनले फुजियान प्रान्तको सियामेनमा यस्तो साझेदारीको लागि एक आविष्कार केन्द्र स्थापना गर्ने घोषणा ग¥यो, जसले ब्रिक्स देशहरूको अन्तर्राष्ट्रिय प्रतिस्पर्धात्मकता बढाउनमा मुख्य भूमिका खेल्ने अपेक्षा गरिएको छ ।
जलवायु परिवर्तनसम्बन्धी ब्रिक्स उच्चस्तरीय बैठक दिगो विकासका लागि ठूलो डाटासम्बन्धी ब्रिक्स फोरम र ब्रिक्सको प्राविधिक तथा व्यावसायिक शिक्षा तथा तालिम सहयोग गठबन्धन (BRICS-TCA) को स्थापनासम्म सुशासन र सांस्कृतिक आदानप्रदान मञ्च (गभर्नेन्स र कल्चरल एक्सचेन्ज फोरम) मा ब्रिक्स सेमिनारको आयोजना गर्न र ब्रिक्स कौशल प्रतियोगिताहरू आयोजना गर्दै, चीनले ब्रिक्स सहयोग र विश्वव्यापी विकासलाई बलियो बनाउन वास्तविक कदम चालेको छ ।
दीर्घकालीन विकासको दृष्टिकोणले ब्रिक्समा नयाँ जोश थप्नेछ । एउटा अफ्रिकी उखान जस्तो छ, “यदि तिमी छिटो हिँड्न चाहन्छौ भने एक्लै हिँड, तर टाढा हिँड्नु छ भने संँगै हिँड । चिनियाँहरू अक्सर भन्छन्, “एक्लै गर्दा जानु गा¥हो हुन्छ । अरू धेरैसँग गर्दा जानु सजिलो हुन्छ ।” विन–विन सहयोग ब्रिक्स संयन्त्रको अन्तर्निहित विषयवस्तु हो । चीन सधैँ ब्रिक्स संयन्त्रको निर्माणकर्ता रहेको छ । सियामेनमा २०१७ को ब्रिक्स शिखर सम्मेलनमा राष्ट्रपति सीले ‘ब्रिक्स प्लस’ सहयोग दृष्टिकोण प्रस्ताव गर्नुभयो, जसले ब्रिक्स सहयोगलाई नयाँ चरणमा पु¥यायो ।
गत वर्षको १४ औँ ब्रिक्स शिखर सम्मेलनमा राष्ट्रपति सीले ब्रिक्स देशहरू बन्द क्लब वा विशेष घेरामा नभई पारस्परिक सहयोगको ठूलो परिवार र विजयी सहयोगका लागि साझेदारी भएको कुरा औँल्याउनुभयो ।
बैठकमा, ब्रिक्स नेताहरूले ब्रिक्स विस्तारको बारेमा महत्वपूर्ण साझा बुझाइमा पुगेका थिए र विस्तारको मापदण्ड र प्रक्रियाहरूमा छलफलको लागि समर्थन व्यक्त गरे । चीनले ब्रिक्स परिवारमा सामेल हुने समान विचारधाराका साझेदारहरूलाई स्वागत गर्दछ र तत्पर छ ।
प्रमुख प्रभाव भएका विकासशील देशहरूको रूपमा चीन र दक्षिण अफ्रिकाले ‘सहयोगी भ्रातृत्व’ को विशेष बन्धनको आनन्द लिन्छ । दक्षिण अफ्रिका चीनसँग संयुक्तरूपमा बेल्ट र रोआ निर्माण गर्ने सम्झौतामा हस्ताक्षर गर्ने पहिलो अफ्रिकी देश थियो । दक्षिण अफ्रिकाको राजकीय भ्रमणका क्रममा राष्ट्रपति सीले राष्ट्रपति रामाफोसासँग द्विपक्षीय सम्बन्धका साथै साझा सरोकारका अन्तर्राष्ट्रिय र क्षेत्रीय मुद्दाहरूमा विचार आदानप्रदान गर्ने, द्विपक्षीय सम्बन्धको भावी विकासका बारेमा छलफल गर्ने र संयुक्तरूपमा उच्चस्तरीय निर्माणको नयाँ यात्रा सुरु गर्नेछन् ।
ब्रिक्सको विशाल जहाजले दक्षिण अफ्रिकाबाट नयाँ यात्रा सुरु गर्नेछ । चीन ब्रिक्सको खुलापन, समावेशीता र विजयी सहयोगको भावनालाई कायम राख्न, ब्रिक्स सहयोगको नयाँ अध्याय खोल्न र विश्वको स्थायित्व र समृद्धि कायम राख्न, मानवजातिको लागि साझा भविष्यको साथ समुदाय निर्माण गर्न साँचो बहुपक्षीयतालाई कायम राख्न थप चिनियाँ बुद्धि र शक्ति प्रदान गर्न सबै पक्षहरूसँग मिलेर काम गर्न तयार छ ।
(चेन सियाओडोङ दक्षिण अफ्रिकाका लागि चिनियाँ राजदूत हुन् ।)
– पिपल्स डेली
अनुवाद : प्रकाश