किर्तिपुरे माईक्रो र मेरो देश

हिड्नुभन्दा धेरै
आराम गर्ने
मेरो देशजस्तै
थुनिएकोछ किर्तिपुरे माईक्रो जाममा
बजिरहेछ हर्न एकतमास
मानौ
युगौ पहिले
निदाएको
मेरो देशको `कुम्भकर्ण´
व्युझाउदैछन यतिखेर
हातको घडिमा
मोबाईलको स्क्रिनमा
कुदिरहेछ समय उसैगरि
रोकिएको छैन कतै जाममा
मन
आत्तिएको छ
तन
पाट्टिएको छ यात्रीको
स्टेरिङसमाईरहेको चालक
बेफिक्री
व्यस्त छ मोबाइलमा
सुनाईरहेछ सायद
आफ्नो पुरूषार्थश्रीमतीलाई
जसरि
बजेट भाषणमा
सुनाउछन शासकहरू
आफ्नो पराक्रम
यस्तो लाग्छ
किर्तिपुरे माईक्रोजस्तै
देश पनि
थुनिएको छ
सिंहदरवारमा
बालुवाटारमा
संसद भवनमा
योजना आयोगमा
परराष्ट्रमा
निकै लामो
ट्राफिक जाममा
नित्य
यसरी नै गुड्छ
किर्तिपुरे माईक्रो
धुलो उडाउदै
विश्वविद्यालयको छातिमा
जसरि कुद्छन
सरकारी योजना र कार्यक्रम
हाम्रै सपनाको चिहानमाथी बाट
यस्तैछ
मेरो देश
यस्तै छ
किर्तिपुरे माईक्रो