अमेरिकामा पीडितहरूको नामावलीमा अझै कति जना हुनेछन् ?

पचपन्न वर्षअघि संरा अमेरिकाको टेनेसी राज्यको मेम्फिसमा भएको अफ्रिकी मूलका अमेरिकी मानव अधिकारकर्मी वा काला जातिका नेता मार्टिन लुथर किङ जुनियरको हत्याले विश्वलाई स्तब्ध बनाएको थियो भने त्यस हत्या भएको ५५ वर्षपछि, यही सहरमा, अफ्रिकी मूलका अमेरिकी नागरिक २९ वर्षीय टायर निकोलसलाई ५ जना प्रहरीले कुटपिट गरी हत्या गरेकोले अमेरिकाभर आक्रोश चर्काएको छ । सन् २०२० मा ‘जर्ज फ्लोयडको मृत्यु’ पछि सुरु भएको अमेरिकामा भएको राष्ट्रिय आफ्दा फेरि भड्किने चिन्ता अमेरिकी सञ्चारमाध्यमले गरेका छन् ।
दुई वर्षअघि प्रहरीको बर्बरताका कारण अफ्रिकी मूलका अमेरिकी जर्ज फ्लोयडको मृत्यु भएपछि अमेरिकामा ‘ब्ल्याक लात्स म्याटर’को जुलुस प्रदर्शन सुरु भएको थियो । त्यसपछि अमेरिकी प्रहरी प्रणालीमा आमूल परिवर्तन भए तापनि यस्तै त्रासदी बारम्बार दोहोरिएका छन् ।
मूलतः अमेरिकी प्रहरीले अफ्रिकी–अमेरिकीहरूमाथि गरेको ‘विशेष व्यवहार’ अमेरिकी शैलीको प्रजातन्त्रमा गहिरो रूपमा गाडिएको जातियतावादबाट उत्पन्न भएको हो । पहिलेको प्रथा र दास व्यापारदेखि लिएर गोरा बर्चस्ववादी आतङ्कवादी सङ्गठनहरू, अनि नागरिक अधिकार आन्दोलनको युगमा देखा परेको ‘गोरा क्रस’ सम्म, यी शक्तिशाली प्रभावहरूले अमेरिकामा प्रहरी हिंसाको संस्कृति सिर्जना गरेको हो जसले आज पनि प्रहरीहरूको व्यवहारलाई प्रभावित गरिरहेको छ । यसै कारणले धेरै विश्लेषकहरूले यस्तो विश्वास गर्छन् कि जातीयतावादको जगमा बसालिएको संस्थालाई सुधार गर्न असम्भव छ । अमेरिकी प्रहरी प्रणालीको वंशाणुमा जातिवाद गहिरोसँग गाँसिएको पाइन्छ ।
साथै, अमेरिकी राजनीतिक दलहरूबिच ध्रुवीकरणले गर्दा अमेरिकी प्रहरी प्रणालीमा सुधार गर्न थप कठिन छ । यसबाहेक, अमेरिकामा बन्दुक संस्कृति र प्रहरी क्रुरता नै केही हदसम्म दुष्चक्र बनेको हो ।
अमेरिकी राष्ट्रपति जो बाइडेनले केही दिनअघि एक भाषणमा मार्टिन लुथर किङ जुनियरको समानता र न्यायको सपना अझै पूरा नभएको स्वीकार गरे ।