अमेरिकी विश्वविद्यालयहरूमा गाजा समर्थक प्रदर्शनहरूमाथि पक्राउ र दमन तीव्र

वासिङटन डीसी, अप्रिल २३ (टेलिसुर/प्रेस टभी) । अमेरिकी विश्वविद्यालयहरूले प्यालेस्टिनी समर्थक विद्यार्थी प्रदर्शनकारीहरू र स्कूल प्रशासकहरूबिचको तनावको वृद्धिका बिच दमनलाई तीव्र पारेको देखिएको छ । सोही क्रममा विश्वविद्यालयका कक्षाहरू रद्द गरिएका छन् र प्रदर्शनकारीहरू पक्राउ गर्ने कार्यमा तिव्रता आएको छ ।
संरा अमेरिकाभरि विद्यार्थी आन्दोलन जारी रहँदा विश्वविद्यालयका प्रशासन इजरायली समर्थक समूहहरू र अति दक्षिणपन्थी राजनीतिज्ञहरूको दबाबसामु झुकेपछि यो दमनचक्र देखिएको हो ।
क्याम्पसमा ‘गाजा सोलिड्यारिटी क्याम्पमेन्ट’ स्थापना गर्ने प्रदर्शनकारीहरूको ठुलो भिडको साथ कोलम्बिया विश्वविद्यालयमा एक हप्ताअघि सुरु भएको प्रदर्शन, अब याले, एमआईटी र थप अन्य विश्वविद्यालयहरूमा विस्तार भएका छन् ।
हार्वर्ड विश्वविद्यालयले प्रशासनिक दमन, उत्पीडन र रूढीवादी राजनीतिज्ञ र दाताहरूद्वारा धम्कीको अवधिपछि सोमबार आफ्नो हार्वर्ड स्नातक प्यालेस्टिन सोलिड्यारिटी समितिलाई निलम्बन ग¥यो ।
गतहप्ता उनीहरूले दर्ता नगरी प्रदर्शन गरेपछि समितिलाई बाँकी कार्यकालका लागि सबै सङ्गठनात्मक गतिविधिहरू रोक्न वा स्थायी निष्कासनको सामना गर्न आदेश दिइएको थियो । पक्राउ परेकी सामाजिक कार्यकी विद्यार्थी मिमी इलियासले सोमबार एएफपीलाई भनिन्, “उनीहरूले हामीसँग कुरा नगरुञ्जेल र हाम्रा मागहरू नसुन्दासम्म हामी धर्ना प्रदर्शनमा बस्नेछौं ।”
“हामी सेमिटिज्म वा इस्लामोफोबिया चाहँदैनौँ । हामी यहाँ सबैको मुक्तिको लागि छौँ,” इलियासले भनिन् ।
कोलम्बिया युनिभर्सिटीमा कक्षाहरू अनलाइन ढाँचामा रूपान्तरण गरिएका छन्, किनकि विश्वविद्यालयका अध्यक्ष नेमत शफिकले विद्यालय समुदायलाई सम्बोधन गरेको पत्रमा ‘रिसेट’ को आवश्यकतामा जोड दिएका थिए । केही जियोनिस्ट (यहुदीवादी) विद्यार्थीहरूले विरोध प्रदर्शनहरूविरुद्ध गुनासो गरेपछि संस्थालाई प्यालेस्टिनी मुद्दाबाट टाढा रहन आग्रह गर्दै यहुदीवादी व्यापारिक समूहहरूले विश्वविद्यालय प्रशासनमाथि दबाब सिर्जना गरेका थिए ।
“विरोधलाई कम गर्न र हामी सबैलाई अर्को चरणहरू विचार गर्ने मौका दिनको लागि, म घोषणा गर्दै छु कि सोमबार सबै कक्षाहरू भर्चुअल रूपमा सञ्चालन हुनेछन्,” शफिकले भने ।
अघिल्लो हप्ता पनि कोलम्बिया विश्वविद्यालयमा ५ सत्न्दा बढी प्रदर्शनकारीहरूलाई हिरासतमा राखिएको थियो । बिहीबार निजी आधारमा विश्वविद्यालयका अधिकारीहरूले कानुन प्रवर्तन (प्रहरी प्रशासन) को हस्तक्षेपपछि, तनाव बढाउने र सप्ताहन्तमा ठुलो जमघट अगाडि बढेको थियो ।
कोलम्बिया युनिभर्सिटीका क्लासिक एसोसिएट प्रोफेसर जोसेफ हाउलीका अनुसार, पुलिसको संलग्नता गलत दृष्टिकोण थियो, किनकि यसले अनजानमा ‘थप कट्टरपन्थी तत्वहरू’ लाई आकर्षित गर्यो जुन मूल रूपमा विद्यार्थी आन्दोलनसँग सम्बन्धित थिएन ।
“तपाईले पूर्वाग्रह र सामुदायिक असहमतिबाट बाहिर निस्कने बाटोलाई अनुशासन र सजाय दिन सक्नुहुन्न,” हाउलीले एएफपीलाई भने ।
कोलम्बिया विश्वविद्यालयका एक कार्यकर्ता मोहम्मद खलिलले आफ्नो विद्यालयलाई युद्ध–सम्बन्धित उद्योगहरूलाई आर्थिक सहयोग रोक्न आग्रह गरे ।
“गाजामा भइरहेको नरसंहारको बारेमा विश्वविद्यालयले केही गर्नुपर्छ । हाम्रा जनताले अहिले भोगिरहेको यो नरसंहारमा लगानी गर्न बन्द गर्नुपर्छ,” खलिलले भने ।

न्युयोर्क टाइम्सको रिपोर्टअनुसार स्कूलले विद्यार्थीहरूको व्यवहारलाई ‘अव्यवस्थित, विघटनकारी र विरोधी’ भनेपछि न्युयोर्क विश्वविद्यालयमा पुलिसले प्रदर्शनकारीहरूलाई हिरासतमा लिए जसले आफ्नै क्याम्प स्थापना गरेका थिए ।
न्युयोर्क विश्वविद्यालयका प्रोफेसर हेल्गा ताविल–सौरीले भने कि स्कूलका अधिकारीहरूले प्यालेस्टिन समर्थक प्रदर्शनकारीहरूविरुद्ध लागू गर्नका लागि विरोधाभासी स्पष्टीकरणहरू अगाडि बढाए ।
“जब उनीहरूले पुलिसलाई विश्वविद्यालयभित्र ल्याए, दङ्गा भड्कियो सयौँ पुलिसकर्मीहरूले हामी ल्थ्ग् सङ्काय र विद्यार्थीहरू भए तापनि हामीमाथि अतिक्रमणको आरोप लगाए । मलाई थाहा छैन हामी कसरी आफ्नै क्याम्पसमा अतिक्रमण गर्छौं तर त्यो हाम्रो विरुद्धको आरोपमात्र थियो,” हेल्गाले अल जजीरालाई बताइन् ।
“म २० वर्षदेखि न्यूयोर्क विश्वविद्यालयमा प्रोफेसर रहेकी छु । मैले यस प्रकृतिको दमन र क्याम्पस सुरक्षा र त्यसपछि न्यू योर्क पुलिस विभागको तर्फबाट यस्तो आक्रामक प्रतिक्रिया देखेकी छैन,” तविल–सौरीले भनिन् ।
“यो प्यालेस्टिन समर्थक भाषण र प्रदर्शनहरूमाथि दमन गर्न देशभरि प्रयासहरूको प्रतिबिम्ब हो ।“
हाम्रो लाइफटाइमभित्रको कार्यकर्ता समूहले भने कि पुलिसले “छापामारी गरी विद्यार्थीहरूको सुरक्षा गरिरहेका सबै प्राध्यापकहरूलाई पक्राउ गर्यो ।”
एमआईटी, मिसिगन विश्वविद्यालय र याले विश्वविद्यालयमा पनि विरोध प्रदर्शनहरू भएका थिए, जसको परिणामस्वरूप सोमबार कम्तीमा ४७ जनालाई उनीहरूको अनुरोधमा तितरबितर हुन अस्वीकार गरेकोमा गिरफ्तार गरियो ।
कोलम्बिया विश्वविद्यालयका विद्यार्थीहरूद्वारा प्यालेस्टिन समर्थक प्रदर्शन जारी
दर्जनौँ विद्यार्थी र अन्य वामपन्थी कार्यकर्ताहरूलाई उक्त प्रतिष्ठित विश्वविद्यालयमा पक्राउ गरी पालमा राखिएका छन् । विद्यार्थी र सङ्काय सदस्यहरूले संयुक्त राज्य अमेरिकाको कोलम्बिया विश्वविद्यालयको क्याम्पस बाहिर क्याम्प स्थापना गरेका छन् । आन्दोलनकारीहरूले गत हप्ता निलम्बन गरिएका विद्यार्थी र शिक्षकहरूलाई पुनर्बहाली गर्न माग गरेका छन् ।
दर्जनौँ विद्यार्थी र अन्य वामपन्थी कार्यकर्ताहरू प्रतिष्ठित संस्थामा पालहरूमा राखिएका छन्, यसलाई कोलम्बिया र अन्य उच्च विद्यालयहरू दुवैको क्याम्पस व्यवस्थापनले गैरकानुनी र अपराधी पनि मानेको छ ।
प्रदर्शनकारीहरूको निरन्तरताका बाबजुद पनि गिरफ्तारीहरू देखिन थालेका छन् । बिहीबारमात्रै प्रहरीले माइनेसोटा डेमोक्रेटिक प्रतिनिधि इल्हान ओमार इसरा हिर्सीकी छोरीसहित करिब ११० जना प्रदर्शनकारीलाई पक्राउ गरेको थियो ।
प्रहरीको दमनका बाबजुद पनि विरोध प्रदर्शन बढ्दै गएको छ र मानिसहरू विश्वविद्यालय जीवनभन्दा बाहिर पनि संलग्न भएका छन् ।
यता, पक्राउ परेका धेरै विद्यार्थी रिहा भई आन्दोलनमा फर्किएका छन् । प्रदर्शनकारीहरूले आफ्नो आन्दोलन जारी रहने दाबी गरेका छन् ।
अन्य विद्यार्थी केन्द्रहरूमा, युवाहरूले गाजामा भएको नरसंहारको अन्त्यको लागि आह्वान गर्दै आवाज उठाइरहेका छन् ।