डेंगुबाट हालसम्म ६ को मृत्यु ५ हजार ९५ जना संक्रमित

काठमाडाँै, ३० भदौ । देशभर महामारीको रुपमा फैलँदै गरेको डेँगु रोगबाट हालसम्म ६ जनाको मृत्यु भएको छ भने करिब ५ हजार ९५ जना सङ्क्रमित भएको तथ्याङ्क प्राप्त भएको छ । प्राप्त तथ्याङ्कअनुसार काठमाडौँ जिल्लामा सबैभन्दा बढी करिब १ हजार १ सय ७० व्यक्ति डेंगुबाट सङ्क्रमित रहेका छन् भने २ जनाको मृत्यु भएको छ । त्यसैगरी चितवनमा करिब १ हजार १ सय २८ व्यक्ति डेँगुबाट संक्रमित बनेका छन् भने १ जनाको मृत्यु भएको तथ्याङ्क छ । हालसम्म डेँगुबाट प्रदेश नं १ मा १ जना, प्रदेश नं ३ मा ४ जना र प्रदेश नं ७ मा १ जनाको मृत्य भएको छ ।
डेँगु एडिस नामक लामखुट्टेको टोकाइबाट लाग्ने रोग हो । यो जातको लामखुट्टेले जमेका पानीमा फुल पार्ने गर्छ । डेंगु रोग लागेपछि मानिसमा अत्यधिक ज्वरो आउने, आंखाका गेडी दुख्ने, वाकवाकी र बान्ता हुने, मांसपेशी र हाडजोर्नीहरु दुख्ने, शरिरमा विमिराहरु देखापर्ने आदि लक्षणहरु देखिन्छन् । डेँगु रोगको निश्चित उपचार छैन । यो रोग लागिसकेपछि प्रशस्त आराम गर्ने, सिटामोलको सेवन गर्ने, प्रशस्त झोल पदार्थ र तागतिलो खानेकुरा खाने गर्नुपर्छ । डेँगु रोकथामको निम्ति आफ्नो वरपरको वातावरण सफा राख्ने, पानी जम्न नदिने, लामखुट्टेको टोकाइबाट बच्न झुलको प्रयोग गर्ने वा पूरा बाहुला भएको लुगा लगाउने गर्नुपर्छ ।
डेँगु रोगबाट प्रभावित जिल्लाहरुको अवस्था (२०७६/४/१ देखि २०७६/५/२६ सम्मको)