चीन– अमेरिका रक्षामन्त्रीबिच भेटवार्ता

नोभेम्बर २२ मा कम्बोडियामा नवौँ आसियान रक्षा मन्त्रीहरूको बैठकमा भाग लिनुभएका चिनियाँ राज्य परिषदका सदस्य एवम् रक्षामन्त्री वै फङ हले अमेरिकी रक्षा सचिव लोयड अस्टिनसँग भेटवार्ता गर्नुभएको छ ।
जी–२० सत्रौँ शिखर सम्मेलनमा चिनियाँ राष्ट्राध्यक्ष सी चिन फिङ र अमेरिकी राष्ट्रपति जो बाइडेनबिच विभिन्न महत्वपूर्ण सहमतिले चीन–अमेरिका सम्बन्धको विकासमा मार्गनिर्देशन गर्ने वैले बताउनुभयो ।
चीनले दुई देश र दुई सेनाबीचको सम्बन्धको विकासलाई ठूलो महत्व दिने बताउँदै उहाँले अमेरिकाले चीनको मूल हितलाई सम्मान गर्नुपर्नेमा जोड दिनुभयो । उहाँले थाइवान मुद्दा चीनको मुख्य चासो र चीन–अमेरिका सम्बन्धको दुर्गम रातो रेखा भएको तर्फ ध्यानाकर्षण गराउनुभयो । उहाँले भन्नुभयो, “थाइवान चीनको हो । थाइवान समस्या समाधान गर्ने काम चिनियाँ जनताको हो । कुनै पनि बाह्य शक्तिलाई हस्तक्षेप गर्ने अधिकार छैन ।”
रक्षा मन्त्री वैले चिनियाँ सेनासँग मातृभूमिको पुनर्मिलनलाई दृढतापूर्वक रक्षा गर्ने मेरुदण्ड, आत्मविश्वास र क्षमता रहेको पनि दोहो¥याउनुभयो ।