अमेरिकी जालबाट युरोप निस्कने बेला भयो

अमेरिकी प्रतिनिधिसभाले मार्च ९ तारिख मतदानबाट रूसका पेट्रोल, प्राकृतिक ग्यास र कोइला पत्थरको आयातमा निषेध गर्ने कानुनी प्रस्ताव पारित गरेको छ । यो अहिलेसम्म रुसमाथि अमेरिकाले लगाएको सबैभन्दा गम्भिर नाकाबन्दी हो । तथापि उक्त कुरा अमेरिकाले रुसमाथि नाकाबन्दी गरेको नभई युरोपेली सङ्घमाथि नाकाबन्दी गरेको भन्दै युरोपका इन्टरनेट प्रयोगकर्ताहरूले औँल्याएका छन् ।
युरोपका इन्टरनेट प्रयोगकर्ताहरूको विचार सही हो । रुस र युक्रेनबीच युद्ध भएदेखि अमेरिकाले युक्रेन समस्याको ऐतिहासिक कारकतत्व र आफूले नेटोलाई पूर्वतर्फ विस्तार गर्ने दोषलाई बेवास्ता गरी युरोपका गठबन्धन मुलुकहरूसँगै मिलेर रुसमाथि धेरै नाकाबन्दी गरेको छ । जसबाट तनावपूर्ण स्थिति अझ चर्कँदै आएको छ । तथापि धेरै नाकाबन्दीबाट भएको नकारात्मक नतिजा देखापरेको बेलामा युरोपले आफ्नो क्षति बढ्दै आएको थाहा पाएको छ ।
हाल ऊर्जाको भाउ बढेको कुराबाट युरोपेलीहरू प्रभावित भएका छन् । रुसले युरोपेली सङ्घलाई करिब ४५ प्रतिशत प्राकृतिक ग्यास आपूर्ति गरेको कारण रुसबाट आयात गर्ने पेट्रोल र ग्यासमाथि निषेध गरिँदा युरोपमा ऊर्जाको भाउ अझ बढ्ने र अभावको समस्या सामना गर्दै छ ।
ऊर्जाबाहेक युरोपको खाद्य पदार्थको आपूर्तिमा पनि समस्या देखापरेको छ । युक्रेनलाई ‘युरोपको खाद्य पदार्थको भण्डार’ मानिन्छ । युक्रेनको स्थिति बिग्रँदै आएको सिलसिलामा गहुँलगायत खाद्य पदार्थको भाउ पनि बढेको छ । त्यसका अतिरिक्त, युक्रेनका धेरै शरणार्थीहरूले छिमेकी मुलुकहरूमा प्रवेश गरेको कुराले युरोपलाई नयाँ चुनौती ल्याएको छ ।
अरू गम्भिर समस्या सुरक्षाको समस्या हो । रुस र युक्रेन युरोपेली मुलुकहरूका छिमेकी हुन् । युक्रेनको स्थिति स्थिर भएमात्रै युरोप महाद्वीप सुरक्षित हुनसक्छ । तथापि युक्रेन सङ्कट सिर्जना गरेको अमेरिकाले आफ्नो हतियार व्यापारमार्फत धेरै कमाउनुका साथै रूसलाई दबाब दिँदै युरोपमाथि कडा नियन्त्रण गरेको छ ।
युरोपले अमेरिकी जालबाट निस्केर रणनीतिक स्वतन्त्रता गर्ने बेला भएको छ ।
स्रोतः सीआरआई