जर्जियामा ‘सुन्तले क्रान्ति’ को प्रयास भइरहेको छ

मस्को, २ डिसेम्बर (टेलिसुर) । रूसी राष्ट्रपतिका प्रवक्ता दिमित्री पेस्कोभले सोमबार जर्जियामा युक्रेनी–शैली क्रान्ति आयोजना गर्ने प्रयासको बारेमा चेतावनी दिनुभएको छ ।
जर्जियामा विपक्षी कार्यकर्ताहरूले २०२८ सम्म युरोपेली सङ्घ (ईयू) सदस्यताका लागि वार्ता निलम्बन गर्ने सरकारको निर्णयविरूद्ध सडकमा हिंस्रक विरोध प्रदर्शन गरिरहेका छन् ।
“त्यहाँ सुन्तले क्रान्तिलाई व्यवस्थित गर्ने प्रयासको स्पष्ट सङ्केतहरू देखिएका छन्”, क्रेमलिन अधिकारीले भन्नुभयो । उहाँले जर्जियाको राजनीतिक अवस्थालाई अस्थिर पार्ने स्पष्ट प्रयास भएको कुरामा जोड दिनुभयो ।
“हामीले अन्य देशहरूमा यस्तै घटनाहरू देखेका छौँ । सबैभन्दा प्रत्यक्ष समानान्तर युक्रेनको मैदानमा भएको घटना हो”, उहाँले भन्नुभयो । पछिल्लो विरोधको अवस्थामा ट्रिगर ईयूसँगको एसोसिएसन सम्झौतामा हस्ताक्षर निलम्बन गर्ने निर्णय पनि थियो ।

दिमित्री पेस्कोभ

नोभेम्बर २८ का दिन जर्जियाली अधिकारीहरूले युरोपेली सङ्घसँग वार्ता स्थगित गर्ने निर्णय गरेका थिए । सोही दिन रूसी राष्ट्रपति भ्लादिमिर पुटिनले विदेशी प्रभावको पारदर्शितासम्बन्धी कानुनको रक्षा गर्न जर्जियाली सरकारको ‘साहस र चरित्र’ मा आश्चर्य व्यक्त गर्नुभएको थियो ।
जर्जियाका प्रधानमन्त्री इराक्ली कोबाखिदजेले विपक्षीहरूबाट महिनौँदेखि आरोपहरूको सामना गर्नु परेको छ । उहाँले आफूले युरोपेली सङ्घ र घरेलु राजनीतिमा दुबै रूस समर्थक नीतिलाई समर्थन गरेको दाबी गर्नुहुन्छ । सोमबार उहाँले विपक्षी दलहरूलाई देशको कानुनी व्यवस्थाविरूद्ध खुलेर काम गरेको आरोप लगाउँदै संवैधानिक अदालतलाई गैरकानुनी बनाउन माग गर्ने चेतावनी दिनुभयो ।
“उनीहरूले खुलेआम संवैधानिक आदेशको विरूद्धमा काम गरेका छन्, जुन संवैधानिक अदालतलाई विपक्षी दलहरूलाई असंवैधानिक घोषणा गर्न अनुरोध गर्ने आधार हो”, कोबाखिदजेले टेलिभिजनमा प्रत्यक्ष प्रसारण मन्त्रिपरिषद् बैठकमा भन्नुभयो ।
आइतबार, जर्जियाको राजधानीले लगातार चौथो रात दङ्गा प्रहरी र प्रदर्शनकारीहरूबिचको हिंसात्मक झडप भएको थियो । प्रदर्शनकारीहरूले युरोपेली सङ्घसितको वार्ता निलम्बन रद्द गर्न र नयाँ संसदीय चुनावको माग गर्दै विरोध गरिरहेका छन् ।
बिहीबारदेखि जर्जियाका अधिकारीहरूले २२४ प्रदर्शनकारीहरूलाई अवज्ञा र तोडफोडको कार्यको लागि हिरासतमा लिएका छन् । सोमबार बिहान गिरफ्तार गरिएकामध्ये परिवर्तनका लागि विपक्षी गठबन्धनका नेता जुराब जापारिड्जे पनि थिए । हालसम्म ११३ प्रहरी अधिकारी घाइते भएको गृह मन्त्रालयले जनाएको छ ।