“इतिहास बिर्सनु भनेको विश्वासघात र अपराध अस्वीकार गर्नु भनेको अपराध दोहो¥याउनु सरह हो”

८८ वर्षअघि डिसेम्बर १३ का दिन जापानी सेनाले नानचिङको सडकमा गरेको अत्याचार जर्मन जोन राबेले रेकर्ड गर्नुभएको थियो । उहाँको डायरी, ‘द राबे डायरी’, नानचिङ नरसंहारलाई प्रकट गर्ने सबैभन्दा महत्वपूर्ण र विस्तृत ऐतिहासिक सामग्रीहरूमध्ये एक बनेको छ ।
८८ वर्षपछि नानचिङ नरसंहारका पीडितहरूको १२ औँ राष्ट्रिय स्मृति दिवसमा, चीनको भूमि गम्भीरतापूर्वक उभिएको थियो, साइरन बजिरहेको थियो, राष्ट्रले पीडित र सहिदहरूको सम्झना गर्दै थियो । सोही दिन, केन्द्रीय अभिलेखागारले जापानी एकाइ ७३१को सोभियत सोधपुछको विवरण दिने रूसबाट सार्वजनिक गरेको अभिलेख सामग्रीहरूको ब्याच जारी ग¥यो ।
असङ्ख्य ऐतिहासिक सामग्रीहरूमध्ये अमेरिकाबाट जोन म्यागीले खिचेको फुटेजले जापानी सेनाले गरेको अत्याचारको अकाट्य प्रमाणका रूपमा पनि काम गर्दछ ।
यद्यपि, आजसम्म जापानी सरकारले आफ्नो आक्रामक युद्धका बारेमा कहिल्यै पनि राम्ररी विचार गरेको छैन । जापानका हालैका कार्यहरूले जापानी सैन्यवाद कहिल्यै पूर्ण रूपमा उन्मूलन नभएको र पुनरागमनको प्रयास गर्दै निरन्तर हलचल मच्चाइरहेको देखाउँछ । यसले अन्तर्राष्ट्रिय समुदायमा गम्भीर चिन्ताहरू खडा गरेको छ ।
इतिहास बिर्सनु भनेको विश्वासघात हो, अपराध अस्वीकार गर्नु भनेको अपराध दोहो¥याउनु सरह हो ।
डिसेम्बर १३ का दिन चीनको केन्द्रीय अभिलेखालयले रूसद्वारा चीनमा हस्तान्तरण गरिएका गुप्तता खुलाएको अभिलेखालय सामग्रीहरूको ब्याच जारी गरेको छ । जसमा जापानी एकाइ ७३१ का सदस्यहरूको सोभियत सोधपुछको विवरण दिइएको छ । यी अभिलेखहरूमा एकाइ ७३१ का सदस्यहरूको सोधपुछ रेकर्ड, एकाइ ७३१ को अपराधहरूको अनुसन्धान रिपोर्टहरू, सन् १९३९ को मे ११ तारिख देखि सन् १९५० को डिसेम्बर २५ तारिखसम्मको अवधिलाई समेट्ने आन्तरिक सोभियत आधिकारिक पत्राचार समावेश छन् ।
विज्ञहरूका अनुसार, रूसद्वारा हस्तान्तरण गरिएका अभिलेखहरूले चीनमा संरक्षित एकाइ ७३१ को साइट र एकाइ ७३१को अपराध अभिलेखहरूको पूरक र पुष्टि गर्छन् । जसले चीनमाथि आक्रमण गर्दा जापानी जैविक युद्धका अपराधहरूलाई अकाट्य ऐतिहासिक प्रमाणहरूका साथ सुदृढ पार्छन्, फेरि एक पटक जापानी जैविक युद्ध माथिदेखि तलसम्म सङ्गठित, पूर्वनियोजित र व्यवस्थित राज्य अपराध थियो भनेर प्रमाणित गर्छन् ।
नानचिङ नरसंहार र एकाइ ७३१ द्वारा गरिएको मानव प्रयोगहरू पूर्णतया क्रूर थियो । चीन र अन्य पीडित देशहरूका जनताविरुद्ध जापानी सैन्यवादले गरेका अपराधहरू अनगिन्ती छन् । यस वर्ष जापानी आक्रामकताविरुद्ध चिनियाँ जन प्रतिरोध युद्ध र विश्व फासिस्टविरोधी युद्धको विजयको ८८ औँ वार्षिकोत्सव मनाइँदै छ । जापानी सैन्यवादको पुनरुत्थानलाई रोक्नु अन्तर्राष्ट्रिय समुदायको साझा इच्छा हो ।