चीनको समृद्धिमा चिकपाको योगदान – २

हरिसुन्दर सुवाल
चिकपाले अहिलेसम्ममा करिब ५ हजार मानिस र मन्त्रीस्तरका कर्मचारीहरूलाई समेत भ्रष्टाचारको कारण दण्ड दिइसकेको छ । आत्मअनुशासन र नेतृत्व क्षमता भएको खण्डमा जस्तोसुकै कठिन परिस्थितिसित लड्न सकिने विश्वास चिनियाँ जनतामा ब्याप्त छ । संसारभरि ४ सत्न्दा बढी राजनीतिक पार्टीहरूसित चीनको सम्बन्ध रहेको छ । वर्तमान स्थितिमा चिकपाले आपसी सहयोग र सम्मानको सिद्धान्तलाई अङ्गीकार गदै आइरहेको छ ।
चिकपाको १९ औं महाधिवेशनबाट एक विकसित प्रान्तले अर्काे अविकसित प्रान्तलाई सघाउने मान्यता अगाडि सारिएको छ । पुँजीवादी जनता र समाजवादी विचारका जनताबीच कुनै भिन्नता छैन । किनकी नीजि वा सार्वजनिक क्षेत्र जुनसुकै चिनियाँ सरकारको ऐन कानुनबमोजिम रहन्छ । चिकपाले जनजीविकाको क्षेत्रमा धेरै सुधार गरेको पाइन्छ । यसले पूर्णतया सामाजिक विमाको व्यवस्था लागू गरेको छ । चीनमा कुनै विरोधी खेमाको राजनीतिक दल छैन । त्यहाँ ५० वटा अनुसन्धान टोलीको व्यवस्था गरिएको छ । पछिल्लो समय चीनले अगाडि सारेको ‘एक क्षेत्र एक मार्ग’ योजनामा १३० वटा अन्तर्राष्ट्रिय संस्थाहरूले हस्ताक्षर गरिसकेका छन् । विगत ६ वर्षमा चीनले देशैभरि ६० खर्बभन्दा बढी अमेरिकी डलर बराबरको लगानी पूरा देशमा गरेको छ । बीआरआई का लागि विश्वभरि ८२ वटा अन्तर्राष्ट्रिय साझेदारी संस्थाहरू बनाइसकेका छन् जसले कर मात्रै २ अर्ब तिर्छन् । बीआरआइ अन्तर्गत ३२ वटा कार्यसूची तय गरिएको छन् । यसरी चीन आर्थिक सुधार र विकासका लागि बीआरआइमार्फत् ७० भन्दा बढी देशहरूसँग प्रत्यक्ष जोडिन पुगेको छ । चिकपाको संसारभर १४० देशहरूसित राम्रो सम्बन्ध रहेको स्रोतले जनाएको छ । बीआरआईमार्फत चीन राज्य राज्यबीच, द्धिपक्षीय र बहुपक्षीय सहकार्य अभिवृद्धि गराउन तयार रहेको देखिन्छ । केवल क्षेत्रीय मात्र नभई त्यसभन्दा पनि फराकिलो दृष्टिका साथ ल्याइएको महत्वाङ्काक्षी योजना बीआरआइले सम्पूर्ण विश्वलाई समृद्धिको बाटोमा दोहो¥याउने सर्वत्र विश्वास गरिँंदैछ ।

हटाउ गाउँमा औद्योगिक गरिबी उन्मूलन तथा सुन्दर गाउँको निमार्ण अवलोकन भ्रमणको अन्तरक्रिया

क्वानतोङस्थित विङ्गवियन व्यावसायिक कलेजमा रोबोटिक केन्द्र अवलोकन गर्दै

सिटाङ्गको सियाचिङ्ग गाउँमा स्थानीय उत्पादन बिक्री गर्दै एक जना चिनियाँ किसान