चीन अध्ययन भ्रमण – ३

नरेश खत्री
२०१९ अगस्ट ९
हिजो बेलुकी नै हामीलाई बिहानको चिया नास्ता सकाएर ८ बजे अगाडि नै आईपीआरसीसीको भुँइ तल्लामा भेला हुन भनिएको थियो । हामी बिहान ७ बजे नै तयारी भयौँ । ७ः३० बजेमात्रै बिहानको नास्ता सुरु हुने भएकाले प्रतिक्षा ग¥यौँ । एक जना साथीले अन्तर्राष्ट्रिय गरिबी निवारण केन्द्र चीन लेखिएको बोर्ड अगाडि एउटा फोटो खिच्ने प्रस्ताव राखे । हामी आधा घन्टा समयलाई उपयोग गर्ने हेतुले फोटो खिच्न गयौँ । ढुङ्गामा इन्टरनेशल पोवर्टी रिडक्सन सेन्टर इन चाइना (आइपीआरसीसी) कुँदिएको आकर्षक साइन बोर्ड पृष्ठभूमिका निकालेर हामी सबैले एक अर्काको फोटो आ–आफ्नो मोबाइलमा कैद ग¥यौँ र चिया नास्ताको लागि गयौँ । नास्ता सुरु भइसकेको थियो । ८ बजे अगाडि नै भेला हुन भनिएकोले हामीले छिटोछिटो नास्ता खायौँ ।
अगस्ट ६ देखि सुरु भएको ग्रामीण विकास र गरिबी निवारणसम्बन्धी विकासोन्मुख देशका राजनीतिक पार्टीहरूको सम्मेलनलाई तीनवटा चरणमा दुई चरण सकाएर तेस्रो चरण अवलोकन भ्रमणको लागि हामी क्वाङतोङ प्रदेशमा गयौँ । क्वाङतोङ प्रदेशमा अन्यन्त विकसित सहर र अविकसित गाउँहरू भएकोले हाम्रो अध्ययन भ्रमणको लागि उपयुक्त रहेको चिनियाँ साथी कुवो तोङ तोङले जानकारी गराए । चिनियाँ सहजकर्ता साथीहरूमध्ये कुवो तोङ तोङ र वाङ सन हामीसँगै आएका थिए । हिजो बेलुका नै ली र याङले आज हामीसँग आउन नसक्ने बताएका थिए । बिदावारी भएको बेला हामीले उनीहरूलाई भक्तपुुरको कालो टोपी उपहार दियौँ । हामीले त्यति अनौपचारिक कुराकानी त गर्न पाएनौँ । ली पेट्रोलियम इन्जिनियरिङका विद्यार्थी रहेछन् । उनी हुनान प्रान्तका हुन् । ग्रेटवाल घुमेको दिन उनीसँग धेरै कुराकानी भयो । याङ चिलिन प्रान्तको छाङछुङका हुन् । हामीसँगको बिदाइपछि हामीलाई धन्यवाद दिँदै वीच्याटमा याङले लेखका थिए – इतिहासमा पहिलोपटक मैले यति धेरै अङ्गे्रजी बोलेँ ।

क्वाङतोङ प्रदेशको ग्रामीण विकासबारे प्रबद्र्धनात्मक वृत्तचित्र प्रदर्शन र गोष्ठी

चीनको पिकुयुआन व्यावसायिक कलेजमा रोबोट निर्माण प्रयोगशालामा अध्ययन भ्रमण

क्वाङतोङ प्रदेशको छिङयुआन सहरस्थित ग्रामीण क्षेत्र भ्रमणको क्रममा स्थानीय कम्युनिस्ट पार्टी इन्चार्जसँग नेपाली प्रतिनिधिमण्डल