टिपु सुलतानको रकेट र इतिहासप्रति भाजपाको रित्तो गौरव

प्रवीर पुरकायस्थ
हिजोआज भारतमा हामी नयाँ अङ्ग्रेज – मैसुर लडाइँ चलिरहेको देख्दै छौँ–भारतको इतिहासमा टिपु सुलतानको भूमिका अस्वीकार गर्ने कुरामा राष्ट्रिय स्वयम्सेवक सङ्गठन (आरएसएस) को कुरा बेलायतसँग मिलेको छ । कर्णाटकका भाजपाका समर्थक मुख्यमन्त्री एडियुरुप्पाले टिपु सुलतानलाई स्वतन्त्रता सङ्ग्रामी होइन भनी बोले । यो इतिहासका पुस्तकमा रहेका सबै सन्दर्भलाई असत्य साबित गर्न खोज्ने एउटा चकित तुल्याउने तर्क हो । आरएसएसबाट प्रशिक्षित वा अझ मस्तिष्कको शल्यक्रिया गरिएकाहरूको लागि अङ्ग्रेज–मैसुर युद्ध भारतीय स्वतन्त्रता युद्ध होइन, बरु बेलायतले उछालेको उपनिवेशवादी युद्धको हिस्सा भएको कुरा बुझ्न गाह«ो छैन । बङ्गालका नवाब सिराज–उद–डौलाहले लडेर बेलायतलाई पछारेको प्लासेको लडाइँ पनि उनीहरूको लागि उस्तै हो । भारतको इतिहासमा त्यस्ता अरू पनि धेरै उपनिवेशवादी लडाइँ र युद्ध छन् । त्यसकारण नवाब, राजा र राजकुमारहरू स्वतन्त्रता सङ्ग्रामी थिएनन् किनभने त्यतिञ्जेल भारत अथवा अझ ठीकसँग भन्दा मैसुर र बङ्गालका अधिराज्यहरू (अरु पनि अधिराज्यहरू) ले स्वाधीनता नै गुमाइसकेका थिएनन् ¤ टिपु र अन्य भारतीय शासकहरूबीचको भिन्नता भनेको टिपुले लामो समयसम्म बेलायतसँग लडेर धेरै पराजयमात्र भोगेनन् । बरु आधुनिक रकेट विज्ञान प्रयोगमा ल्याउने उनी पहिलो व्यक्ति थिए ।

हैदर अली