नयाँ युगमा साहसपूर्ण नयाँ प्रगति गर्दै चीन

 हे यिन (He Yin)
एक अर्ब ४० करोड जनसङ्ख्या भएको देश चीनले चाँडै नै सबै हिसाबले मध्यमरूपमा समृद्ध समाज निर्माण गर्ने पहिलो शताब्दी लक्ष्य हासिल गर्दैछ । यो घटना चीनको विकासका निम्ति कोशेढुङ्गा मात्र साबित हुने छैन बरु मानव इतिहासकै एउटा ठोस् प्रगति हुनेछ ।
विश्वले चीनको गरिबीविरुद्ध लडाइँको नरोकिने पाइला देख्नेछ, त्यो मानव विकासको इतिहासमा गौरवपूर्ण अध्याय हुनेछ । सन् २०२० मा प्रवेशपछि चीनको निर्णय र प्रयासले सारा विश्वलाई आश्चर्यचकित तुल्याउने छ ।
विगतमा प्राप्त गरिसकेका उपलब्धिले नै भविष्य उज्यालो बनाउने मार्गप्रशस्त गर्छ । पसिनाको धारा बगाएर गरिएको श्रम र कडा मेहनतले नै ठोस उपलब्धि हासिल भएका छन् र चीनले निरन्तररूपमा नयाँ प्रगति हासिल गर्दै जानेछ ।
जनगणतन्त्र चीन स्थापनाको ७० औँ वर्ष गाँठ मनाएको भव्य समारोहले सारा विश्वमाथि नै गहन प्रभाव छाड्यो । त्यसैले विश्वको कुनाकाप्चाबाट चीनलाई साथ, समर्थन र बधाई मिलिरहेको छ ।

चीनले आफ्नै विकासको माध्यमले विश्व शान्ति स्थिरता र समृद्धिमा थप सकारात्मक ऊर्जा भरिरहँदा त्यसको अन्तर्राष्ट्रिय प्रभाव दिनानुदिन बढिरहेको छ । त्यसको क्षमताले अरूलाई पनि प्रेरित गर्न तथा शक्तिले आकार ग्रहण गर्न थालेको छ । चीनसित कूटनीतिक सम्बन्ध गाँसेका देशहरूको सङ्ख्या १८० पुगेको छ । १९९ देश र अन्तर्राष्ट्रिय सङ्गठनहरूले चीनसित क्षेत्र र मार्ग महापरियोजनाका संयुक्त निर्माणका लागि गरेको सम्झौताको विस्तारले चीन र त्यसका विश्वव्यापी साझेदारहरूलाई साझा विकासको बाटो तय भइरहेको छ र त्यसले विश्वभरकै मानिसलाई फाइदा पुग्नेछ ।

जर्मन समाचारपत्र ‘डाइ जेट’ सित आबद्ध पत्रकार फेलिक्स लि पेइचिङको दक्षिण रेल्वे स्टेसनमात्र विदेशीका लागि भएको पाएर आश्चर्यचकित बने । त्यस्तै ३५० किमि प्रतिघण्टाको दरले कुद्ने फक्सिङ बुलेट ट्रेन (Fuxing bullet trains) देखेर धेरै विदेशी जिज्ञासु बन्छन् तर चिनियाँ जनता वा यात्रुका लागि भने त्यो सामान्य भइसकेको छ ।
चीनमा विदेशीहरू आश्चर्यचकित बन्ने बुलेट ट्रेन (रेल) मात्र होइन तथा गत नोभेम्बरमा चीनको चाङ फोर मिसन
(Chang’s- 4 Misson) टोलीले संयुक्त अधिराज्य (बेलायत) को शाही एरोनटिकल समाजको वार्षिक टीममा गोल्ड मेडल मात्र प्राप्त गरेन केही दिनपछि नै मुन भिलेज एसोसिएसनद्वारा प्रदान गरिने मुन भिलेज प्रिन्सिपल्स – मिसन पुरस्कार पनि प्राप्त ग¥यो ।
त्यति मात्र होइन चीन अहिले हरेक क्षेत्रमा विश्वकै प्रतिस्पर्धी बनेको छ र विश्वकै निर्णायक खेलाडी बन्दै छ । विश्वव्यापी आर्थिक ढाँचामा चीनको बढ्दो सुदृढ प्रभावमाथि जोड दिँदै कन्ज्युमर न्यूज एन्ड बिजिनेस च्यानलले हालै एक लेख प्रकाशित ग¥यो ।
चीनले आफ्नै विकासको माध्यमले विश्व शान्ति स्थिरता र समृद्धिमा थप सकारात्मक ऊर्जा भरिरहँदा त्यसको अन्तर्राष्ट्रिय प्रभाव दिनानुदिन बढिरहेको छ । त्यसको क्षमताले अरूलाई पनि प्रेरित गर्न तथा शक्तिले आकार ग्रहण गर्न थालेको छ । चीनसित कूटनीतिक सम्बन्ध गाँसेका देशहरूको सङ्ख्या १८० पुगेको छ । १९९ देश र अन्तर्राष्ट्रिय सङ्गठनहरूले चीनसित क्षेत्र र मार्ग महापरियोजनाका संयुक्त निर्माणका लागि गरेको सम्झौताको विस्तारले चीन र त्यसका विश्वव्यापी साझेदारहरूलाई साझा विकासको बाटो तय भइरहेको छ र त्यसले विश्वभरकै मानिसलाई फाइदा पुग्नेछ ।
सन् २०२० लाई वैज्ञानिक र प्राविधिक अन्वेषणको वर्षको रूपमा उपयोग गर्ने सम्झौता चीन र रसियाबीच भएको छ भने भारत र चीनबीच सांस्कृतिक र जन आदानप्रदान वर्ष एवम् चीन र आसियानबीच डिजिटल अर्थतन्त्र सहयोग तथा ब्रुनाइ–चीनबीच पर्यटन वर्षका रूपमा मनाउने सहमति भएका छन् । चिनियाँ र विश्वभरका जनताबीच विविध आदानप्रदान तथा आपसी सिकाइले मित्रता र सहयोगलाई थप गहन पार्ने देखिन्छ ।
विश्व नै नयाँ शताब्दीमा महान् परिवर्तनको प्रक्रियातिर अघि बढेको अवस्थामा चीनले जीत–जीत सहयोग (Win-win Cooperation) को नीतिलाई अडिगरूपमा रक्षा गर्दै बहुपक्षीयतावाद र अन्तर्राष्ट्रिय सम्बन्धको प्रजातान्त्रीकरणका लागि छेउको ढुङ्गा (Cornerstone) को भूमिका निर्वाह गर्दैछ ।
बितेको वर्ष चीनले विदेशी लगानी कानुन जारी ग¥यो, विदेशी लगानीका लागि अनुपयुक्त क्षेत्रको सूचि प्रकाशित ग¥यो, कर र शुल्क घटाउँदै लग्यो, विदेशी लगानीका बैङ्क र बीमा कम्पनीहरूको बजारमा पहुँच वृद्धिका लागि सर्तहरू नरम बनाउँदै लग्यो र ६ वटा नयाँ नमुना खुला बजार क्षेत्र स्थापना ग¥यो ।
त्यतिमात्र नभई चीनले अन्तर्राष्ट्रिय सहयोगका निम्ति दोस्रो क्षेत्र र मार्ग मञ्चको शिखर सम्मेलन तथा दोस्रो चीन अन्तर्राष्ट्रिय आयात प्रदर्शनी आयोजना ग¥यो । यी सबै कदमले चीनले आफ्नो बजार विदेशी औद्योगिक र व्यापारिक कम्पनीहरूका लागि खुला गरेको थियो ।
चीन केन्द्रमा संयुक्त राष्ट्र सङ्घ भएको अन्तर्राष्ट्रिय प्रणालीको सुरक्षामा दृढ छ । साथै, अन्तर्राष्ट्रिय सम्बन्धको आधारभूत मान्यता अन्तर्राष्ट्रिय कानुन, विश्व व्यापार सङ्गठनसहितको बहुपक्षीय व्यापार प्रणालीमा आधारित हुनुपर्नेमा अडिग छ ।
क्युवाको प्रेन्सा ल्याटिना समाचार संस्थाद्वारा हालै प्रकाशित एक रचनाअनुसार आफ्नो बढ्दो विश्वव्यापी प्रभावका साथ चीनले आफ्नो प्रभाव र नेतृत्वको निकै होसियारीपूर्वक सदुपयोग गरेको छ । अर्कोतिर बढ्दो एक पक्षीयतावाद र संरक्षणवादको बीच शान्तिपूर्ण र समावेशी अन्तर्राष्ट्रिय संयन्त्रको रक्षा गरिरहेको छ ।
“विश्वमा धेरै कुरा अनिश्चयको अवस्थामा रहेको बेला चीनले धेरै उपयोगी उदाहरण र योजनामार्फत विश्वका मुद्दाहरू शान्ति र मिलनसारितापूर्वक र सन्तुलितरूपमा समाधान गर्ने प्रस्ताव गरिरहेको छ ।” – ग्रीसका राष्ट्रपति प्रोकोपिस पाम्लोपोउलसले औँल्याउनुभएको छ ।
“नदीजस्तै मानव इतिहास पनि सधैँ बगिरहन्छ । त्यसमा शान्तिपूर्ण क्षण र ठूल्ठूला अवरोधहरू पनि आइरहन्छन् । हामी आँधीबेहरी, खतरा र अवरोधहरूदेखि डराएका छैनौँ । चीन शान्तिपूर्ण विकासको बाटोमा अघि बढ्न प्रतिबद्ध छ र विश्वशान्तिलाई दृढतापूर्वक रक्षा गर्दै साझा विकासमा जोड दिनेछ ।” – राष्ट्रपति सीले नयाँ वर्ष २०२० को शुभकामना सम्बोधनका क्रममा भन्नुभयो ।
चिनियाँ राष्ट्रपति सीको नयाँ वर्षको सम्बोधन विश्वका लागि चीनको घोषणाका रूपमा लिइएको छ । घोषणाअनुसार चीन आफ्नो नयाँ बाटोमा छ । त्यसले विश्वका सबै देशका मानिससित हातमा हात मिलाउँदै क्षेत्र र मार्ग परियोजना सफल पार्न अघि बढ्नेछ । मानव जातिको साझा भाग्यको समुदाय निर्माणमा अघि बढ्ने छ र सुन्दर भविष्य सिर्जनाका लागि अथक प्रयास गर्नेछ ।
(China to fearlessly make new progress in new era_
– People’s Daily online
January 03, 2020
अनुवाद ः प्रकाश