महामारी प्रतिरोधको लागि चीनको नीतिमा सुधार

चीन सरकारले डिसेम्बर २६ मा बेलुका विज्ञप्ति जारी गर्दै ‘नयाँ खालको कोरोना भाइरस निमोनिया’ नामलाई ‘नयाँ खालको कोरोना भाइरस सङ्क्रमण’मा परिणत गरेको छ । चीनले सन् २०२३ को जनवरी ८ देखि ‘जन गणतन्त्र चीनको सरुवा रोगको प्रतिरोधसम्बन्धी ऐन’ बमोजिम नयाँ खालको कोरोना भाइरस सङ्क्रमणको व्यवस्थापनलाई ‘ख’ वर्गमा राख्दै ‘ख’ खालकै व्यवस्थापन’ मा मिलाएको छ ।
यो महामारीको प्रतिरोधको लागि चीनको नीतिमा भएको सुधार हो । चीनले भाइरसको परिवर्तन, महामारीको स्थिति तथा महामारीको प्रतिरोधसम्बन्धी अनुभवको मूल्याङ्कन गर्ने आधारमा वास्तविकताबमोजिम गरेको गतिविधि हो ।
कोरोना महामारी देखा परेको प्रारम्भिक अवधिमा चीनले सम्बन्धित ऐनबमोजिम यसलाई ‘ख’ खालको सरुवा रोगको परिधिमा राखेर ‘क’ खालको सरुवा रोगको प्रतिरोध र नियन्त्रण गर्ने कदम चालेको थियो । त्यसको उद्देश्य कडा कदममार्फत सबैभन्दा ठूलो हदमा महामारीको फैलावटको नियन्त्रण गर्न सकिने थियो । विगत तीन वर्षयता चीनमा महामारीको फैलावट र मृत्यु भएको सङ्ख्या विश्वको न्यूनतम स्तरमा कायम छ ।
हाल विश्वको चिकित्सा क्षेत्रले ओमिक्रोन भाइरस कमजोर भएको ठहर गर्छ । चीनले चालेको नयाँ कदम वर्तमान स्थितिसँग अनुकूल रहेको छ, जसले सबै कुरा वास्तविकताबमोजिम वैज्ञानिक तरिकाको उपयोग गर्ने विशेषता अभिव्यक्त गरेको छ ।