इजरायलद्वारा ४ हजारभन्दा बढी प्यालेस्टिनीलाई जबरजस्ती विस्थापन : राष्ट्र सङ्घ

जेनेभा, २८ फेब्रुअरी (टेलेसुर/प्रेस टिभी) । इजरायलले वेस्ट बैङ्क र पूर्वी जेरुसेलमको कब्जामा लिएका क्षेत्रहरूमा करिब ४,००० प्यालेस्टिनीहरूलाई विस्थापित गरेको छ । यो सङ्ख्या मानवीय मामिला समन्वयको लागि संयुक्त राष्ट्र सङ्घको कार्यालय (ओसीएचए) का अनुसार हालसम्मकै उच्च हो ।
“२०२३ मा वेस्ट बैङ्क (पश्चिमी किनारा) र पूर्वी जेरुसेलमको कब्जा गरिएको क्षेत्रहरूमा इजरायली सरकार वा इजरायली बसोबास गर्नेहरूले लागू गरेको नीति र अभ्यासका कारण करिब ४,००० प्यालेस्टिनीहरू विस्थापित भएका थिए” एजेन्सीले एक रिपोर्टमा भनिएको छ ।
“यो ओसीएचएले एक वर्षमा प्यालेस्टिनी विस्थापितहरूको रेकर्ड गरेको सबैभन्दा उच्च तथ्याङ्क हो”, सन् २००९ देखि प्यालेस्टिनीहरूको विस्थापनलाई व्यवस्थितरूपमा दस्ताबेजीकरण गरेपछिको सबैभन्दा उच्च सङ्ख्या हो ।
इजरायली सेनाले भवन कथितरूपमा निर्माण नभएका घर र भवनहरू ध्वस्त पारेका छन्, जसबाट ६४५ बालबालिकासहित १,३२५ प्यालेस्टिनीहरूलाई बसाइँ सर्न बाध्य बनाएको छ ।
यसबाहेक, वेस्ट बैङ्क (पश्चिम किनारा) मा हिंसात्मक कार्यहरूले २२२ भन्दा बढी संरचनाहरूलाई क्षति पु¥याएको छ जसमा ८०० भन्दा बढी प्यालेस्टिनीहरू घरबारविहीन भएका छन्, जसमध्ये ३०० भन्दा बढी बालबालिकाहरू रहेका छन् ।
हिंसाका अतिरिक्त, इजरायली बसोबास गर्नेहरूले प्यालेस्टिनीहरूलाई आवागमनमा लगाएको प्रतिबन्धले धेरै परिवार सडकमा बस्न बाध्य छन् ।
मानवीय मामिला समन्वयको लागि संयुक्त राष्ट्र सङ्घको कार्यालय (ओसीएचए) को दाबी छ “इजरायली अधिकारीहरूले वा तिनीहरूको स्वीकृति वा सहमतिमा प्यालेस्टिनीहरूलाई आफ्नो घर र भूमि छोड्न बाध्य पार्ने यी कार्यहरूले जबरजस्ती विस्थापनको जोखिम निम्त्याएको छ, जुन अन्तर्राष्ट्रिय मानवीय कानुनद्वारा निषेध गरिएको छ ।”
हानियाद्वारा प्यालेस्टिनीहरूलाई रमजानको पहिलो दिन अल–अक्सा मस्जिदमा मार्च गर्न आह्वान
हमासका राजनीतिक ब्युरो प्रमुख इस्माइल हनियाले कब्जा गरिएको वेस्ट बैङ्कका प्यालेस्टिनीहरूलाई मुस्लिमहरूको पवित्र महिना रमजानको पहिलो दिन अल–अक्सा मस्जिदमा मार्च गर्न आह्वान गर्नुभएको छ ।
“अल–अक्साको घेराबन्दी र गाजाको घेराबन्दी एउटै हो,” हानियाले बुधबार टेलिभिजन सन्देशमा भन्नुभयो ।
हानियाले इजरायली शासनद्वारा “सुरक्षा आवश्यकताहरू” अनुसार रमजानको अवधिमा कब्जा गरिएको अल–कुड्सको पुरानो सहरमा रहेको अल–अक्सा मस्जिदमा पहुँचमा प्रतिबन्ध लगाउने घोषणालाई सङ्केत गर्दै हुनुहुन्थ्यो ।
“अल–अक्सा मस्जिद र अन्य पवित्र स्थलहरू अन्तर्राष्ट्रिय कानुनअनुसार व्यवस्थित हुनुपर्छ । हाम्रा जनताले आफ्ना मस्जिद, गिर्जाघर र पवित्र स्थलहरूको सबै प्रकारको प्रतिरोधका साथ रक्षा गर्नेछन् ।”
प्यालेस्टिनी प्रतिरोध आन्दोलनका प्रमुखले वेस्ट बैङ्कमा इजरायलको आक्रमणमा भएको वृद्धि सबै प्यालेस्टिनीहरूलाई विस्थापित गर्ने बृहत् योजनाको हिस्सा भएको बताउनुभयो ।
“इजरायलले मानवतालाई ज्ञात सबैभन्दा नराम्रो अत्याचार गरिरहेको छ, जसमा नागरिकहरूको विनाश र विस्थापन पनि समावेश छ ।”
“अन्तर्राष्ट्रिय समुदाय, विशेष गरी अरब देशहरू, रफाहको भूमि आक्रमण र गाजाको उत्तरी भागमा भोकमरी रोक्नको लागि इजरायलका दुष्ट कार्यहरूको सामना गर्ने र रोक्ने कर्तव्य हो ।”
विगत केही महिनादेखि क्षेत्रीय प्रतिरोध अक्षले इजरायली कब्जाकारी शासनविरुद्ध क्षेप्यास्त्र र ड्रोन आक्रमण गरिरहेको छ ।
यमन र लेबनान र इराकका प्रतिरोधी समूहहरूले इजरायली र अमेरिकी लक्ष्यहरूविरुद्ध धेरै कारबाहीहरूलाई बढावा दिइरहेका छन् ।
अक्टोबर २०२३ को सुरुदेखि, इजरायलले गाजामा लगभग ३०,००० मानिसहरूलाई मारेको छ । पीडितहरूमा महिला र बालबालिकाहरू रहेका छन् ।