युरोपेली सङ्घका अग्निनियन्त्रकहरूद्वारा सामाजिक सुरक्षा कटौतीविरुद्ध ब्रसेल्समा विरोध प्रदर्शन

ब्रसेल्स, १८ कार्तिक (टेलिसुर) । युरोपेली सङ्घका २० देशका सयौँ अग्निनियन्त्रकहरूले थप सार्वजनिक लगानी, आफ्नो कार्यबलको विस्तार, सामाजिक सुरक्षा कटौतीमा रोक र सुरक्षित कार्यस्थितिको ग्यारेन्टीको माग गर्दै युरोपेली सङ्घको राजधानी ब्रसेल्समा विरोध प्रदर्शन गरेका छन् । प्रदर्शन ब्रसेल्सको नर्थ स्टेसनबाट सुरु भई टुर एन्ड ट्याक्सिस कम्प्लेक्सतर्फ शान्तिपूर्वक अघि बढेको थियो, जहाँ युरोपेली नागरिक सुरक्षा मञ्चको नवौँ संस्करण उद्घाटन हुँदै थियो ।
युरोपेली सार्वजनिक सेवा युनियनहरूको महासङ्घ (ईपीएसयू) ले काम गर्ने अवस्थाहरू निरन्तर बिग्रँदै गएको भन्दै निन्दा गरेको छ, जसलाई नियमन खुकुलो पारिनु र अपर्याप्त बजेट विनियोजनले झन् गम्भीर बनाएको छ । युरोस्ट्याटका तथ्याङ्क उद्धृत गर्दै महासङ्घले २०२४ र २०२५ बीचमा युरोपमा करिब १८,२०० व्यावसायिक अग्निनियन्त्रक गुमाएको र धेरै सदस्य राष्ट्रहरूमा अवकाश उमेर बढेको बताएको छ ।
युरोपेली सार्वजनिक सेवा युनियनहरूको महासङ्घ (ईपीएसयू) ले नागरिक सुरक्षा निकायहरू, युरोपेली आयोग र राष्ट्रिय सरकारहरूलाई अग्निनियन्त्रक तथा उद्धार टोलीका लागि हुने वित्तीय कटौती रोक्न आग्रह गरेको छ । वनडढेलो र बाढीबाट बढ्दो जोखिमको सामना गरिरहेका टोलीहरूका लागि यी कटौती अस्वीकार्य भएको उसले जनाएको छ ।
युरोपेली सार्वजनिक सेवा युनियनहरूको महासङ्घ (ईपीएसयू) का महासचिव जान विलेम गौड्रियानले आपत्कालीन सेवा बजेट नियन्त्रण गर्ने संस्थाहरूलाई लक्षित गर्दै यो चेतावनी दिनुभएको हो । “हामी नागरिक सुरक्षा, युरोपेली आयोग, सबैभन्दा बढी, हाम्रा सरकारहरूलाई दिन चाहेको सन्देश के हो, वन डढेलो र बाढीबाट अग्निनियन्त्रकहरूमा बढ्दो जोखिम बढिरहेको अवस्थामा, अग्निनियन्त्रक र उद्धार टोलीलाई समर्थन गर्न छुट्याइएको वित्तीय सहायता कटौती गर्नु अस्वीकार्य छ,” गौड्रियानले भन्नुभयो ।
युरोपेली सार्वजनिक सेवा युनियनहरूको महासङ्घ (ईपीएसयू) ले महादेशभरका २६० भन्दा बढी आबद्ध ट्रेड युनियनमार्फत करिब ८० लाख सार्वजनिक सेवा कामदारहरूको प्रतिनिधित्व गर्छ । यसको अग्निनियन्त्रक सञ्जाल महासङ्घभित्र सबैभन्दा सक्रियमध्ये पर्छ । वर्षौँदेखि यो युनियनले फायर ब्रिगेड्स युनियनजस्ता आबद्ध संस्थाहरूसँग मिलेर राम्रो कार्यस्थिति र बढी जनशक्तिका लागि अभियान चलाउँदै आएको छ किनकि खडेरी र तातो लहरहरूले भूमध्यसागरदेखि उत्तरी युरोपसम्मका अग्नि सेवामाथि दबाब बढाइरहेका छन् । यो अपीलको महत्व यसकारण पनि छ कि यसले एकैचोटि तीनवटा पक्षलाई लक्षित गर्छ । नागरिक सुरक्षा अधिकारीहरूले सीमापार विपद् प्रतिकार्य समन्वय गर्छन् ।
युरोपेली देशहरूमा नागरिक सुरक्षा अधिकारीहरू सीमापार विपद् प्रतिकार्यको समन्वय गर्छन् । युरोपेली आयोगले बजेटका प्राथमिकताहरू निर्धारण गर्छ, जसलाई राष्ट्रिय राजधानीहरूले प्रायः अनुकरण गर्छन् । यसबिच, सरकारहरूसँग आफ्ना दमकल सेवाले पाउने स्रोतसाधनमाथि अन्तिम अधिकार हुन्छ । यी तीनै पक्षलाई सम्बोधन गरेर, युनियनले दबाब शासनका सबै तहबाट आउनुपर्छ भन्ने सङ्केत दिन्छ ।
गौड्रियानको तर्क एउटा यस्तो समीकरणमा आधारित छ, जसले अब सन्तुलन कायम राख्दैन । जलवायु परिवर्तनले विपद्हरूको आवृत्ति र गम्भीरता दुवै बढाउँछ, जसले आपत्कालीन कामदारहरूमाथि पर्ने माग बढाउँछ । यस्तो अवस्थामा अग्नी नियन्त्रकहरूको बजेट कटौती गर्नु भनेको कम स्रोतसाधन, कम जनशक्ति र पुरानो उपकरणसहित टोलीहरूलाई अझ ठुलो जोखिम सामना गर्न लगाउनु हो, युनियनको भनाइ छ ।