वाइडबडी जहाज खरिदको कमिसन हुण्डीमा पठाइएको हो र ?

संस्कृति, पर्यटन तथा नागरिक उडड्यनमन्त्री बद्रीप्रसाद पाण्डेसँग प्रश्न
मित्र देशबाट करिब २२ अर्ब रुपैयाँ बराबरको ऋण ल्याएर बनाइएको पोखरा अन्तर्राष्ट्रिय विमानस्थलको आधाभन्दा बढी रकम भ्रष्टाचार भएको सार्वजानिक भयो । एक लेखा परीक्षण प्रतिवेदनअनुसार करिब १ अर्ब ६० करोड रुपैयाँको ५ सत्न्दा बढी उपकरण खरिद गरिए पनि सो उपकरण अन्तर्राष्ट्रिय विमानस्थल निर्माणमा प्रयोग नगरिएको पनि सार्वजानिक भयो । यसबारे सरकारको भनाइ के छ ? दुईओटा वाइडबडी जहाज खरिदमा भएको भ्रष्टाचार रकम सिङ्गापुरबाट हुण्डीमार्फत नेपाल पठाइएको सरकारलाई जानकारी छ कि छैन ?
संस्कृति, पर्यटन तथा नागरिक उडड्यनमन्त्री बद्रीप्रसाद पाण्डे
पोखरा अन्तर्राष्ट्रिय विमानस्थलबारे सार्वजनिक लेखा समितिमार्फत अध्ययन भई सुझाव प्रतिवेदन प्रस्तुत भएको जानकारीमा आएको हो । तर, यसबारे मन्त्रालयलाई कुनै निर्देशन र सुझाव प्राप्त भएको छैन ।
सिङ्गापुरबाट हुण्डीमार्फत नेपाल ल्याइएको रकमबारे मन्त्रालयलाई जानकारी छैन ।
पुरक प्रश्न
विज्ञहरूले १६ करोड जनसङ्ख्या भएको भारतको लखनउमा एउटा मात्रै अन्तर्राष्ट्रिय विमानस्थल रहेको उल्लेख गर्दै २–३ करोड जनसङ्ख्या भएको नेपालमा ३ वटा अन्तर्राष्ट्रिय विमानस्थल बनिसकेको र थप एउटा बन्ने लाइनमा रहेको उचित नभएको बताए । भैरहवा अन्तर्राष्ट्रिय विमानस्थल निर्माणमा पनि जग्गा अधिग्रहणलगायत काममा भ्रष्टाचार भएको बारे मन्त्रालयको के कस्तो मत छ ?
जवाफ
काठमाडौँ विमानस्थलले धान्न सक्ने जम्मा ४५ लाख यात्रु हो तर यस वर्ष ९५ लाख यात्रु ओहोरदोहार गराइयो ।
(नेपाल मजदुर किसान पार्टीका सचिव एवम् सांसद प्रेम सुवालले २०८२ असार ३० गते प्रतिनिधिसभा बैठकमा संस्कृति, पर्यटन तथा नागरिक उडड्यन मन्त्री बद्रीप्रसाद पाण्डेसँग सोध्नुभएको प्रश्न र मन्त्री पाण्डेको जवाफको सार : सं)