चिनियाँ जनताको जापानी अतिक्रमणविरूद्धको युद्ध तथा विश्व फासीवादविरोधी युद्धमाथिको विजयको ८० औँ वार्षिकोत्सव समारोह सम्पन्न

पेइचिङ, १८ भदौ, (सीआरआई) । सेप्टेम्बर ३ तारिख बिहान चिनियाँ जनताको जापानी अतिक्रमणविरूद्धको युद्ध तथा विश्व फासीवादविरोधी युद्धमाथिको विजयको ८० औँ वार्षिकोत्सव समारोह सफलताका साथ पैचिङको थ्येनआनमन चोकमा सम्पन्न भएको छ ।
सेप्टेम्बर ३ का दिन बिहान नौ बजेतिर चिनियाँ जनताको जापानी अतिक्रमणविरूद्धको युद्ध तथा विश्व फासीवादविरोधी युद्धमाथिको विजयको ८० औँ वार्षिकोत्सव समारोह पेइचिङस्थित थ्येनआनमन चोकमा भव्यताका साथ आयोजना गरिएको हो ।
समारोहमा भव्य सैन्य परेड समावेश थियो । चिनियाँ कम्युनिस्ट पार्टी केन्द्रीय समितिका महासचिव, जन गणतन्त्र चीनका राष्ट्राध्यक्ष एवम् केन्द्रीय सैन्य आयोगका अध्यक्ष सी चिनफिङले महत्वपूर्ण सम्बोधन गर्नुका साथै सेनाको अवलोकन निरीक्षण गर्नुभयो ।
समारोहको मूल नारा “इतिहासलाई सम्झनुहोस्, शहीदहरूको कदर गर्नुहोस्, शान्तिको कदर गर्नुहोस् र भविष्यको सिर्जना गर्नुहोस्” रहेको छ ।
चिनियाँ राष्ट्राध्यक्ष सी चिनफिङको निमन्त्रणामा २६ विदेशी राष्ट्र तथा सरकार प्रमुखहरूले स्मृति समारोहमा सहभागिता जनाउनुभएको थियो । चिनियाँ सरकारको निमन्त्रणामा, संसद्का धेरै वक्ताहरू, उपप्रधानमन्त्रीहरू, उच्चस्तरीय प्रतिनिधिहरू, अन्तर्राष्ट्रिय संस्थाका प्रमुखहरू र पूर्व राजनीतिक नेताहरूले पनि भाग लिएका थिए ।
बिहान ८ बजेर ३५ मिनेट जाँदा राष्ट्राध्यक्ष सी चिनफिङ र सो समारोहमा सहभागी हुन आउनुभएको विदेशी देशका प्रतिनिधि टोलीका प्रमुखहरू सँगसँगै थ्येनआनमन टावर चढ्नुभएको थियो । साथै उहाँले जापानी अतिक्रमणविरूद्ध चिनियाँ जनताको युद्धमा सहभागी भएका वृद्ध सिपाही र वृद्ध कमरेड प्रतिनिधिहरूसित सौहार्दपूर्वक हात मिलाउँदै उहाँहरूलाई उच्च सम्मान व्यक्त गर्नुभएको थियो ।
राष्ट्राध्यक्ष सी चिनफिङले महत्वपूर्ण सम्बोधन गर्नुभयो । उहाँले भन्नुभयो, आज हामी चिनियाँ जनताको जापानी अतिक्रमणविरूद्धको युद्ध तथा विश्व फासीवादविरोधी युद्धमाथिको विजयको ८० औँ वार्षिकोत्सव मनाउन जुटेका छौँ, साथै इतिहासलाई सम्झन, शहीदहरूलाई श्रद्धाञ्जली अर्पण गर्न, शान्तिलाई प्रेम गर्न र भविष्यको सिर्जना गर्न जुटेका छौँ।
उहाँले भन्नुभयो कि चिनियाँ राष्ट्र एक महान राष्ट्र हो जुन कुनै हिंसादेखि डराउँदैन र आत्मनिर्भर र बलियो छ । चिनियाँ जनता इतिहासको सही पक्षमा र मानव सभ्यताको प्रगतिको पक्षमा दृढतापूर्वक उभिएका छन् । तिनीहरू शान्तिपूर्ण विकासको मार्गमा हिँड्छन् र मानवजातिको साझा भविष्य भएको समुदाय निर्माण गर्न सबै देशका मानिसहरूसँग हात मिलाएर काम गर्छन् ।
उहाँका अनुसार, चिनियाँ जनमुक्ति सेना सधैँ नै पार्टी र जनताले पूर्ण रूपमा विश्वास गर्नसक्ने बहादुर सेना हो । सम्पूर्ण सेनाले आफ्नो पवित्र कर्तव्यलाई निष्ठापूर्वक बहन गर्नुका साथै दृढताका साथ देशको सार्वभौमिकता, एकीकरण र भूखण्डको अक्षुण्णताको संरक्षण गर्नुपर्छ । सम्पूर्ण सेनाले चीन राष्ट्रको महान पुनःउत्थानलाई साकार तुल्याउनका लागि रणनीतिक समर्थन दिनुका साथै विश्व शान्ति र विकासका लागि अझ ठूलो योगदान गर्नुपर्ने छ ।
सी चिनफिङले बताउनुभयो, इतिहासले विगतलाई बोकिरहेको छ र भविष्यलाई उज्यालो बनाउने छ । नयाँ युग र नयाँ विकासको यात्रामा, चीनभरिका विभिन्न जातिहरूका जनताहरूले चिनियाँ कम्युनिस्ट पार्टीको दृढ प्रेरणामा माक्र्सवाद–लेनिनवाद, माउचतोङ विचारधारा, तन स्याओपिङ सिद्धान्त, तीन प्रतिनिधित्व को महत्वपूर्ण विचार र विकासको वैज्ञानिक दृष्टिकोणलाई कायम राख्नुपर्छ, चिनियाँ विशेषतायुक्त समाजवादी विचारधारालाई पूर्ण रूपमा कार्यान्वयन गर्नुपर्छ, चिनियाँ विशेषतायुक्त समाजवादी बाटोमा दृढताका साथ हिँड्नुपर्छ । युद्धविरोधी महान भावनालाई उत्तराधिकार गरी अगाडि बढाउनुपर्छ र एकताबद्ध भएर चिनियाँ शैलीको आधुनिकीकरणद्वारा बलियो देशको निर्माण र राष्ट्रिय पुनरुत्थानको महान कार्यलाई व्यापक रूपमा प्रवद्र्धन गर्न प्रयास गर्नुपर्छ चिनियाँ राष्ट्रको महान पुनःउत्थान रोकिने छैन मानव शान्ति र विकासको महान कार्य अवश्य नै जित्नुपर्छ ।
सम्बोधन सम्पन्न भएपछि ठूलो सैनिक परेड समारोहको आयोजना गरिएको छ । गजबको सैनिक ब्यान्डको सङ्गीतबिच सी चिनफिङ गाडीमा बसेर फराकिलो छाङआन सडकमा अगाडि बढ्दै क्रमैसँग सैनिक दल र हतियार दलहरूको निरीक्षण गर्नुभएको थियो । चिनियाँ कम्युनिस्ट पार्टीको झण्डा, चीनको राष्ट्रिय झण्डा तथा चिनियाँ जन मुक्ति सेनाको झण्डा सैनिक परेड अगाडि हावामा फहराइरहेका थिए । सी चिन फिङले आफू चढ्नुभएको गाडी रोकेर आफ्नो अगाडि फहराइरहेका झण्डाहरूलाई सम्मानस्वरूप सलामी अर्पण गर्नुभएको थियो ।
त्यस्तै सैनिक परेड सम्पन्न भएपछि चिनियाँ जनताको जापानी अतिक्रमणविरूद्धको युद्ध तथा विश्व फासीवाद विरोधी युद्धमाथिको विजयको ८० औँ वार्षिकोत्सव समारोह सफलताका साथ पैचिङको थ्येनआनमन चोकमा सम्पन्न भएको छ ।
समारोहमा चिनियाँ कम्युनिस्ट पार्टी केन्द्रीय समितिका महासचिव, राष्ट्राध्यक्ष, केन्द्रीय सैन्य आयोगका अध्यक्ष सी चिनफिङले उक्त स्वागत समारोहलाई महत्वपूर्ण सम्बोधन गर्नुभयो ।
सी चिनफिङले आधुनिकीकरणका लागि चिनियाँ मार्ग शान्तिपूर्ण विकास बाटो हिँड्ने आधुनिकीकरण रहेको बताउँदै चीन सधैँ नै विश्व शान्तिको शक्ति, स्थिरताको शक्ति, प्रगतिको शक्ति रहेको उल्लेख गर्नुभयो । विभिन्न मुलुकले विश्वको आधुनिकीकरणलाई संयुक्त रूपमा अगाडि बढाउने र मानवको सुन्दर भविष्यको सिर्जना गर्ने आशा चीनले लिएको कुरामा सीले जोड दिनुभयो ।