चीनको वैश्विक प्रशासन प्रस्तावलाई विश्वद्वारा व्यापक समर्थन

पेइचिङ, ३० भदौ (सीआरआई) । आजकल ‘वैश्विक प्रशासन प्रस्ताव’ निकै लोकप्रिय पदावली बनेको देखिन्छ । ठुलो डाटाको विश्लेषण गरिएअनुसार गत सेप्टेम्बर १ मा चीनका राष्ट्राध्यक्ष सी चिनफिङले शाङहाई सहयोग सङ्गठन थ्येनचिन शिखर सम्मेलनमा उक्त प्रस्ताव प्रस्तुत गर्नुभएयता त्यस विषयसम्बन्धी खोज्ने दर सेप्टेम्बर २ मासम्म उच्च स्तरमा पुगेको छ । त्यसपछि त्यसै विषयमा अन्तर्राष्ट्रिय समाजले लगातार रूपमा उच्च महत्व दिँदै आएको छ ।
यत्रो लोकप्रिय रहेको मुख्य कारण के हो र ? यसका तीनवटा पक्षहरू रहेका छन् । पहिलो, यो प्रस्ताव प्रस्तुत गरिएको समय एकदमै सही छ । दोस्रो, यो प्रस्तावले हालको परिस्थितिसँग मेल खाएको देखिन्छ । तेस्रो, यो प्रस्ताव मानिसहरूको साझा कल्पना अनुकूल छ ।
बितेका ४ वर्षयता चीनले बेग्ला बेग्लै विकास, सुरक्षा, सभ्यता र प्रशासन गरी ४ पक्षमा ४ वटा विश्वव्यापी प्रस्ताव प्रस्तुत गरेकोले डामाडोल विश्वमा स्थिरता र निश्चितता ल्याउन ठुलो मुलुकको कर्तव्यलाई पनि स्पष्टसँग देखाएको छ । त्यसैगरी ती प्रस्तावलाई अन्तर्राष्ट्रिय समाजले विस्तृत रूपमा प्रशंसा र स्वागत गरेको छ ।
यसैबिच सेप्टेम्बर १५ का दिन चाइना कम्युनिकेसन इन्टरप्राइज एसोसिएसनले वाणिज्य मन्त्रालयको सान्दर्भिक अमेरिकी उत्पादन र उपायहरूको अनुसन्धानलाई समर्थन गर्ने एक वक्तव्य जारी गरेको छ ।
सन् २०२५ को सेप्टेम्बर १३ का दिन जनगणतन्त्र चीनको वाणिज्य मन्त्रालयले अमेरिकामा उत्पन्न हुने केही एनालग चिपहरूको आयातमा एन्टी–डम्पिङ अनुसन्धान र एकीकृत सर्किट क्षेत्रमा चीनविरुद्धको सान्दर्भिक अमेरिकी उपायहरूमा भेदभावविरोधी अनुसन्धान सुरु गर्ने निर्णय गर्दै एक घोषणा जारी गरेको थियो । चाइना एसोसिएसन अफ कम्युनिकेसन इन्टरप्राइजेजले यसका लागि आफ्नो दृढ समर्थन व्यक्त गरेको छ । चीनको सूचना तथा सञ्चार उद्योग र उद्यमहरूको वैधानिक अधिकार तथा हितको रक्षा गर्न कानुनअनुसार आवश्यक उपायहरू चाल्न चीन सरकारलाई दृढतापूर्वक समर्थन गर्दछ ।
सम्बन्धित चिनियाँ कानुन,नियमहरू र विश्व व्यापार सङ्गठनका नियमअनुसार, चीन सरकारलाई कानुनबमोजिम डम्पिङको अधीनमा रहेका आयातीत उत्पादनहरूको अनुसन्धान गर्ने र कुनै पनि भेदभावपूर्ण व्यापारिक प्रतिबन्धविरुद्ध प्रतिरोधात्मक उपायहरू लिने अधिकार छ ।
खुलापन, समावेशीता, समानता र पारस्परिक लाभका सिद्धान्तहरूलाई कायम राखेर मात्र हामीले विश्वव्यापी विज्ञान तथा प्रविधि उद्योगको साझा समृद्धि र दीर्घकालीन विकास हासिल गर्न सक्छौँ भन्ने कुरामा चीन दृढ विश्वास राख्छ ।