दसैँ

दसैँ आयो, दसैँ आयो, खुसी मनमा छायो,
वर्षभरिको थकाइ मेटाउन नयाँ उमङ्ग ल्यायो ।

रातो टीका निधारमा सा¥है सुहायो,
आशीर्वाद र माया पाउँदा मनै रमायो ।

लिङ्गे पिङमा मच्चिँदै–मच्चिँदै पिङ खेल्नेछौँ,
राम्रो लुगा र मीठो खाएर दसैँ मनाउनेछौँ ।

पहेलो जमराले दैलो सजाउँछु,
माता दुर्गाको आराधना राम्ररी गर्छु ।

मान्यजनको हातबाट टीका थाप्छु,
सबैलाई खुसी पारी दसैँ मनाउँछु ।

परदेशबाट फर्की आऊ भनी बोलाउँछु,
हजुरहरूकै साथमा यसपालिको दसैँ मनाउँछु ।

सम्बन्धित