भर्खरै :

बाराक ओबामाको पुस्तक पहिलो दिनमै झन्डै ९ लाख प्रति बिक्री

वासिङ्टन, १९ नोभेम्बर (एजेन्सी) । अमेरिकाका पूर्वराष्ट्रपति बाराक ओबामाको नयात् पुस्तक बजारमा आएको पहिलो दिनमै झण्डै नौ लाख प्रति बिक्री भएको छ ।
उनको राष्ट्रपति कालको संस्मराणात्मक पुस्तक (पहिलो भाग) ‘अ प्रोमिस्ड ल्याण्ड’ बजारमा आएको २४ घण्टामा ८ लाख ९० हजार प्रति बिक्री भएको प्रकाशक पेन्गुइन ¥याण्डम हाउसले जनाएको छ ।
ओबामाको पुस्तक अमेरिकाको आधुनिक इतिहासमा राष्ट्रपतिबाट लिखित संस्मरण पुस्तकमध्ये सर्वाधिक बिक्री हुने पुस्तक बन्ने मार्गमा रहेको छ ।
अग्रिम अर्डर गरिएका, इ–बुक र अडिओ गरी २४ घण्टा भित्रै अमेरिका र क्यानडामा ८ लाख ९० हजार प्रति बिक्री भएको पेन्गुइनका प्रकाशक डेविड ड्राकेले बताएका छन् ।
यसअघि सन् २०१८ मा ओबामा पत्नी पूर्व प्रथम महिला मिशेल ओबामाको संस्मरणात्मक पुस्तक ‘बिकमिङ’ पहिलो दिनमै सात लाख २५ हजार प्रति बिक्री भएको थियो । अहिलेसम्म सो पुस्तक विश्वभर एक करोड प्रति बिक्री भएको छ ।
ओबामाको पुस्तक ‘अ प्रोमिस्ड ल्याण्ड’ अहिले अमेजन डट कममा पहिलो नम्बरमा छ । यस्तै बार्नेस एण्ड नोबेल डट कममा पनि सो पुस्तक पहिलो नम्बरमा रहेको छ ।
यसअघि पूर्वराष्ट्रपति बिल क्लिन्टनको ‘माइ लाइफ’ पहिलो दिनमा झण्डै चार लाख प्रति बिक्री भएको थियो । यस्तै जर्ज डब्लु बसुको ‘डिसिजन प्वइन्ट’ पहिलो दिनमा दुई लाख २० हजार प्रति बिक्री भएको थियो ।
राष्ट्रपति चुनाव (नोभेम्बर ३) को मात्रै दुई हप्तापछि ओबामाको ७६८ पृष्ठको पुस्तक प्रकाशित भएको हो । यो पुस्तकमा उनले आफ्नो पहिलो कार्यकालमा ह्वाइट हाउसको बसाइका कुरा समेटेका छन् ।

 

Leave a Reply

Your email address will not be published. Required fields are marked *