चीन र चिनियाँ जनताका दुई भावना

यो वर्ष आफ्नो १०० औँ स्थापना दिवस मनाउँदै गर्दा चिनियाँ कम्युनिस्ट पार्टीले कोभिड–१९ महामारी नियन्त्रण गर्न र संसारकै सबभन्दा बढी जनसङ्ख्या भएको देशमा निरपेक्ष गरिबी पूर्णतः उन्मूलन गर्न चिनियाँ जनताको सफल नेतृत्व गरेर आफ्नो उदाहरणीय शासन क्षमता प्रदर्शन गरेको छ ।
गरिबीमाथि विजय र कोभिड–१९ नियन्त्रणको रणनीतिक परिणाम दुवैको पाश्र्वमा रहेको राष्ट्रिय भावनाले पार्टीको सशक्त नेतृत्व र राष्ट्रिय एकता एवम् शक्तिको झलक देखाएको छ ।
कोभिड–१९ विरुद्ध लड्ने भावना
सन् २०२० को प्रारम्भमा यसअघि कहिल्यै नजानिएको भाइरसले हुपे प्रान्तमा भयावह अवस्था निम्त्यायो । भाइरसको वेगवान सङ्क्रमण रोक्न चीन सरकारले अभूतपूर्व कदम चाल्नुप¥यो । त्यही क्रममा भाइरसले सबभन्दा बढी दुःख दिएको हुपे प्रान्त बन्द गर्नेजस्ता निर्णय गर्नुप¥यो ।
धेरै विदेशी पर्यवेक्षकहरूको अस्पष्ट भविष्यवाणीलाई माथ खुवाउँदै दैनिक सङ्क्रमण दर हजारौँबाट शून्यमा झार्न सफल भयो । चिनियाँ नेतृत्वले पछि जनताको लडाकु भावनाकै कारण भाइरसमाथि सफलता पाउन सम्भव भएको बतायो । जनताको जीवनलाई पहिलो प्राथमिकतामा राख्ने, राष्ट्रिय ऐक्यबद्धता, बलिदान, विज्ञानप्रति सम्मान र मानव सेवाको भावना नै जनताको लडाकू भावना थियो ।
भाइरसविरुद्धको लडाइमा चीनले बलियो ऐक्यबद्धता प्रदर्शन ग¥यो । परिपक्व जनपरिचालन प्रणालीमार्फत चीनले दुर्गम गाउँका गाउँले जनतालाई समेत भाइरसलाई पराजित गर्न आफूले पनि केही भूमिका खेल्ने भावना सम्प्रेषण गर्न सफल भयो । मास्क लगाउन, घरमै बस्न र चिनियाँ जनताको सबभन्दा महत्वपूर्ण बिदा वसन्त चाडमा कुनै पनि उत्सव र समारोह नगर्न सरकारले गरेको आह्वानलाई करोडौं जनताले पालना गरे । जनताको सहकार्यले भाइरसविरुद्ध ‘ग्रेट वाल’ बनाउन चीनलाई मद्दत ग¥यो ।
भाइरसले सबभन्दा बढी दुःख दिएका सहरमा स्वास्थ्यकर्मी र स्रोतको ओइरो लाग्यो । महामारी उक्लिँदै गर्दा चीनका दस जना सघन उपचार कक्षमा काम गर्ने चिनियाँ विशेषज्ञ स्वास्थ्यकर्मीमध्ये एक जना उहानका अस्पतालमा काम गरिरहेका थिए । देशव्यापी परिचालनको आधारमा विज्ञान थियो । चीनले निकै छोटो समयमा अस्थायी अस्पतालहरू स्थापना ग¥यो, एकान्तवास स्थलहरू बने र सबैलाई मास्क लगाउन अनिवार्य गरियो । स्वास्थ्य उपचार, शीघ्रातिशीघ्र स्रोत पहिचान र व्यापक स्तरमा न्युक्लि एसिड परीक्षणले चीनमा छोटो अवधिमै महामारीको प्रभावकारी नियन्त्रणमा ठुलो टेवा पु¥यायो ।

खुलापन र अन्तर्राष्ट्रियवाद कोभिड–१९ विरुद्ध चीनको लडाइको सुरुबाटै विशेषता बन्यो । चीनका आलोचकहरूले प्रायशः चीनले सन् २०२० को जनवरी ३ मा नै विश्व स्वास्थ्य सङ्गठन र अन्य सम्बन्धित देशहरूलाई नयाँ रोगबारे जानकारी गराएको कुरालाई बेवास्ता गर्छन् ।
सघन र बृहत् आकस्मिक मानवीय सहायतामार्फत् चीनले विभिन्न देशमा ३५ करोड मात्रा कोभिड–१९ को खोप आपूर्ति गरिसकेको छ । त्यसमा ८० भन्दा बढी देशलाई चीनले पठाएको सहायताको खोप पनि समावेश छन् ।
फर्केर हेर्दा कोभिड–१९ को प्रतिरोध गर्न चीनको राष्ट्रिय भावनाले चिनियाँ कम्युनिस्ट पार्टीको जनतामा आधारित दर्शनलाई उजागर गरेको छ । यो दर्शन साझा भविष्य बोकेको विश्व समुदाय बनाउन चीनले गरेको आह्वानसँग मेल राख्ने अन्तर्राष्ट्रियवादी स्वरूपको छ ।
गरिबी उन्मूलनको अभियान
सन् २०२१ को प्रारम्भमा चीनले निरपेक्ष गरिबी उन्मूलनको घोषणा ग¥यो । बितेका आठ वर्षमा ९ करोड ८९ लाख ९० हजार मानिसलाई निरपेक्ष गरिबीको तहबाट उकासेपछि चीनले गरिबीको रोगबाट मुक्त भएको हो ।
गरिबीविरुद्ध चीनको दीर्घकालीन अभियानमा चीनको पूर्ण विजयपछि त्यो घोषणा भएको थियो । सन् १९७० दसकको उत्तराद्र्धबाट यता चीनले आफ्नो लगातारको गरिबी निवारण अभियानअन्तर्गत ७७ करोडभन्दा बढी ग्रामीण जनतालाई गरिबीबाट मुक्त ग¥यो ।
यो महान् लक्ष्यले चीनको राष्ट्रिय भावनालाई अझ बलियो बनाउन योगदान ग¥यो । चीनको राष्ट्रिय भावनाभित्र एकता, खोज, बहादुरी, जनताप्रति समर्पण र चुनौती सामना गर्न लक्षित एवम् व्यवहारिक अवधारणा समावेश छन् ।
चिनियाँ जनताको भावनाले राष्ट्रिय मनोबल बढाएको छ । देशको सबभन्दा गरिब क्षेत्रमा गरिबीसँग सामना गर्न विवेकको प्रवाह भएको छ । यसले महामारीको हुरीबीच चीनलाई आफ्नो लक्ष्यमा पुग्न सक्ने बनाएको छ ।
यो उपलब्धि जनताप्रति चिनियाँ कम्युनिस्ट पार्टीका प्रतिबद्धता पूरा गरेको अर्को प्रमाण हो । गरिबीविरुद्धको लडाइँलाई सबभन्दा प्राथमिक लक्ष्यमा राखेर चिकपाले चीनको आर्थिक विकासमा कुनै पनि पछाडि परेको समूह नछोडियोस् भनेर लागिपरेको फेरि देखाएको छ ।
लचकता र कौशल नै यो प्रक्रियाका मुख्य पक्ष हुन् । चीनले गरिबी निवारणको लागि लक्षित अवधारणा अवलम्बन ग¥यो । स्थानीय तहले आफ्नो स्थानीय परिस्थितिअनुसार विशेष गरिबीप्रतिरोधी कदमहरू चाले । चीनले गरिबीविरुद्ध लड्न अन्य देशलाई आफ्नो अनुभव साट्यो ।
चीनको राष्ट्रिय भावनाले चीनका जनतालाई उत्तम जीवन र चीनको राष्ट्रिय पुनःजागरणमा उत्साह प्रदान गरिरहनेछ ।