हिउँमा फसेकालाई हेलिकप्टरमार्फत खाद्यान्न सहयोग

खलङ्गा, २३ माघ । जुम्लाको तातोपानी गाउँपालिका–८ स्थित गाग्रा लेकका विभिन्न स्थानमा हिउँमा फसेका स्थानीयवासीलाई कर्णाली प्रदेश सरकारले हेलिकप्टरमार्फत खाद्यान्न सामग्री सहयोग पु¥याएको छ । सुर्खेतबाट पठाइएको नेपाली सेनाको हेलिकप्टरले तीन स्थानमा खानेकुरा पु¥याएर फर्किएको वक्स गण जुम्लाका गणपति रविन थापाले जानकारी दिनुभयो ।
जिल्ला प्रशासन कार्यालय जुम्लाका प्रमुख जिल्ला अधिकारी विजया प्रसाईंले स्थानीय तातोपानी गाउँपालिका र प्रदेश सरकारसँग समन्वय गरेर हिउँ फसेका व्यक्तिलाई खानेकुरा पठाइएको र फसेका व्यक्तिहरू सुरक्षित भएको जानकारी दिनुभयो । सो क्षेत्रमा खानेकुरा लिएर साथमा गएका सोही वडाका स्थानीयवासी सुरतबहादुर शाहीका अनुसार तातोपानी गाउँपालिका–८ जुम्लाको टोप्ला गाउँबाट एक दिनको दूरीमा रहेको गाग्रा पाटनको गाग्रा, एडिओडार, खोटीसल्लामा खाद्यान्न सामग्री प्रदान गरेका छौँ । हिउँले पाटनमा हेलिकप्टर बस्न नसकेको तर तिनै स्थानमा मानिस देखिएका थिए ।
हिउँमा फसेका ३४ स्थानीयवासी सकुशल
सेतो चिनी खिरौला र जडिबुटी सङ्कलन गर्न पाटनमा गएका स्थानीयवासी बिहीबारदेखि भएको भारी हिमपातले घर फर्किन नसकेर हिउँमा फसेका ३४ स्थानीयवासी सकुशल रहेका छन् । ५५ जना हिउँमा फसेको खबरपछि कर्णाली प्रदेश सरकारको टोली राहत सामग्रीसहित आइतबार गाग्रा पाटनमा पुगेर केही दिनलाई पुग्ने राहत सामग्री दिएर आएको राहत वितरण गर्न पुगेका तातोपानी–८ का स्थानीयवासी शाहीले बताउनुभयो ।
उहाँले भन्नुभयो, “बाक्लो हिउँ जमेकाले हेलिकप्टर अवतरण हुन सकेन । माथिबाटै राहत फाल्यौँ । मलाई देखेपछि सबै चिनेका स्थानीयले तलबाटै नमस्कारसमेत गरे । एडी ओढारमा बसेका १४÷१५ नागरिकसहित तीन स्थानमा बसेका झन्डै २० जना राहत लिन बाहिर देखिएका थिए । उनीहरूलाई तीन दिनसम्म पुग्ने चाउचाउ, बिस्कुट, दालमोठ, चिउरा र औषधि दिएका छौँ । सबै सकुशल र ढुक्क रहेका छन् ।” पाटनभरि तीन÷चार पटक हेलिकप्टर घुमाएर हेर्दा सबै स्थानीयवासी भेटिएका छन् । धेरै ठाउँमा आगो बालेको धुवाँ आइरहेकाले सबै सुरक्षित नै रहेको स्थानीयवासी शाहीले बताउनुभयो । सो वडाको गाग्रा पाटनमा ५५ जना हिउँमा फसेको भनिए पनि ३४ मात्रै रहेको प्रमुख जिल्ला अधिकारी विजयाकुमारी प्रसाईंले बताउनुभयो ।
जम्मा ३६ जना रहेकोमा दुई जना शनिबार नै धर्मशालासम्म आएकाले ३४ जना हिउँमा फसेको हो । प्रदेश सरकारको उद्धार टोलीले राहत दिँदा झन्डै २० नागरिक राहत लिन देखापरेकाले अन्य नागरिक पनि सुरक्षित नै रहेका छन् । खाद्यान्न अभाव रहेको भनिएको थियो । राहत सामग्री पु¥याएपछि तत्काल कुनै खतरा नरहेको सबैको अवस्था सामान्य नै रहेको प्रजिअ प्रसाईंले बताउनुभयो ।” पाटनमा सेतो चिनी खिरौला जडिबुटी सङ्कलन कोर्न गएका तातोपानी गाउँपालिका–८ की महिला वर्ष ३७ की देवी शाही र तातोपानी–७ बारगाउँका वर्ष ४६ का मुन रावतको अत्याधिक चिसोले मृत्यु भएको जिल्ला प्रहरी कार्यालय जुम्लाका डीएसपी नरेन्द्र चन्दले बताउनुभयो । रासस