मनमैजुमा अजिमा जात्रा सुरु
- बैशाख ११, २०८१
लोकेश्वर बचत तथा ऋण सहकारी संस्था लि. को १८ औँ स्थापना दिवसको अवसरमा युवा तथा अतिरिक्त क्रियाकलाप उप–समितिको आयोजनामा अन्तरसदस्यीय पुरुष एकल ब्याडमिन्टन प्रतियोगिता शुक्रबार सुरु भयो ।
प्रतियोगिताको उद्घाटन गर्दै भनपा साविक १५ वडाका पूर्ववडाध्यक्ष रवीन्द्र खर्बुजाले युवाहरू खेलकुद र शिक्षामा आबद्ध गराउन सके सभ्य समाजको निर्माण हुने र स्वस्थ रहन कुनै न कुनै खेलमा लाग्नुपर्ने बताउनुभयो ।
संस्थाका अध्यक्ष राजन जतिले सहकारीहरू समुदायमा आधारित रहेर वित्तीय कारोबारसँगै अतिरिक्त क्रियाकलापहरू पनि गर्दै लैजानुपर्ने बताउनुभयो ।
युवा तथा अतिरिक्त क्रियाकलाप उपसमितिका संयोजक राजु छुकांको सभापतित्वमा भएको सो कार्यक्रममा सदस्य इन्द्रभक्त पञ्चले पनि प्रतियोगिताको महत्वबारे स्पष्ट पार्नुभयो ।
शुक्रबार भएको क्वार्टर फाइनल खेलमा विकास पञ्चले विष्णुप्रसाद कर्माचार्यलाई, पुण्यराम स्वंगमिखाले प्रेमसुन्दर पक्कालाई, राज खुसुले रामकृष्ण खुसुलाई र प्रशान्त देशेमरुले अनुभव पञ्चलाई पराजित गर्दै अन्तिम चारमा स्थान बनाउन सफल भएका छन् । संयोजक छुकांले सेमिफाइनल र फाइनल खेल पुस ३० गते हुने जानकारी दिनुभयो ।
Leave a Reply