सीद्वारा गाजामा युद्धविराम गर्न आग्रह दुई राज्य समाधानमा जोड

पेइचिङ, २१ नोभेम्बर (सिन्ह्वा) । चिनियाँ राष्ट्रपति सी चिनफिङले मङ्गलबार प्यालेस्टाइन–इजरायली मुद्दामा ब्रिक्सको असाधारण भर्चुअल शिखर सम्मेलनमा भाग लिई द्वन्द्वका पक्षहरूले तुरून्तै युद्धविराम गर्नुपर्नेमा जोड दिनुभयो ।
सीले द्वन्द्वका पक्षहरूलाई सबै हिंसा र नागरिकहरूविरूद्ध आक्रमणहरू बन्द गर्न, बन्दी बनाएका नागरिकहरूलाई रिहा गर्न, थप ज्यान गुमाउनबाट रोक्न र मानिसहरूलाई थप पीडाबाट जोगाउन कार्य गर्न आह्वान गर्नुभयो ।
सीले मानवीय सहायताका मार्गहरू सुरक्षित र निर्बाध राख्नुपर्ने र गाजाका जनतालाई थप मानवीय सहायता उपलब्ध गराउनुपर्ने बताउनुभयो ।
उहाँले द्वन्द्व फैलिन नदिन र समग्रमा मध्यपूर्वमा स्थायित्वलाई खतरामा पार्ने गरी अन्तर्राष्ट्रिय समुदायले व्यावहारिक कदम चाल्नुपर्ने बताउनुभयो ।
उहाँले प्यालेस्टाइन–इजरायली द्वन्द्वको चक्र तोड्ने एकमात्र व्यवहारिक उपाय दुई राज्य समाधान, प्यालेस्टाइनको वैध राष्ट्रिय अधिकारको पुनःस्थापना र प्यालेस्टाइनको स्वतन्त्र राज्यको स्थापनामा रहेकोमा जोड दिनुभयो ।
शान्तिका लागि अन्तर्राष्ट्रिय सहमति निर्माण गर्न र व्यापक, न्यायोचित र दिगो प्यालेस्टाइनको समस्याको प्रारम्भिक समाधानतर्फ काम गर्नका लागि थप आधिकारिक हुने अन्तर्राष्ट्रिय शान्ति सम्मेलन चाँडै आयोजना गर्न चीनले आह्वान गरेको छ ।
सीले ब्रिक्सको विस्तारपछिको यो पहिलो शिखर सम्मेलन भएको बताउनुभयो । वर्तमान परिस्थितिलाई ध्यानमा राख्दै, प्यालेस्टाइन–इजरायली मुद्दामा न्याय र शान्तिको लागि हामीले भेट्नु र बोल्नु धेरै समयसापेक्ष र धेरै महत्वपूर्ण छ ।
“गाजामा द्वन्द्व दोस्रो महिनामा चर्किरहेको छ । चीन गम्भीररूपमा चिन्तित छ कि द्वन्द्वले ठुलो नागरिक हताहत र मानवीय प्रकोप निम्त्याउँदै छ र विस्तार र फैलिने प्रवृत्ति छ”, उहाँले भन्नुभयो ।
गाजामा जबरजस्ती स्थानान्तरण वा पानी, बिजुली र इन्धन अभावको रूपमा गाजाका मानिसहरूलाई सामूहिक सजाय बन्द गर्नुपर्छ, उहाँले भन्नुभयो ।
सबै पक्षहरूले संयुक्त राष्ट्र सङ्घको महासभा र सुरक्षा परिषद्का प्रस्तावहरूलाई ठोस उपायहरूमार्फत पूरा गर्न काम गर्नुपर्छ, सीले भन्नुभयो ।
प्यालेस्टिनी–इजरायली अवस्थाको मूल कारण प्यालेस्टिनी जनताको राज्यको अधिकार, उनीहरूको अस्तित्वको अधिकार र उनीहरूको फिर्ताको अधिकारलाई लामो समयदेखि बेवास्ता गरिएकोले हो, उहाँले भन्नुभयो । उहाँले प्यालेस्टाइनको समस्याको न्यायोचित समाधानबिना मध्यपूर्वमा दिगो शान्ति र सुरक्षा हुन नसक्ने बताउनुभयो ।
सीले पछिल्लो प्यालेस्टाइन–इजरायली द्वन्द्व सुरू भएदेखि चीनले शान्ति वार्ता र युद्धविरामलाई प्रवद्र्धन गर्न सक्रियरूपमा काम गरिरहेको बताउनुभयो । चीनले गाजाको मानवीय दुर्दशालाई सहज बनाउन मानवीय सहायता उपलब्ध गराएको छ र गाजाका जनताको आवश्यकताअनुसार थप सामग्री र सहायता उपलब्ध गराउने पनि स्पष्ट पार्नुभयो ।
संयुक्त राष्ट्र सुरक्षा परिषद्मा, चीनले आफ्नो क्षमतामा राष्ट्रपतिको हैसियतमा प्रस्ताव पारित गर्न सहयोग पु¥याएको छ, जसले विस्तारित मानवीय युद्धविराम र मानवीय सहायता मार्ग, नागरिकहरूको संरक्षण र मानवीय सहायताको प्रावधानको लागि आह्वान गरेको छ, उहाँले भन्नुभयो ।
एकता र सहयोगलाई सुदृढ गर्न र साझा हितको रक्षा गर्न उदीयमान बजारहरू र विकासोन्मुख देशहरूका लागि ब्रिक्स सहयोग संयन्त्रलाई महत्वपूर्ण मञ्चको रूपमा प्रशंसा गर्दै सीले प्यालेस्टाइन–इजरायली द्वन्द्वको स्थिति र कार्यहरूको समन्वय गर्ने बैठकले ब्रिक्स सहयोगको विस्तार र बृहत्तर सहयोगको राम्रो सुरूवात भएको बताउनुभयो ।
चीन ब्रिक्स सहयोगको नयाँ युगको सुरूवात गर्न अन्य सदस्यहरूसँग मिलेर काम गर्न तयार रहेको सीले बताउनुभयो ।
दक्षिण अफ्रिकाका राष्ट्रपति सिरिल रामाफोसाले शिखर सम्मेलनको अध्यक्षता गर्नुभयो । त्यसमा चीन, ब्राजिल, रूस, साउदी अरब, इजिप्ट, इरान, संयुक्त अरब इमिरेट्स, इथियोपिया, भारत र अर्जेन्टिनाका विदेशमन्त्रीहरू भेला हुनुभएको थियो ।
नेताहरूले प्यालेस्टाइन–इजरायली अवस्थाप्रति गहिरो चिन्ता व्यक्त गर्दै नागरिकहरूविरूद्ध हुने सबै हिंसाको निन्दा गर्नुभयो । उहाँहरूले अन्तर्राष्ट्रिय मानवीय कानुनबमोजिम नागरिकहरूको संरक्षणको आवश्यकतामा जोड दिँदै तत्काल दिगो मानवीय युद्धविराम र मानवीय सहायता वितरणको लागि आह्वान गर्नुभयो ।
उहाँहरूले वार्ताको माध्यमबाट विवादहरू समाधान गर्नुपर्नेमा जोड दिनुभयो र सङ्कटको शान्तिपूर्ण समाधानका लागि सबै प्रयासहरूलाई समर्थन गर्ने आवाज उठाउनुभयो । नेताहरूले अन्तर्राष्ट्रिय समुदायलाई प्यालेस्टिनी प्रश्नको न्यायोचित समाधानलाई समर्थन गर्न र दुई–राज्य समाधानको अनुभूति र पूर्ण सार्वभौमसत्ता प्राप्त प्यालेस्टाइनको स्वतन्त्र राज्यको स्थापनालाई प्रवद्र्धन गर्न आह्वान गर्नुभयो ।
पेइचिङ नर्मल युनिभर्सिटीको सेन्टर फर ब्रिक्स कोअपरेसन स्टडीजका निर्देशक वाङ लेईले शिखर सम्मेलनले ब्रिक्स राष्ट्रहरूको दायित्वको भावना, अन्तर्राष्ट्रिय शान्ति र स्थायित्वका लागि उनीहरूले गरेको आह्वान र धेरै प्रमुख मुद्दाहरूमा उहाँहरूको सहमति झल्काउने बताउनुभयो ।
चीनको अडान स्थिर, निष्पक्ष, न्यायसङ्गत र स्वार्थरहित छ । चीनले क्षेत्रीय शान्ति र विकासको लागि साँच्चिकै काम गरिरहेको छ, चीनको समकालीन अन्तर्राष्ट्रिय सम्बन्ध संस्थानहरूका ब्रिक्स र जी २० अध्ययन केन्द्रका निर्देशक सु फेबियाओले भन्नुभयो ।