विश्वव्यापी आर्थिक सुशासन सुधार गर्न सी चिन फिङको विचार मनन गरौँ

४. देशको जिम्मेवारी लिनको लागि सही भूमिका खेल्ने दृष्टिकोण
विश्व शान्तिका प्रवद्र्धक, विश्वव्यापी विकासमा योगदानकर्ता र अन्तर्राष्ट्रिय व्यवस्थाको रक्षकको रूपमा विश्वस्तरको केन्द्रबिन्दुमा चीनको भूमिका बढ्दै गएको छ, जसलाई अन्तर्राष्ट्रिय समुदायले सामान्यतया मान्यता दिएको छ । चीन विश्वको दोस्रो ठुलो अर्थतन्त्र बनेको छ, जीडीपी ११० ट्रिलियन युआन नाघेको छ । यो विश्व आर्थिक वृद्धिको एक प्रमुख स्थिरता र स्रोत तथा विश्वव्यापी आर्थिक शासनमा परिवर्तनको लागि एक प्रमुख शक्ति बनेको छ । सन् २०१४ मा पेइचिङमा भएको एपेक आर्थिक नेताहरूको बैठकदेखि २०१६ मा भएको G20 हाङचाउ शिखर सम्मेलन र बेल्ट एन्ड रोड फोरम फर इन्टरनेसनल कोअपरेसनदेखि चाइना इन्टरनेसनल इम्पोर्ट एक्स्पोसम्म, बहुपक्षीय कार्यक्रमहरूमा चीनको संलग्नता बढेको छ । चीनद्वारा प्रस्तावित धेरै पहलहरूले अन्तर्राष्ट्रिय सहमति प्राप्त गर्दै छन् र विश्वव्यापीरूपमा कार्यान्वयनमा ल्याइएका छन् ।
चीनको राष्ट्रिय परिस्थितिलाई पहिलो स्थानमा राख्नु र यो अझै विकासोन्मुख देश हो भनेर सम्झनुपर्छ । हामीले अन्तर्राष्ट्रिय जिम्मेवारी बहन गर्दा आफ्नो क्षमताभित्र रहेका व्यावहारिक समस्याहरू समाधान गर्नेतर्फ ध्यान दिनुपर्छ । हाम्रा कार्यहरूले सधैँ चिनियाँ जनता र विश्वभरका मानिसहरूको आधारभूत हितलाई फाइदा पु¥याउनुपर्दछ ।
विश्वव्यापी आर्थिक सुशासनमा परिवर्तनको प्रक्रियालाई सक्रियरूपमा मार्गदर्शन गर्दै
विश्वव्यापी आर्थिक सुशासनमा परिवर्तनलाई बढावा दिनको लागि व्यापारिक समुदायहरू महत्वपूर्ण कारक हुन् । चिनियाँ राष्ट्राध्यक्ष सी चिन फिङले अन्तर्राष्ट्रिय व्यापार प्रवद्र्धनका लागि चीन परिषद् (सीसीपीआईटी) र विश्वव्यापी व्यापार तथा लगानी प्रवद्र्धन शिखर सम्मेलनको ७० औँ वार्षिकोत्सवमा महत्वपूर्ण भिडियो सम्बोधन गर्नुभयो । उहाँले विश्वव्यापी सुशासन सुधारका लागि व्यावहारिक मार्ग, आधारभूत रणनीतिको स्पष्टरूपमा उल्लेख गर्नुभयो । व्यापार र लगानीलाई पुनरुत्थान गर्न र CCPIT ले आफ्नो उत्कृष्टताको परम्परालाई नयाँ आधार तोड्न र खुला विश्वअर्थतन्त्रको निर्माणलाई प्रवद्र्धन गर्न अझ ठुला उपलब्धिहरू हासिल गर्न आवश्यक छ । विशेषगरी कूटनीतिमा सीका विचारहरूमाथि ध्यान केन्द्रित गर्दै CCPIT ले नयाँ युगका लागि चिनियाँ विशेषतासहितको समाजवादसम्बन्धी उनका विचारहरू अध्ययन र कार्यन्वयन गर्ने कामलाई निरन्तरता दिनुपर्छ । यसले व्यवसाय र सरकारलाई जोड्नेछ; आन्तरिक तथा अन्तर्राष्ट्रिय सम्बन्धहरू जोड्नेछ र आपूर्ति तथा मागबिचको सहज अन्तरक्रिया सुनिश्चित गर्नेछ । संस्थाले आविष्कार र सेवाका लागि आफ्नो क्षमता अभिवृद्धि गर्ने, व्यवसायहरूलाई सहयोग गर्नको लागि आफ्नो सञ्जाल विस्तार गर्ने, व्यापार र लगानी प्रवद्र्धनका लागि आफ्ना प्रयासहरूलाई निरन्तरता दिने, आफ्ना अन्तर्राष्ट्रिय सञ्जालहरू फराकिलो बनाउनुका साथै विश्वव्यापी आर्थिक सुशासन सुधारलाई अगाडि बढाउन महत्वपूर्ण भूमिका खेल्नेछ ।
१. खुला विश्व अर्थतन्त्रको निर्माणमा थप बल पु¥याउनको लागि अन्तर्राष्ट्रिय आर्थिक र व्यापार सम्बन्ध र सहयोगलाई सशक्तरूपमा प्रवद्र्धन गर्ने
१९५२ मा स्थापना भएपश्चात् CCPIT निरन्तर विकसित भएको छ । यसले चीनमा पुँजी र प्रविधिको परिचयलाई सहज बनाएको छ र महत्वपूर्ण विदेशी लगानी परियोजनाहरूलाई सहयोग गरेको छ जसको कारण चीन वैदेशिक व्यापारको पुनरुत्थान र विस्तारबाट प्रमुख व्यापारिक राष्ट्र बन्न पुगेको छ । सङ्गठनले चिनियाँ कम्पनीहरूलाई उनीहरूको विश्वव्यापी विस्तार प्रयासमा सहयोग गरेको छ र बेल्ट एन्ड रोड इनिसिएटिभअन्तर्गत संयुक्त निर्माण परियोजनाहरू प्रवद्र्धन गरेको छ । यसको अतिरिक्त यसले खुला स्थानीय अर्थतन्त्रको विकास र व्यापार वातावरण सुधार गर्न भूमिका खेलेको छ । आफ्नो इतिहासभरि CCPIT ले परिवर्तनशील समयलाई अनुकूल बनाएको छ र चीनको खुलापन नीतिसँगै अगाडि बढेको छ ।
चीनको विदेशी आर्थिक र व्यापार प्रदर्शनीको संस्थापक र मुख्य शक्तिको रूपमा, सीसीपीआईटीले १०,००० भन्दा बढी प्रदर्शनीहरू आयोजना गरेको र भाग लिइसकेको छ । संस्थाले बेल्ट एन्ड रोड फोरम फर इन्टरनेसनल कोअपरेसन (BRF) नामक दुईवटा बैठकको तयारी र स्थापना गर्न मद्दत ग¥यो । यस समयमा भएका घटनाहरूमध्ये एक ‘बेल्ट एन्ड रोड सीईओ’ सम्मेलन थियो, जहाँ चिनियाँ र अन्तर्राष्ट्रिय कम्पनीहरूले १२५ सम्झौताहरू गरे । CCPIT को इतिहासले चीन कसरी विश्वका लागि थप खुला हुँदै गइरहेको देखाउँछ । हामी चीनलाई अन्य देशहरूसँग जोड्ने, विश्वव्यापी खाडलहरू पूरा गर्ने र सहयोगका लागि थप मञ्चहरू सिर्जना गरिरहनेछौँ । हामी व्यापार र कानुनी सेवाहरू सुधार गर्नेछौँ र नयाँ विकास प्रतिमान प्रवद्र्धनलाई प्राथमिकता दिनेछौँ । विदेशी लगानी भएका उद्यमहरूलाई राम्रोसँग सहयोग गर्न विशेष कार्यदल खटाइनेछ । हामी औद्योगिक र आपूर्ति शृङ्खलाहरू स्थिर गर्न, बेल्ट एन्ड रोड इनिसिएटिभअन्तर्गत सहयोगलाई बलियो बनाउन, क्षेत्रीय व्यापक आर्थिक साझेदारी (RCEP) लाई सहयोग गर्न र उच्च–स्तरीय स्वतन्त्र व्यापार क्षेत्रहरूको निर्माणलाई प्रवद्र्धन गर्न उत्पादन प्रदर्शनीहरू आयोजना गर्नमा ध्यान केन्द्रित गर्नेछौँ । यसको अतिरिक्त हामी व्यापक र प्रगतिशील ट्रान्स–प्यासिफिक साझेदारी (CPTPP) र डिजिटल अर्थतन्त्र साझेदारी सम्झौता (DEPA) मा चीनको पहुँचको लागि काम गर्नेछौँ ।
२. समग्र अन्तर्राष्ट्रिय परिस्थितिलाई राम्रोसँग सेवा दिन बहुपक्षीय संयन्त्र डबलीहरूमा हाम्रो प्रयासहरूलाई सुधार गर्न सक्रिय कदमहरू चाल्ने
CCPIT ले राजनैतिक र आर्थिक सम्बन्धहरू जोड्ने, सरकारी र गैरसरकारी दुवै सम्बन्धहरू बढाउने काम गरेको छ । यसले चिनियाँ र अन्तर्राष्ट्रिय व्यापारबिचको सम्बन्धलाई बलियो बनाउन, अन्तर्राष्ट्रिय आर्थिक र व्यापारिक सम्बन्धलाई बढावा दिन र राज्य–राज्यबिचको अन्तरक्रियालाई सहज बनाउन महत्वपूर्ण भूमिका खेलेको छ ।
१८ औँ सीपीसी राष्ट्रिय महाधिवेशनदेखि नै सीसीपीआईटीले जी–२० र एपेकजस्ता बहुपक्षीय ढाँचाहरूभित्रका गतिविधिहरूमा चिनियाँ व्यापार समुदायलाई सक्रियरूपमा संलग्न गर्दै आएको छ । आफ्ना हित र चासोहरू व्यक्त गरेर तथा सहमति निर्माण गरेर चिनियाँ व्यवसायी समुदायले विश्वव्यापी सुशासनमा आफ्नो सहभागितालाई उल्लेख्यरूपमा बढाएको छ । विगतमा अवलोकन मात्र हुने गरेकोमा वर्तमानमा सक्रिय योगदान दिनेतर्फ अघि बढेको छ ।
भविष्यमा हामी महत्वपूर्ण आर्थिक, जनता–जनता र सार्वजनिक कूटनीति कार्यक्रमहरू आयोजना गर्नमा ध्यान केन्द्रित गर्नेछौँ । हामी चीन–आसियान, चीन–अफ्रिका, चीन–अरब र चीन–सेलाक फोरमजस्ता संयन्त्रहरूअन्तर्गत प्रदर्शनी र फोरमहरू आयोजना गर्नेछौँ । हामी अन्य देशहरूसँगको सरकारी सहयोग संयन्त्रहरूमा पनि सक्रियरूपमा सहभागी हुनेछौँ । हाम्रा प्रयासहरूमा चीनसँग सीमित वा नयाँ कूटनीतिक सम्बन्ध भएका देशहरूमा व्यापार र लगानी प्रवद्र्धन अभियान समावेश हुनेछ । हामी समझदारी बढाउन र अविश्वास कम गर्न चीनको नीतिगत पोजिसनलाई अझ राम्रोसँग सञ्चार गर्न काम गर्नेछौँ । हामी हाम्रा विदेशी समकक्षहरूसँग घनिष्ठ सम्बन्ध र थप ठोस कार्य व्यापार सहयोग संयन्त्रहरू निर्माण गर्न हात मिलाउनेछौँ र महत्वपूर्ण आर्थिक र व्यापारिक सङ्गठन, प्रसिद्ध कम्पनी, थिङ्क ट्याङ्कहरू र विभिन्न देशहरूमा स्थानीय सरकारहरूसँग कुराकानी गर्नेछौँ ।

३. अर्थतन्त्र र व्यापार नियम निर्माणमा आफ्नो मुद्दालाई सम्बन्धित अन्तर्राष्ट्रिय संस्थाहरूमा अघि बढाउने
अन्तर्राष्ट्रिय संस्थाहरूको काममा सहभागी हुन चिनियाँ व्यापार समुदायको प्रतिनिधित्व गर्न सक्षम हुनु सीसीपीआईटीको कर्तव्य र उद्देश्य हो । १९७० को प्रारम्भमा यसले बौद्धिक सम्पत्ति अधिकार र प्रदर्शनीमा अधिकार क्षेत्र भएका अन्तर्राष्ट्रिय संस्थाहरूसँग सम्पर्क स्थापित गर्यो । सुधार र खुलापनको सुरुवातदेखि नै, अन्तर्राष्ट्रिय संस्थाहरूसँग यसको साझेदारी सञ्जाल विस्तार हुँदै गइरहेको छ, जसले चिनियाँ व्यवसायी समुदायलाई अन्तर्राष्ट्रिय नियमहरूको अनुयायी मात्र नभई नियम निर्माणमा सहभागी र योगदानकर्ता बन्न अनुमति दिएको छ ।
भविष्यको सामना गर्दै हामी बहुपक्षीय व्यापार प्रणालीलाई दृढताका साथ समर्थन गर्नेछौँ, विश्व व्यापार सङ्गठन (WTO) को सुधारको पालना गर्नेछौँ र WTO व्यापार नीतिहरूको छलफलमा गहिरो संलग्न हुनेछौँ तथा इमानदारीपूर्वक आफ्नो दायित्व पूरा गर्न सदस्य राष्ट्रहरूलाई आह्वान गर्न आग्रह गर्नेछौँ ।
हामी संयुक्त राष्ट्र सङ्घको केन्द्रमा रहेको अन्तर्राष्ट्रिय प्रणालीलाई समर्थन गर्नेछौँ । हामी संयुक्त राष्ट्र सङ्घको अन्तर्राष्ट्रिय व्यापार कानुन आयोगमा पर्यवेक्षकको रूपमा, व्यापार र विकाससम्बन्धी संयुक्त राष्ट्र सम्मेलनमा र संयुक्त राष्ट्र औद्योगिक विकास सङ्गठनको सल्लाहकार सदस्यको रूपमा सक्रियरूपमा भाग लिनेछौँ । हामी अन्य संस्थाहरूसँग पनि हाम्रो सम्पर्क विस्तार गर्नेछौँ र उनीहरूसँग सहकार्य बढाउँछौँ । यसको अतिरिक्त हामी अन्तर्राष्ट्रिय प्रदर्शनीको लागि हाम्रा कर्तव्य र जिम्मेवारीहरू पूरा गर्नेछौँ र हाम्रो अनुसन्धानको आधारमा चिनियाँ पक्षलाई सिफारिसहरू प्रदान गर्नेछौँ ।
हामी हाम्रो कामलाई इन्टरनेसनल चेम्बर अफ कमर्स (ICC) सँग नजिकबाट पङ्क्तिबद्ध गर्नेछौँ र ICC भित्रका विभिन्न व्यावसायिक समितिहरू प्रयोग गर्नेछौँ । हामी आईसीसीभित्र आफ्नो उपस्थिति बढाउने लक्ष्य राख्छौँ । हामी राजनीतिकरूपमा प्रतिबद्ध, चीनको राष्ट्रिय अवस्थासँग परिचित, विश्वव्यापी परिप्रेक्ष्य भएका र अन्तर्राष्ट्रिय नियमहरूबारे जानकार भएका व्यक्तिहरूलाई पहिचान र तालिम दिनेछौँ । यी व्यक्तिहरूलाई अन्तर्राष्ट्रिय संस्थाहरूमा पद वा भूमिकाका लागि सिफारिस गरिनेछ, जसले गर्दा त्यस्ता संस्थाहरूमा चीनको प्रतिनिधित्व बढ्नेछ । हामी डिजिटल अर्थतन्त्र, हरित पहल, न्यून कार्बन उत्सर्जन प्रयास र जलवायु परिवर्तनजस्ता विषयहरूमा ध्यान केन्द्रित गर्दै अन्तर्राष्ट्रिय आर्थिक र व्यापार नियमहरूको निर्माणमा सक्रियरूपमा सहभागी हुनेछौँ । हाम्रो विश्लेषण र निर्णय क्षमताहरू सुधार गर्नुका साथै व्यावहारिक सुझावहरू प्रदान गरेर हामी थप निष्पक्ष र व्यावहारिक विश्वव्यापी आर्थिक प्रणालीको विकासमा योगदान गर्नेछौँ ।
४. चीनको अन्तर्राष्ट्रिय प्रभाव बढाउनको लागि बलियो आवाज बन्न अन्तर्राष्ट्रिय प्रसार क्षमताको निर्माण
विगत ७० वर्षमा CCPIT ले विश्व एक्स्पो, अन्तर्राष्ट्रिय सम्मेलन र फोरमजस्ता फोरमहरूको फाइदा उठाउँदै लगनशीलताका साथ, न्यानो र स्पष्टरूपमा चीनको कथा राम्रोसँग र रङ्गीन ढङ्गले प्रस्तुत गरेको छ । सन् १९८२ मा पहिलोपटक वल्र्ड एक्स्पो मञ्चमा देशको प्रतिनिधित्व गरेदेखि सीसीआईटीले १६ पटक विदेशमा चीनको राष्ट्रिय मण्डप आयोजना गरेको छ र विश्व एक्स्पो शाङ्घाईले चिनियाँ राष्ट्रको शताब्दीयौँ पुरानो वल्र्ड एक्स्पोको सपना पूरा गरेको छ ।
भविष्यको सामना गर्दै हामी चीनलाई विदेशसँग जोड्ने र अन्तर्राष्ट्रिय सञ्चारमा फाइदाको रूपमा विश्वव्यापी सञ्जालहरू बढाउने हाम्रो अद्वितीय क्षमताको लाभ उठाउनेछौँ । हामी नियमित प्रेस सम्मेलनहरू आयोजना गर्न Weibo, WeChat र समाचार अनुप्रयोगहरूजस्ता मञ्चहरूमा हाम्रो उपस्थिति विस्तार गर्न, महत्वपूर्ण विषयहरूमा हाम्रो सञ्चार कौशल सुधार गर्न र हाम्रो अन्तर्राष्ट्रिय पहुँच प्रयासहरूको अपिल, जडान र प्रभावकारिता बढाउनमा ध्यान केन्द्रित गर्नेछौँ ।
हामी प्रदर्शनी र आदानप्रदान भ्रमणजस्ता कार्यहरू प्रभावकारीरूपमा प्रयोग गर्नेछौँ जसले चीनको कथा र प्रभावलाई विश्वव्यापी, क्षेत्रीय र लक्षित क्षेत्रहरूमा पु¥याउनेछ । हामीले विकास, सुरक्षा, मानवअधिकार, पारिस्थितिकीय प्रणाली, अन्तर्राष्ट्रिय व्यवस्था र विश्वव्यापी सुशासनका बारेमा चिनियाँ दृष्टिकोणलाई विश्वव्यापीरूपमा चीनको बुझाइ व्यापकरूपमा विस्तार गर्नेछौँ । यसबाहेक, हामी उच्चस्तरीय कार्य–उन्मुख थिङ्क ट्याङ्कहरू स्थापना गर्नेछौँ र विदेशी चेम्बर अफ कमर्स, व्यापार सङ्घहरू र थिङ्क ट्याङ्कहरूसँग गहिरो सहकार्य गर्नेछौँ । युरोपियन युनियन, संयुक्त राज्य अमेरिका र अन्य प्रमुख क्षेत्रहरूका लागि व्यापार वातावरण रिपोर्टहरू, साथै बेल्ट एन्ड रोड इनिसिएटिभ (बीआरआई) सँग सम्बन्धित कानुनी अनुसन्धानजस्ता हाम्रा अनुसन्धान उत्पादनको प्रतिष्ठाको सदुपयोग गर्दै हामी चीनका प्रमुख उपायहरूलाई व्यवस्थितरूपमा प्रवद्र्धन गर्नेछौँ । यसले घरेलु विकासको लागि अनुकूल अन्तर्राष्ट्रिय जनमत सिर्जना गर्न योगदान गर्नेछ ।
इतिहासले भविष्यलाई उज्यालो बनाउँछ र हाम्रो यात्रा सधैँ जारी रहनेछ । हामी कमरेड सी चिनफिङलाई केन्द्रमा राख्दै सीपीसी केन्द्रीय समितिसँग तालमेल राख्नेछौँ, आफ्नो मौलिक आकाङ्क्षा र संस्थापक लक्ष्यलाई कहिल्यै बिर्सने छैनौँ । उद्यम र लगनशीलताका साथ अगाडि बढ्नेछौँ, विश्वव्यापी आर्थिक सुशासनमा सहभागी भई असाधारण उपलब्धिहरू हासिल गर्न निरन्तर लाग्नेछौँ र अझ बढी योगदान दिनेछौँ । राष्ट्रिय कायाकल्पको चिनियाँ सपना साकार पार्न र मानवजातिको साझा भविष्य भएको समुदाय निर्माण गर्नेछौँ ।

अनुवाद : राजन
‘कन्टेपोररी वल्र्ड’ बाट