प्रजग कोरियामा देशभर युवा दिवस मनाइयो

प्योङयाङ, १ सेप्टेम्बर (केसीएन) । प्रजातान्त्रिक जनगणतन्त्र (उत्तर) कोरियाका युवाहरूले अगस्ट ३० का दिन देशभर उल्लेखनीयरूपमा युवा दिवस मनाए ।
युवा दिवसको अवसरमा उनीहरूले युवालाई प्राथमिकता दिने महान् व्यक्तित्वहरूको महान् इतिहासलाई बृहत्रूपमा प्रस्तुत गर्ने युवा आन्दोलन सङ्ग्रहालयको भ्रमण गरेका थिए ।
युवा आन्दोलनको विकासका लागि अतुलनीयरूपमा महान् व्यक्तिहरूको अमर क्रान्तिकारी जीवन सङ्घर्ष र तत्कालीन शोषण देखाउने ऐतिहासिक तथ्याङ्क र पुरातात्विक प्रमाणहरू हेरेर, आगन्तुकहरूले पार्टीको अग्रगामी समूह, शाखा र विशेष अंशको रूपमा यो भावनालाई प्रदर्शन गर्ने आफ्नो दृढ सङ्कल्पलाई बलियो बनाए । सम्मानित पिता मार्सल किम जोङ उनको नेतृत्वमा सच्चा राष्ट्रिय कायाकल्पको नयाँ युगमा प्रवेश गर्नको लागि सङ्घर्षको तरिकाबारे जानकारी प्राप्त गरे ।
युवाहरूलाई बधाई दिन प्योङयाङ र प्रान्तहरूमा पार्टीका पदाधिकारीहरू र राज्यका अङ्गहरूले औद्योगिक प्रतिष्ठानहरू, फार्महरू, विश्वविद्यालयहरू र निर्माण स्थलहरूको भ्रमण गराए ।
देशभरी उत्कृष्ट गुणका युवा मोडेलहरू, श्रम आविष्कारकहरू र युवा स्वयंसेवकहरूसँग भेटघाटहरू आयोजना गरिए ।
विशेष दिनको माहोललाई पुनः ताजा गर्नका लागि प्रदेश राजधानी र सहर तथा गाउँपालिकाका सिट तथा औद्योगिक प्रतिष्ठानहरूमा रङ्गीन प्रस्तुतिहरू दिइएको थियो । देशैभरका युवा तथा विद्यार्थीहरूको नाचगान आयोजना गरिएको थियो ।
सोही दिन किम इल सुङ युनिभर्सिटी, हामहुङ मेडिकल कलेज, काङ्ग्ये मेडिकल कलेज, किम चेक आइरन एन्ड स्टिल कम्प्लेक्स, सारिवोन स्कूल युनिफर्म फ्याक्ट्री, वोनसान छाला जुत्ता फ्याक्ट्री र अन्यका युवाहरूले विविध खेलकुद र मनोरञ्जनात्मक खेलहरू सम्पन्न गरेका थिए ।