हरित भविष्यका लागि चीन र युरोप मिलेर काम गर्नुपर्छ

स्पेनका प्रधानमन्त्री पेड्रो सान्चेज र नर्वेका प्रधानमन्त्री जोनास गाहर स्टोरको हालैको चीन भ्रमणले युरोप र चीनबिच विशेषगरी स्वच्छ ऊर्जा र हरित सङ्क्रमणको क्षेत्रमा सहयोगको बढ्दो सम्भावनालाई उजागर गरेको छ ।
उनीहरूको भ्रमणले सम्बन्धलाई स्थिर बनाउन र दिगो विकासमा सहकार्यलाई अझ गहिरो बनाउने साझा चासो झल्काउँछ ।
रचनात्मक संवादमा संलग्न भएर स्पेन र नर्वेले विश्वव्यापी जलवायु सङ्कटलाई सम्बोधन गर्ने एउटा महत्वपूर्ण मार्ग हरित सङ्क्रमणलाई सहज बनाउने आफ्नो इच्छा देखाए । व्यापार विवादमा कम्तीमा चिनियाँ इलेक्ट्रोनिक भेइकल (ईभी) मा अतिरिक्त शुल्क सम्बन्धित छैन । एक हरित अर्थतन्त्रतिर व्यापक प्रयासहरू बेवास्ता नगरी समाधान गर्न आवश्यक छ ।
युरोपको सबैभन्दा ठुलो इलेक्ट्रोनिक भेइकल (ईभी) उत्पादकहरूमध्ये एक स्पेनले यस गत्यावरोधमा महत्वपूर्ण भूमिका खेल्न सक्छ । आफ्नो भ्रमणको क्रममा सान्चेजले सांस्कृतिक आदानप्रदान, व्यापार र विशेषगरी इलेक्ट्रोनिक भेइकल (ईभी) जस्ता क्षेत्रमा चीनसँग सहकार्य विस्तार गर्न स्पेनको तत्परता व्यक्त गर्नुभयो ।
अटोमोटिभ उद्योगमा प्रमुख खेलाडीको रूपमा स्पेनको स्थिति र इलेक्ट्रोनिक भेइकल (ईभी) उत्पादनमा चीनको बलसँगै, दुई देशबिच जीत–जीत सहयोगको लागि महत्वपूर्ण अवसर प्रस्तुत गर्दछ ।
त्यसैगरी, चिनियाँ र नर्वेली नेताहरूबिचको वार्तापछि नर्वेले चीनसँग हरित सङ्क्रमण वार्ताको स्थापनाबारे संयुक्त वक्तव्य जारी गरेको छ ।
नवीकरणीय ऊर्जा र इलेक्ट्रोनिक भेइकल (ईभी) उत्पादनको नेता नर्वे लामो समयदेखि आफ्नो कार्बन फुटप्रिन्ट कम गर्न प्रतिबद्ध छ ।
नर्वेका प्रधानमन्त्रीले सिन्ह्वासित भन्नुभयो, “हामी चीनसँगको सहकार्य र व्यापारलाई फराकिलो क्षेत्रहरूमा स्वागत गर्छौँ । हामी चीनसँगको विश्वव्यापी चासो भएका क्षेत्रहरूमा सहयोग गर्न चाहन्छौँ । जलवायु परिवर्तन र हरित औद्योगिक सङ्क्रमणलाई सम्बोधन गर्ने मामिलामा सँगै काम गर्न सक्छौँ ।”
सामुद्रिक र जहाज निर्माण क्षेत्रहरूमा नर्वेको रणनीतिक अन्तरदृष्टिले हरित, अधिक कुशल यातायातलाई पनि छुन्छ, हरित प्रविधिहरूमा चीनको विशेषज्ञतासँग मिल्छ, त्यसैले पारस्परिकरूपमा लाभदायक साझेदारी हो ।
हरित अर्थतन्त्रमा यो सहकार्य, जसलाई व्यापकरूपमा विजयी परिदृश्य मानिन्छ, यसले युरोप र चीनलाई विश्वव्यापी बजारमा आफ्नो स्थान बलियो बनाउन सक्षम बनाउँछ र त्यसले अन्तर्राष्ट्रिय जलवायु लक्ष्यहरूमा योगदान पु¥याउँछ ।
चुनौतीहरूको सामना गर्दै र साहसपूर्वक मतभेदहरू चिर्दै चीन र युरोपले अर्थपूर्ण साझेदारीहरू बनाउन सक्षम छन् । ती साझेदारीले राजनीतिक भिन्नताहरू पार गर्न सक्छ, विशेषगरी जब यो दिगोपनाको साझा लक्ष्यमा आउँछ ।