पूर्ण र कठोर पार्टी स्वशासनका साथ अडिग रहने सङ्कल्प पारित गर्दै चिकपाको पूर्ण बैठक सम्पन्न

पेइचिङ, अक्टोबर २९ (सिन्ह्वा) । चिनियाँ कम्युनिस्ट पार्टी (चिकपा) को २० औँ केन्द्रीय समितिको सोमबारदेखि बिहीबारसम्म पेइचिङमा सम्पन्न पाँचौँ पूर्ण बैठकले पूर्ण र कठोर पार्टी स्वशासनका साथ अडिग रहने प्रस्ताव पारित गरेको छ ।
चिकपा केन्द्रीय समितिको राजनीतिक ब्युरोले बैठकको अध्यक्षता गरेको थियो । चिनियाँ कम्युनिस्ट पार्टी केन्द्रीय समितिका महासचिव सी चिनफिङले महत्वपूर्ण सम्बोधन गर्नुभयो,े बैठकपछि जारी विज्ञप्तिमा भनिएको छ ।
सत्रमा सहभागीहरूले सीले प्रस्तुत गरेको राजनीतिक ब्युरोको कामको प्रतिवेदन सुने र त्यसमाथि गहन छलफल गरे ।
केन्द्रीय समितिका सदस्यहरूले पूर्ण र कठोर पार्टी स्वशासनका साथ लगनशीलतासम्बन्धी केही प्रमुख मुद्दाहरूमा चिनियाँ कम्युनिस्ट पार्टीको केन्द्रीय समितिको प्रस्तावलाई पनि विचार गरे र स्वीकार गरे । सीले प्रस्तावको मस्यौदामा व्याख्यात्मक टिप्पणी राख्नुभयो ।
चिकपा केन्द्रीय समितिले समितिको चौथो पूर्ण बैठकदेखि राजनीतिक ब्युरोको कामलाई पूर्ण रूपमा पुष्टि गरेको छ, विज्ञप्तिमा भनिएको छ ।
पार्टीको स्थापनादेखिको यात्रालाई फर्केर हेर्दा चिनियाँ कम्युनिस्ट पार्टीको केन्द्रीय समितिले एकपछि अर्को विजय हासिल गर्नमा चिनियाँ कम्युनिस्टको उच्च आदर्शको खोजी, चिनियाँ राष्ट्रको दिगो महानता प्राप्त गर्नको लागि आफ्नो समर्पण र चिनियाँ जनताका लागि खुसी खोज्ने र चिनियाँ राष्ट्रका लागि पुनरुत्थान गर्ने प्रतिबद्धतामा रहेको कुरा औँल्यायो ।
बैठकमा चिनियाँ कम्युनिस्ट पार्टी केन्द्रीय समितिले नयाँ युगमा पूर्ण र कठोर स्वशासनको अभ्यासमा पार्टीले हासिल गरेका महान् उपलब्धिहरूको उच्च सकारात्मक मूल्याङ्कन गरेको छ ।
पार्टीले नयाँ युगमा पर्यवेक्षण, शासन, विकास र बलियो बनाउने प्रयास गरिरहेको अवस्थामा सी चिनफिङको केन्द्रबिन्दुमा रहेको चिकपा केन्द्रीय समितिले समयका प्रमुख प्रश्नहरूको जवाफमा नयाँ विचार, नयाँ सोच र नयाँ रणनीतिहरूको शृङ्खला अघि बढाएको छ – पार्टी निर्माणमा विचार कस्तो दीर्घकालीन शासन गर्ने भन्ने कुरालाई ध्यानमा राखेर माक्र्सवादी पार्टीको निर्माण गर्न चिकपालाई कसरी अगाडि बढाउनुपर्छ ।
“पूर्ण र कठोर पार्टी स्वशासनलाई अगाडि बढाउनका लागि अहिले धेरै अनुकूल परिस्थितिहरू छन् भन्ने कुरामा जोड दिइएको छ, जबकि हामीले यस प्रयासमा धेरै नयाँ परिस्थिति र नयाँ मुद्दाहरूको सामना गरिरहेका छौँ,” विज्ञप्तिमा भनिएको छ ।
विश्वव्यापी, राष्ट्रिय र पार्टी परिस्थितिमा भएका गहिरो परिवर्तनले चिनियाँ सार्वभौमसत्ता, सुरक्षा र विकास हितको रक्षा गर्न जनतालाई एकताबद्ध गर्ने र नेतृत्व गर्ने, सुधार र विकासको प्रवद्र्धन गर्न र सामाजिक सद्भाव र स्थायित्व कायम राख्ने एवम् यसको उन्नत प्रकृति र अखण्डता कायम राख्ने चिनियाँ कम्युनिस्ट पार्टीको कार्यलाई अझ शक्तिशाली बनाएको छ ।
“पार्टीका मिसन र कार्यहरू पूरा गर्न समर्पित भएर हामीले नयाँ युगमा पार्टी निर्माणका लागि समग्र आवश्यकताअनुरूप काम गर्नुपर्दछ, पार्टीको संविधानलाई हाम्रो आधारभूत मार्गदर्शकको रूपमा लिनुपर्छ, पार्टीको अग्रगामी स्वभावलाई कायम राख्नुपर्छ र पार्टीको समग्र नेतृत्व र पार्टी केन्द्रीय समितिको केन्द्रीकृत, एकीकृत नेतृत्वलाई कायम राख्नुपर्छ,” विज्ञप्तिमा भनिएको छ ।
बैठकमा, पूर्ण र कठोर पार्टी स्वशासनका लागि दृढताका लागि मार्गदर्शक सिद्धान्तहरू निम्नानुसार उच्च महत्व प्रदान गरियोः पार्टीको मिसन र कार्यहरू सेवा गर्ने† पार्टीलाई राजनीतिक रूपमा बलियो बनाउने सर्वाेच्च सिद्धान्तका रूपमा लिने; पार्टीका सबै तहमा कठोर शासन अभ्यास गर्दै समस्या उन्मुख दृष्टिकोण अपनाउने; आधारभूत सिद्धान्तहरूलाई समर्थन गर्दै र नयाँ आधार तोड्ने; शीर्षदेखि तलसम्म सही दृष्टिकोण पालन गर्दै पार्टीलाई नियमअनुसार चलाउने ।
विज्ञप्तिमा भनिएको छ, बैठकमा पूर्ण र कठोर पार्टी स्वशासनका साथ अडिग रहने व्यवस्थागत योजनाहरू पनि बनाइएको छ ।
पूर्ण र कठोर पार्टी स्वशासन सुनिश्चित गर्ने चिकपाको प्रयासहरूमा पार्टी भावनालाई बलियो बनाउनु एउटा आधारभूत कार्य हो, विज्ञप्तिमा भनिएको छ ।
प्रजातान्त्रिक केन्द्रीयता पार्टीको आधारभूत साङ्गठनिक सिद्धान्त र नेतृत्व प्रणाली हो, त्यसैले यसको कार्यान्वयन पूर्ण र कठोर पार्टी स्वशासनको अभ्यासका लागि अनिवार्य आवश्यकता हो, विज्ञप्तिमा थपिएको छ ।
अधिकारीहरूको कडा व्यवस्थापन पूर्ण र कठोर पार्टी स्वशासनको कुञ्जी हो, विज्ञप्तिमा उल्लेख गरिएको छ ।
“हामी दृढ राजनीतिक प्रतिबद्धता, उत्कृष्ट व्यावसायिक क्षमता, उत्कृष्ट कार्य आचरण र कडा अनुशासनका साथ उच्च क्षमताका अधिकारीहरूको श्रेणी निर्माण गर्नेछौँ,“विज्ञप्तिमा उल्लेख छ ।
पार्टीको पूर्ण र कठोर पार्टी स्वशासनको अभ्यासमा सबै तहका पार्टी सङ्गठनहरूले प्रमुख भूमिका निर्वाह गर्ने उल्लेख गर्दै विज्ञप्तिमा भनिएको छ, ‘यसले राजनीतिक र सङ्गठनात्मक कार्यलाई सुदृढ गर्न सबै तह र सबै क्षेत्रमा पार्टी सङ्गठनको विकासलाई व्यवस्थित रूपमा अघि बढाउन आवश्यक छ ।’
आचरणमा सुधार र अनुशासनलाई कडा पार्नु पूर्ण र कठोर पार्टी स्वशासनलाई अगाडि बढाउन प्रभावकारी उपायहरू हुन्, विज्ञप्तिमा भनिएको छ ।
“अधिकारीहरूमा भ्रष्टाचार गर्ने साहस, अवसर वा चाहना नहुने कुरा सुनिश्चित गर्न एकीकृत कदम चाल्नु भनेको पूर्ण र कठोर पार्टी स्वशासनको लागि महत्वपूर्ण रणनीति र भ्रष्टाचारविरुद्धको हाम्रो लडाइँको लागि आधारभूत दिशानिर्देश हो” विज्ञप्तिमा भनिएको छ ।
“हामीले भ्रष्टाचारका लक्षण र मूल कारणहरू दुवैलाई सम्बोधन गर्न व्यवस्थित कदम चाल्नुपर्छ र यस लडाइँलाई अन्त्यसम्म पु¥याउँदै गम्भीर सजाय, लक्षित उपचार र प्रभावकारी रोकथामको संयोजन गर्ने समग्र दृष्टिकोण अपनाउनुपर्छ,“ यसले भन्यो ।
पार्टीको नियमन र संस्थाहरूलाई सुदृढ पार्नु भनेको पूर्ण र कठोर पार्टी स्वशासन सुनिश्चित गर्न दीर्घकालीन आधारभूत रणनीति हो, विज्ञप्तिमा भनिएको छ । पूर्ण र कठोर पार्टी स्वशासनका साथ अडिग रहँदा पार्टी र राज्यको अनुगमन प्रणालीमा थप सुधार हुन्छ, यो सबै पार्टीका सदस्यहरूको साझा राजनीतिक दायित्व भएको विज्ञप्तिमा उल्लेख छ ।
विज्ञप्तिमा भनिएको छ, “यस पूर्ण अधिवेशनबाट निर्देशित सिद्धान्तहरू अध्ययन गरी कार्यान्वयन गर्नु सम्पूर्ण पार्टीका लागि वर्तमान र आगामी अवधिमा प्रमुख राजनीतिक कार्य हो । पार्टीको कार्य एजेन्डाका सबै पक्षलाई वर्षको अन्त्यमा निरन्तर अगाडि बढाउनुपर्नेमा पनि जोड दिइएको थियो ।”
चिकपा केन्द्रीय समितिले बैठकमा पार्टीले सन् २०२७ को दोस्रो आधामा पेइचिङमा २१ औँ राष्ट्रिय महाधिवेशन गर्ने निर्णय गरेको छ र समाजवादी आधुनिकीकरणलाई मूल रूपमा साकार पार्ने र दोस्रो शताब्दीको लक्ष्यतर्फको नयाँ यात्रामा महत्वपूर्ण चरणमा आयोजना हुने यो महाधिवेशन निकै महत्वपूर्ण बैठक र पार्टी र देशका लागि ठुलो राजनीतिक महत्वको घटना हुने बताएको छ ।
बैठकले झाङ शेङमिनलाई चिनियाँ कम्युनिस्ट पार्टी केन्द्रीय समितिको राजनीतिक ब्युरोको नयाँ सदस्यमा निर्वाचित गरेको विज्ञप्तिमा उल्लेख छ ।
बैठकले केन्द्रीय समितिमा रिक्त सीट वैकल्पिक सदस्यबाट भर्ने, अनुशासन र कानुनको गम्भीर उल्लङ्घन गर्नेहरूका सम्बन्धमा केन्द्रीय अनुशासन आयोग र केन्द्रीय सैन्य आयोगको निरीक्षण प्रतिवेदनलाई विचार–विमर्श गरी पारित गर्ने र उल्लङ्घन गर्नेहरूलाई कारबाही गर्ने राजनीतिक ब्युरोको विगतका निर्णयहरूलाई पुष्टि गरेको छ ।
चिनियाँ कम्युनिस्ट पार्टी केन्द्रीय समितिले सम्पूर्ण पार्टीलाई सीपीसी केन्द्रीय समितिको केन्द्रबिन्दुमा झन् नजिकबाट जुट्न र नयाँ युगका लागि चिनियाँ विशेषतासहितको समाजवादसम्बन्धी सी चिनफिङको विचारलाई पूर्ण रूपमा कार्यान्वयन गर्न आह्वान गरेको छ ।