विश्वव्यापी ऐक्यबद्धतासँगै साझा विकास प्रवद्र्धन गर्न चीन प्रतिबद्ध

डिसेम्बर १०, २०२४ का दिन चिनियाँ राष्ट्राध्यक्ष सी चिन फिङले ‘१ प्लस १०’ संवादमा भाग लिन यहाँ आएका प्रमुख अन्तर्राष्ट्रिय आर्थिक सङ्गठनका प्रमुखहरूसँग पेइचिङमा सामूहिक भेटवार्ता गर्नुभयो । भेटको क्रममा उहाँले प्रभावकारी र सक्रिय विश्वव्यापी आर्थिक सुशासनबिना विश्वको आर्थिक वृद्धिलाई प्रवद्र्धन गर्न असम्भव हुनेमा जोड दिनुभयो ।
समान र व्यवस्थित बहुध्रुवीय विश्व र विश्वव्यापी लाभकारी तथा समावेशी आर्थिक भूमण्डलीकरणलाई अगाडि बढाउन बहुपक्षीयता अभ्यास गर्न, अन्तर्राष्ट्रिय सहयोग प्रवद्र्धन गर्न, विश्वव्यापी दक्षिणी राष्ट्रहरूको विकासमा सहयोग गर्न र साझा विकासको न्यायपूर्ण संसार निर्माण गर्न चीन प्रमुख अन्तर्राष्ट्रिय आर्थिक सङ्गठनहरूसँग मिलेर काम गर्न तयार रहेको उहाँले बताउनुभयो ।
विश्व अर्थतन्त्रले धेरै कठिनाइ र चुनौतीहरूको सामना गरिरहेको छ र एकपक्षीयता तथा संरक्षणवाद स्पष्टरूपमा बढिरहेको छ । विश्व अर्थतन्त्रलाई कसरी बलियो र दिगो वृद्धिको बाटोमा ल्याउने भन्ने अन्तर्राष्ट्रिय समुदायका लागि यो प्रमुख प्रश्न हो ।
गहिरो आर्थिक भूमण्डलीकरणको संसारमा मानवता साझा भविष्य भएको समुदाय हो जहाँ सबै मानिसहरू उठ्छन् र एकसाथ मिलेर लड्छन् । विश्वका देशहरू लगभग १९० साना डुङ्गाहरूमा अलग–अलग सवार छैनन्, बरु सबै एक विशाल जहाजमा छन् जसमा तिनीहरूको साझा भविष्य निर्भर छ । तसर्थ, उनीहरूले एकअर्काको विकासलाई चुनौतीको सट्टा अवसरका रूपमा हेर्नुपर्छ र एकअर्कालाई प्रतिद्वन्द्वीभन्दा पनि साझेदारको रूपमा व्यवहार गर्नुपर्छ ।
विश्वव्यापी एकता, सहयोग, पारस्परिक लाभ र जीतलाई समयको परिभाषित विषयवस्तु बनाउनु सबै देशहरूको साझा दायित्व हो र विश्वव्यापी आर्थिक विकासको लागि एकमात्र सही विकल्प हो ।
विश्व अर्थतन्त्रलाई बलियो र दिगो विकासको बाटोमा लैजान खुला विश्व अर्थतन्त्र निर्माण गर्नु महत्वपूर्ण छ ।
आज संसार आर्थिक अल्पवृद्धिले ग्रसित छ र प्रत्येक अर्थव्यवस्थाले आफ्नै चुनौतीहरूको सामना गर्दछ । कठिनाइ र चुनौतीहरू जति ठुला छन्, त्यति नै महत्वपूर्ण एकता र सहयोगलाई बलियो बनाउनु तथा जिम्मेवार कदमहरू चाल्नु हो ।
यस पृष्ठभूमिमा, विश्वका सबै देशहरूले सहयोगको माध्यमबाट खुला विश्व अर्थतन्त्र निर्माण गर्न, नवप्रवर्तनको माध्यमबाट विकासलाई अघि बढाउन, डिजिटल अर्थतन्त्रका महत्वपूर्ण अवसरहरू, कृत्रिम बुद्धिमत्ता (एआई) र न्यून कार्बन प्रविधिको सदुपयोग गर्न, आर्थिक वृद्धिका नयाँ स्रोतहरूको विकास गर्नु अनिवार्य छ र ज्ञान, प्रविधि तथा प्रतिभाको सीमापार प्रवाहलाई समर्थन गर्दछ ।
देशहरूका लागि आर्थिक अन्तरनिर्भरतालाई राम्रो कुराको रूपमा हेरिनुपर्छ, जसले सबैलाई पारस्परिक लाभ र जीत–जीत परिणामहरूका लागि एकअर्काको शक्तिमा आकर्षित गर्न सक्षम बनाउँछ । यसलाई जोखिमको रूपमा लिनु हुँदैन ।
चीनले उच्चस्तरको खुलापन विस्तार गर्दै आएको छ, उच्च गुणस्तरको बेल्ट एन्ड रोड सहयोगलाई अगाडि बढाउन सबै देशहरूसँग हात मिलाएर विश्वव्यापी विकास पहल कार्यान्वयन गर्दै आएको छ र विश्वव्यापीरूपमा लाभदायक र समावेशी आर्थिक भूमण्डलीकरणको वकालत गर्दै आएको छ । विश्वभरका मानिसहरूद्वारा अधिक निष्पक्षरूपमा साझेदारी गरिनेछ । चीन खुला विश्व अर्थतन्त्रको निर्माणमा एक कर्ता र प्रवद्र्धनकर्ता देश होे ।
विश्व अर्थतन्त्रलाई बलियो र दिगो वृद्धिको बाटोमा लैजान विश्वव्यापी आर्थिक शासन प्रणालीलाई अझ न्यायपूर्ण र समतामूलक बनाउन जरुरी छ ।
विश्वले आज विश्व अर्थतन्त्रको ४० प्रतिशतभन्दा बढी ओगटेको ग्लोबल साउथ देशहरूको सामूहिक वृद्धि देखेको छ ।
अन्तर्राष्ट्रिय आर्थिक सङ्गठनहरूले बदलिँदो परिस्थितिसँग सजग रहन र समयको आह्वान र विश्वका जनताको आकाङ्क्षालाई सम्बोधन गर्न आवश्यक छ । उनीहरूले विश्वव्यापी आर्थिक शासन प्रणालीलाई अझ न्यायपूर्ण र न्यायोचित एवम् परिवर्तनशील विश्व आर्थिक परिदृश्यलाई प्रतिबिम्बित गर्न, विश्वव्यापी दक्षिणी देशहरूको ठुलो प्रतिनिधित्व र आवाजका साथ सुधार गर्न सक्रियरूपमा संलग्न हुन आवश्यक छ ।
प्रभावकारी र सक्रिय विश्वव्यापी आर्थिक शासनलाई अगाडि बढाउन विश्वभरका देशहरूले साझा लाभका लागि व्यापक परामर्श र संयुक्त योगदानको सिद्धान्तलाई पालना गर्नुपर्दछ, साँचो बहुपक्षीयतालाई कायम राख्नुपर्छ र सबै देशहरूका लागि समान अधिकार, समान अवसर तथा समान नियमहरू सुनिश्चित गर्नुपर्दछ ।
जी–२० मा अफ्रिकी सङ्घको प्रवेशलाई स्पष्टरूपमा समर्थन गर्ने पहिलो हुनेदेखि, उत्तर–दक्षिण ‘डिजिटल विभाजन’ लाई कम गर्न प्रयास गर्ने र अन्तर्राष्ट्रिय वित्तीय संरचनाको सुधारको प्रवद्र्धन गर्ने र ग्लोबल साउथ देशहरूको प्रतिनिधित्व र आवाज बुलन्द गर्न चीनले सधैँ विश्वव्यापी शासन प्रणाली सुधार गर्न र वृद्धि गर्न योगदान गरेको छ ।
विश्व अर्थतन्त्रलाई बलियो र दिगो विकासको बाटोमा लैजान प्रमुख अर्थतन्त्रहरूले सक्रिय र रचनात्मक भूमिका खेल्नुपर्छ ।
चीन र अमेरिका विश्वका शीर्ष दुई अर्थतन्त्र हुन् । उनीहरूको साझा स्वार्थ सङ्कुचित हुनुको सट्टा विस्तार हुँदै गएको छ । दुई पक्षले सहयोगको सूचीलाई विस्तार गर्नुपर्छ र सहयोगको ठुलो वृत्त बनाउनुपर्छ ।
स्थिर, स्वस्थ र दिगो चीन–अमेरिकाको लागि काम गर्न अमेरिकासँग वार्तामा संलग्न हुन, सम्बन्ध र सहयोग विस्तार गर्न र मतभेदहरू व्यवस्थापन गर्न चीन तयार छ । यो आशा छ कि अमेरिकाले चीनसँग एउटै दिशामा काम गर्नेछ, इतिहासको प्रवृत्तिअनुरूप काम गर्नेछ, चिनियाँ र अमेरिकी जनता र अन्तर्राष्ट्रिय समुदायको अपेक्षाहरू पूरा गर्न काम गर्नेछ र विश्व आर्थिक वृद्धिको प्रवद्र्धन र जनताको कल्याण तथा जीवनस्तर सुधारमा आफ्नो जिम्मेवारी पूरा गर्नेछ ।
ट्यारिफ युद्ध, व्यापार युद्ध र प्राविधिक युद्ध इतिहास र अर्थशास्त्रको कानुनको प्रवृत्तिविरुद्ध हो । त्यस्तो युद्धले कसैलाई पनि विजेता बनाउँदैन । ‘अग्ला बारहरूसहितको सानो करेसाबारी’ निर्माण गर्नु, औद्योगिक र आपूर्ति शृङ्खलाहरू तोड्ने र बाधा पु¥याउने कार्यले आफूलाई फाइदा नगरी अरूलाई हानि पु¥याउँछ । चीनले आफ्ना मामिलाहरू राम्रोसँग व्यवस्थित गर्न र आफ्नो सार्वभौमसत्ता, सुरक्षा र विकास हितहरूको दृढतापूर्वक रक्षा गर्नमा केन्द्रित रहनेछ ।
विश्व बहुध्रुवीयताले इतिहासको सामान्य प्रवृत्ति र प्रगतिको दिशालाई प्रतिनिधित्व गर्दछ, जबकि आर्थिक भूमण्डलीकरण नरोक्ने ऐतिहासिक प्रवृत्ति हो जुन विकसित भइरहन्छ । अगाडि बढेर विश्वका सबै देशहरूले विश्व बहुध्रुवीकरण र आर्थिक भूमण्डलीकरणको सामान्य प्रवृत्तिलाई पछ्याएर एकता र सहयोगलाई बलियो बनाउनुपर्छ । साझा विकास र समृद्धिको राम्रो भविष्यको सुरुवात गर्न उनीहरूले संयुक्तरूपमा विश्वव्यापी आर्थिक सुशासनलाई सुदृढ गर्न, खुला विश्व अर्थतन्त्रको निर्माण गर्न र विश्व अर्थतन्त्रलाई बलियो र दिगो विकासको बाटोमा ल्याउनुपर्छ ।

– पिपुल्स डेलीबाट
अनुवाद : प्रकाश