सिचाङ स्वायत्त प्रदेशको स्थापनाको ६० औँ वार्षिकोत्सवको भव्य समारोहमा सी चिनफिङ सहभागी

ल्हासा, १२ भदौ (सीआरआई) । अगस्त २१ तारिख बिहान सिचाङका सबै जातीय समूह र क्षेत्रका लगभग २० हजार कार्यकर्ताहरू र मानिसहरू सिचाङ स्वायत्त प्रदेश स्थापनाको ६० औँ वार्षिकोत्सव मनाउन ल्हासाको पोताला दरबार स्क्वायरमा भेला भए । चिनियाँ कम्युनिस्ट पार्टी केन्द्रीय समितिका महासचिव, जन गणतन्त्र चीनका राष्ट्राध्यक्ष एवम् केन्द्रीय सैन्य आयोगका अध्यक्ष सी चिनफिङले उक्त समारोहमा भाग लिनुभयो ।
चिनियाँ कम्युनिस्ट पार्टी केन्द्रीय समितिको राजनीतिक ब्यूरो स्थायी समितिका सदस्य, चिनियाँ जनराजनीतिक परामर्शदात्री सम्मेलनको राष्ट्रिय समितिका अध्यक्ष एवम् केन्द्रीय प्रतिनिधिमण्डलका प्रमुख वाङ हुनिङले भाग लिएर भाषण दिनुभयो । चिनियाँ कम्युनिस्ट पार्टी केन्द्रीय समितिको राजनीतिक ब्यूरोको स्थायी समितिका सदस्य एवम् चिनियाँ कम्युनिस्ट पार्टी केन्द्रीय समितिको सामान्य कार्यालयका निर्देशक छाई छी पनि उपस्थित हुनुहुन्थ्यो ।
बिहान करिब १० बजे हर्षोल्लासपूर्ण सङ्गीतको ध्वनिमा, सी चिनफिङ र अन्य प्रमुख नेताहरू रोस्ट्रममा हिँड्नुभयो । दर्शकहरूबाट लामो र उत्साहजनक ताली बजाइयो ।
सिचाङ स्वायत्त प्रदेश पार्टी समितिका उपसचिव एवम् सिचाङ स्वायत्त प्रदेश जनसरकारका अध्यक्ष कर्मा चतनले सम्मेलनको उद्घाटन घोषणा गर्नुभयो । दर्शकहरूले उभिएर राष्ट्रिय गान गाए, जब कि पोताला दरबार स्क्वायरमा जीवन्त पाँच–तारे रातो झण्डा बिस्तारै उठ्यो ।
चिनियाँ कम्युनिस्ट पार्टी केन्द्रीय समितिको राजनीतिक ब्यूरोका सदस्य, राज्य परिषद्का उपप्रधानमन्त्री एवम् केन्द्रीय प्रतिनिधिमण्डलका उपप्रमुख चाङ कोछिङले सिचाङ स्वायत्त प्रदेश स्थापनाको ६० औँ वार्षिकोत्सवमा चिनियाँ कम्युनिस्ट पार्टी केन्द्रीय समिति, राष्ट्रिय जनकाङ्ग्रेसको स्थायी समिति, राज्य परिषद्, चिनियाँ जनराजनीतिक परामर्शदात्री सम्मेलनको राष्ट्रिय समिति र केन्द्रीय सैन्य आयोगबाट बधाई सन्देशहरू पढेर सुनाउनुभयो ।
वाङ हु निङले सिचाङ स्वायत्त प्रदेशलाई “चिनियाँ राष्ट्रको लागि संयुक्त रूपमा समुदाय निर्माण गर्नुहोस् र सुन्दर सिचाङको लागि नयाँ अध्याय लेख्नुहोस्” भन्ने राष्ट्राध्यक्ष सी चिन फिङद्वारा लेखिएको उक्ति सहितको बधाईपत्र प्रस्तुत गर्नुभयो । वाङ हुनिङले भाषण दिनुभयो । उहाँले सन् १९६५को सेप्टेम्बरमा सिचाङ स्वायत्त प्रदेशको स्थापना सिचाङको विकास इतिहासमा एक ऐतिहासिक घटना भएको बताउनुभयो । उहाँले भन्नुभयो,“विगत ६० वर्षमा सिचाङले व्यापक आर्थिक र सामाजिक विकास, क्षेत्रीय जातीय स्वायत्तताको प्रणालीको सफल कार्यान्वयन, जातीय एकताको सुदृढीकरण र सबै जातीय समूहका जनताको समृद्ध जीवन देखेको छ । यसले चीनको कम्युनिस्ट पार्टीको नेतृत्वको अटल शक्ति र चीनको समाजवादी प्रणालीको उल्लेखनीय राजनीतिक फाइदाहरूलाई पूर्ण रूपमा प्रदर्शन गर्दछ ।”
सिचाङ स्वायत्त प्रदेशको पार्टी समितिका सचिव वाङ च्युनचङ र सिचाङ जनताका प्रतिनिधि चोमारनचङले समारोहमा मन्तव्य दिनुभयो ।
त्यसपछि, शुभ र उत्सवपूर्ण वातावरणले भरिएको भव्य सामूहिक परेड आयोजना गरियो । त्यस्तै अगस्ट २० तारिख राति सिचाङ स्वायत्त प्रदेश स्थापना भएको ६० औँ वार्षिकोत्सव सम्बन्धी सांस्कृतिक कार्यक्रम ‘हिउँदे भूमिमा खुशीको गीत’ सिचाङ रङ्गशालामा आयोजित भएको छ । चीनका राष्ट्राध्यक्ष सी चिनफिङले सिचाङ स्वायत्त प्रदेशका विभिन्न जातिका जनतासँग प्रदर्शन हेर्नुभएको छ ।
प्रदर्शन तीन भागमा विभाजित छ । पहिलो अध्यायमा तीन नाचगानबाट समाजवादी नयाँ सिचाङको निर्माणको दृश्य देखाइएको छ भने मध्तगमा केही नाचगानबाट सुधार तथा खुलापन नीतिले सिचाङ हिउँदे पठारभूमिमा ल्याएको जीवन्त शक्तिलाई देखाइएको छ । अन्तिम अध्यायमा सुखमय सिचाङको जीवनलाई देखाइएको छ । यस प्रदर्शनले सिचाङ स्यायत्त प्रदेशमा ६० वर्षयता विकासको प्रगति देखाइएको छ ।
राष्ट्राध्यक्ष सी चिनफिङद्वारा सिचाङ स्वायत्त प्रदेश पार्टी समिति र सरकारको कार्य–प्रतिवेदनको सुनुवाई
केन्द्रीय प्रतिनिधि मण्डलको नेतृत्व गर्दै सिचाङ स्वायत्त प्रदेश स्थापनाको ६० औँ वर्षगाँठ मनाइने समारोहमा सहभागी हुनुभएका चिनियाँ कम्युनिस्ट पार्टी केन्द्रीय समितिका महासचिव, राष्ट्राध्यक्ष एवम् केन्द्रीय सैन्य आयोगका अध्यक्ष सी चिनफिङले अगस्ट २० तारिख सिचाङ स्वायत्त प्रदेश पार्टी समिति र सरकारको कार्य–प्रतिवेदनको सुनुवाइ गर्नुभएको छ ।
सुनुवाइका क्रममा उहाँले सिचाङले नयाँ युगमा पार्टीको सिचाङ सञ्चालन रणनीति र कार्यनीतिलाई सम्पूर्ण रूपमा व्यवहारमा उतार्नुका साथै नयाँ विकास हुने विचारधारालाई पूर्ण र निश्चित रूपमा कार्यान्वयन गर्दै उच्च गुणस्तरीय विकासलाई अघि बढाउँदै जाने कुरामा जोड दिनुभएको छ । यसका अतिरिक्त लगातार रूपमा स्थिरता, विकास, पर्यावरण र सीमा सशक्तिकरण ४ वटा महत्वपूर्ण विषयलाई समातेर सक्दो प्रयासमार्फत एकताबद्ध, सम्पन्न, सभ्य, मेलमिलापयुक्त र सुमधुर समाजवादी आधुनिकीकरण नयाँ सिचाङको निर्माण गर्दै जान अपिल पनि उहाँले गर्नुभएको छ ।