प्रमुख ऐतिहासिक मामिलामा विवेकपूर्ण हुन चीनद्वारा जापानसँग आग्रह

पेइचिङ, २६ माघ (सिन्ह्वा) । चीनले सोमबार जापानलाई आफ्नो आक्रामकताको इतिहासलाई गहिरोसँग मनन गर्न र यासुकुनी तीर्थस्थलजस्ता प्रमुख ऐतिहासिक मुद्दाहरूमा विवेकपूर्ण हुन आग्रह गरेको छ ।
जापानका प्रधानमन्त्री साने ताकाइचीले यासुकुनी तीर्थस्थलबारे हालै दिएको टिप्पणीको जवाफमा विदेश मन्त्रालयका प्रवक्ता लिन जियानले नियमित पत्रकार सम्मेलनमा उक्त टिप्पणी गर्नुभएको हो ।
लिनले भन्नुभयो, “यासुकुनी तीर्थस्थलले विदेशी आक्रामकता निम्त्याउन आध्यात्मिक उपकरण बनेको र यो जापानी सैन्यवादको प्रतीकको रूपमा काम गरेको छ, यसले १४ जना दोषी करार भएका युद्ध अपराधीहरूलाई सम्मान गरेको छ ।”
जापानी यासुकुनी पवित्रस्थलको मुद्दाको प्रकृति जापानले आफ्नो सैन्य आक्रमणको इतिहासको सामना गर्न सक्छ कि सक्दैन र गहिरोसँग चिन्तन गर्न सक्छ कि सक्दैन भन्ने कुरामा निर्भर गर्दछ र यो मुद्दा मानव विवेक, चीन–जापान सम्बन्धको राजनीतिक आधार र एक राष्ट्रको रूपमा जापानको विश्वसनीयतामा रहेको उहाँले बताउनुभयो ।
“इतिहासको भूलभुलैया भनेको विश्वासघात हो र जिम्मेवारीलाई इन्कार गर्नु भनेको जिम्मेवारीप्रति गम्भीर नहुनु हो,” लिनले भन्नुभयो ।
“सन् २०२६ ‘टोकियो ट्रायल’ को सुरुवातको ८० औँ वर्ष हो । यस्तो विशेष वर्षमा जापानले आफ्नो आक्रामकताको इतिहासलाई प्रत्यक्ष रूपमा सामना गर्न र प्रतिबिम्बित गर्न, यासुकुनी तीर्थस्थलजस्ता प्रमुख ऐतिहासिक मुद्दाहरूमा विवेकी हुन, गलत इतिहास नदोहो¥याउन र वास्तविक कार्यको साथ सैन्यवादसँग स्पष्ट सम्बन्ध विच्छेद गर्न आवश्यक छ,” लिनले थप्नुभयो ।