विश्व वातावरण दिवसको अवसरमा सिद्धपोखरीमा सरसफाइ

भक्तपुर, २२ जेठ । विश्व वातावरण दिवस (जून ५) को अवसरमा भक्तपुर नगरपालिकाको आयोजनामा शुक्रबार बिहान ऐतिहासिक सिद्धपोखरी परिसरमा सरसफाइ कार्यक्रम सम्पन्न भयो ।
नगरको सम्पदा संरक्षण र वातावरणीय स्वच्छतालाई प्राथमिकता दिँदै आयोजना गरिएको उक्त कार्यक्रममा उपप्रमुख, जनप्रतिनिधिहरू, नगर कार्यपालिकाका कर्मचारीहरू, छिकोङ समूह, विद्यार्थीहरूको उत्साहजनक सहभागिता रहेको थियो । भक्तपुर नगरपालिकाले हरेक वर्ष वातावरण दिवस मात्र नभई नियमित रूपमा पनि नगरका ऐतिहासिक सांस्कृतिक र प्राकृतिक सम्पदाहरूको पाक्षिक रूपमा सरसफाइ कार्यक्रम आयोजना गर्दै आएको छ । तस्बिर : मजदुर दैनिक