भनपा वडा नं ७ र ८ मा नेमकिपाको जित

भक्तपुर, ५ जेठ । भक्तपुर नगरपालिका वडा नं ७ र ८ मा नेपाल मजदुर किसान पार्टीले अत्यधिक मतसहित जित हासिल गरेको छ । भनपा वडा नं ७ मा नेमकिपाका उकेश कवांले ३९०० मत प्राप्त गरी वडा अध्यक्ष पदमा निर्वाचित हुनुभएको हो । त्यस्तै वडा सदस्यहरुमा हेरा ख्याजूले ३७५७, हरिरत्न गोर्खालीले ३७५७, महिला सदस्यतर्फ रञ्जना त्वातीले ३९१३ मत प्राप्त गरी विजयी हुनुभएको हो । वडाका दलित महिला उम्मेदवार रिजु कपाली निर्विरोध हुनुभएको हो ।
त्यस्तै भनपा वडा नं ८ मा नेमकिपाका महेन्द्र खायमलीले १९८२ मत प्राप्त गरी वडा अध्यक्ष पदमा निर्वाचित हुनुभएको छ । वडा सदस्यहरुमा कृष्ण गोपाल छुस्यावागले २०१६, शिवप्रसाद बालाले २०१५ र महिला सदस्य उम्मेदवार पञ्चमाया दुवालले २०५४ मत प्राप्त गरी निर्वाचित हुनुभएको छ ।