संरा अमेरिकामा प्रजातन्त्रको अवस्था – ६
- बैशाख १२, २०८१
सरकार नै ऐन–नियम तोड्नेको संरक्षक भएपछि जनतालाई कति पीडा हुन्छ भन्ने ताजा घटना शङ्कर ग्रुपको काठमाडौँ थःबहीमा बनिरहेको जगदम्बा हस्पिटालिटी (होटल) हो । यही ग्रुपको जगदम्बा १६ एमएमको टीमएटी बार फलामे डण्डी गुणस्तरहीन भएको थियो ।
शङ्कर ग्रुपले काठमाडौँको ऐतिहासिक र सांस्कृतिक क्षेत्र थःबहीसँग जोडिएको नक्सालमा दुई तलाको बेसमेन्टसहित १५ तलाको होटल ४ अर्ब रूपैयाँ लगानीमा निर्माण गर्दा नक्साल भगवती मन्दिरदेखि प्रहरी प्रधानकार्यालयको सडक निकै गहिरो गरी भासिएको थियो ।
होटलको जग खन्ने बेला ठूलो मेसिन प्रयोग गरिँदा ठूलो भूकम्पभन्दा बढी थर्किएको, जोखिममा परेका कतिपय घरका मानिस घर बेचेर अन्त गएको र केही अन्त डेरामा बस्नुपरेको थियो । त्यसबेला वरिपरिका जनता आन्दोलनमा उत्रेका थिए । होटलले मुख्य सडकबाट ६ मिटर पर संरचना बनाउनुपर्नेमा सडकको किनारामै निर्माण गरेको छ । सर्वसाधारण जनताको स–साना निर्माणमा अनेक झन्झट तेस्र्याउने काठमाडौँ महानगरपालिका र सडक विभागलगायत सरकारी अङ्ग ठूलै रकमको चलखेलमा मत्थर भएको जनगुनासो छ ।
यही क्षेत्रमा ऐतिहासिक थःबही कमलपोखरी म्हासेर १२ तलाको व्यापारिक भवन निर्माणमा पनि सरकारी निकाय ठूलै रकम चलखेलमा मत्थर भएको जनगुनासो पनि पुरानो हो । सानो क्षेत्रमा गगनचुम्बी भवन बनाउन नक्सा कसरी पास भयो ? यो प्रश्नको जवाफ पनि रहस्यमै छ ।
कर्पोरेटहरूको चङ्गुलमा सरकार फसेपछि इमानदार जनता पीडित हुन्छन् । सरकारले आव २०७२÷७३ को बजेटमा काठमाडौँ उपत्यकाका औद्योगिक क्षेत्रहरू स्थानान्तरण गर्ने प्रतिबद्धता ग¥यो । कर्पोरेटहरू चलमलाएपछि सरकार आफ्नो प्रतिबद्धताबाट पछि हट्यो । अहिले काठमाडौँ, ललितपुर र भक्तपुर औद्योगिक क्षेत्रमा टेक्सटायल, डाइङलगायत उद्योगको ध्वनि र धुवाँबाट स्थानीय जनता पीडित छन् । जनताले आफ्ना पीडा उल्लेख गरी पटक–पटक औद्योगिक क्षेत्र व्यवस्थापन लि.को ध्यानाकर्षण गराए तर यो कार्यालय बहिरो र अन्धोजस्तो बसी जनताको आग्रहलाई बेवास्ता गर्दै छ । भक्तपुर औद्योगिक क्षेत्रको ध्वनि र धुवाँ प्रदूषण फाल्ने टेक्सटायल र डाइङ उद्योगविरूद्ध जनता सकडमा उत्रने तयारीमा छन् । समयमै काठमाडौँको थःबहीमा निर्माणाधीन १५ तलाको होटलबाट पीडित जनता र भक्तपुर औद्योगिक क्षेत्रको टेक्सटायल र डाइङ उद्योगबाट पीडित जनतालाई न्याय दिनु आवश्यक छ ।
Leave a Reply