परमाणु सम्झौता पुनः थाल्न अमेरिकी प्रतिबन्ध हटाएरमात्र पुग्दैन : इरान

तेहरान, ५ फेब्रुअरी (सिन्ह्वा) । सन् २०१५ को आणविक सम्झौतालाई पुनर्जीवित गर्न इरानमाथि अमेरिकाले लगाएका प्रतिबन्धहरू हटाउनुमात्रै ‘पर्याप्त’ नहुने इरानका विदेश मन्त्रालयका प्रवक्ता सैयद खटिब्जादेहले शनिबार बताउनुभएको छ ।
“संयुक्त राज्य अमेरिकाले प्रतिबन्ध हटाउने उसको कर्तव्य र दायित्व पूरा गर्ने विषयमा इरानले पर्खिरहेको छ”, उहाँले भन्नुभयो ।
“आज हामीले सुनेको समाचार आणविक स्वीकृतिलाई उचाल्ने आयामको बारेमा हो र सबैलाई थाहा छ कि यो पर्याप्त छैन”, उहाँले थप्नुभयो ।
संयुक्त राज्य अमेरिकाले आणविक प्रतिबन्धलगायत सबै प्रतिबन्ध हटाएमा थप चरणको वार्ताको लागि मार्ग प्रशस्त हुने उहाँले बताउनुभयो ।
अमेरिकी सरकारले शुक्रबार इरानलाई अन्तर्राष्ट्रिय आणविक सहयोग परियोजनाको अनुमति दिन स्वीकृति छुट फिर्ता गरेको थियो भने करिब १० महिनाअघि सन् २०१५ को आणविक सम्झौता पुनः स्थापना गर्न सुरू गरिएको भियना वार्ता अहिले निर्णायक चरणमा पुगेको बताइएको छ ।