इतिहासमा बाँचेका तीन दिन
- बैशाख १३, २०८१
अगष्टको एक दिन, उत्तर–पूर्वी सिरियाको हसेक प्रान्तस्थित पेट्रोल क्षेत्रमा, अमेरिकी सैनिकहरूले दर्जनौँ तेल ट्याङ्कर चलाएर, पेट्रोल चोरेर अवैध सीमा नाका हुँदै इराकमा तैनाथ अमेरिकी सैन्य आधारमा पु¥याएका थिए । यो अगष्टमा अमेरिकी सेनाले छैटौँ पटक पेट्रोल चोरेको हो ।
यसका साथै सिरियाको राजधानी दमास्कसका सडकमा मानिसहरू सीमित मात्रामा पेट्रोल किन्नका लागि चर्को घाममुनि लाइनमा घण्टौं वा २४ घण्टासम्म उभिनुपर्छ । सिरियाको आधिकारिक तथ्याङ्कअनुसार, सन् २०२१ मा सिरियाको ८० प्रतिशतभन्दा बढी पेट्रोल अमेरिकाको हातमा थियो । अमेरिकी सेनाको पेट्रोल चोरी बढनुका साथै अगष्ट ७ तारिखदेखि सिरियामा पेट्रोलको मूल्य करिब १२७ प्रतिशतले बढेको छ ।
अमेरिकी सेनाको कालो छायाँ सिरियाको आधारस्तम्भ गहुँ खेतीमा परेको छ । पहिले सिरिया अनाज निर्यातकर्ता थियो, त्यसमध्ये हरेक वर्ष गहुँको औसत उत्पादन लगभग ५० लाख टन हुनुका साथै करिब २० लाख टन निर्यात भएको थियो । तर अमेरिकाको गैरकानुनी सैन्य हस्तक्षेपले सिरियाली राष्ट्रिय स्रोत लुटपाट हुनाले अहिले लगभग ९० प्रतिशत सिरियाली जनसङ्ख्या गरिबीको रेखामुनि बाँचिरहेको छ । विश्व खाद्य कार्यक्रमको अनुमानमा हाल सिरियाका करिब १ करोड २४लाख सर्वसाधारणलाई खाद्यान्नको अभाव छ । अमेरिकाले मुखमा आतङ्कवादमाथि प्रहार गर्ने चाहना भए तापनि वास्तवमा त्यसको कार्य आतङ्कवाद नै भएको हसेक प्रान्तका एकजना बासिन्दाले बताए ।
पेट्रोल चोर्ने, खाद्यान्न लुट्ने, मास्क लुट्ने, अमेरिकामा राखिएको अन्य देशको सुन फिर्ता गर्न अस्वीकार गर्नेबाहेक अमेरिकाले प्रतिबन्धको नाउँमा अरू देशको सम्पत्ति पनि कब्जा गर्छ । सन् २०१९ मा अमेरिकाले अमेरिकामा भेनेजुयला सरकारको सबै सम्पत्ति रोक्का गर्यो । युक्रेन सङ्कटपछि, अमेरिकाले अमेरिकास्थित रूसी सरकारी स्वामित्वका वित्तीय संस्थाहरूको सम्पत्ति रोक्का गरेको छ । अमेरिकाले अफगानिस्तानी केन्द्रीय बैङ्कको ७ अर्ब डलरको सम्पत्ति पनि रोक्का गरेर त्यसको आधा हिस्सा ‘९.११’ घटनाका पीडितलाई क्षतिपूर्ति दिने योजना बनाएको छ । अफगानिस्तानी अन्तरिम सरकारले आलोचना गर्छ–“सबैभन्दा धनी देशले सबैभन्दा गरिब देशको पैसा चोर्छ, जसले अमेरिकाको गाढा नैतिक चरित्र स्पस्ट पारेको छ ।” गत वर्षको फेब्रुअरीमा, अमेरिकाले जबरजस्ती एक इरानी जहाज रोकेर, त्यसमा भएको लगभग २०लाख ब्यारेल कच्चा पेट्रोल बेचेर ११ करोड डलर कमाएको थियो ।
अमेरिकाको बदमासी पृथ्वीग्रामका लागि प्रकोप बनिसकेको छ ।–सीआरआई
Leave a Reply