दसैँको त्यो रातो टीका

आफैँ भित्र हारेकालाई
पनि विजयको
आभाष दिलाउने
दसैँको त्यो रातो टीका ।

गाउँका कुना कन्दरादेखि
सहरको चोक र
गल्लीसम्म
शान्ति, सद्भाव र उत्साह
फैलाउने त्यो रातो टीका ।

पल्लाघरे साइँलाको घरमा
दसैँले खुसीयाली ल्याएछ
कमेरोले सेताम्य पारी
घर पनि लिपिएछ ।

उसको सन्तान पनि
अब त नयाँ लुगा
लगाउन पाइयो भन्दै
वरपिपलमा हालिएको
लिङ्गे पिङमा च च हुइ
गर्दै रहेछन् ।

वास्तवमै दसैँको त्यो
रातो टीकाले
हरेकको मुहारमा खुसीयाली छाएको छ
केही समयलाई भए पनि ती
गरिबका जीवनमा
गुलाबी रङ्ग भरिदिएको छ ।

सम्बन्धित