बन्दुक त्रासदीको कालो छायामा अमेरिकी बालबालिका

“आमाबुबाहरूले हरेक दिन ब्युँझने बित्तिकै आफ्ना छोराछोरी बन्दुक काण्डको सिकार नबनून् र छोराछोरीको स्कूलमा कुनै पनि गोली प्रहारको घटना नहोस् भनेर प्रार्थना गर्ने गर्दछन् ।” एकजना अमेरिकी सांसदले बन्दुक धम्कीबाट अमेरिकीमाथि ल्याइएको ठूलो कालो छायाँबारे मूल्याङ्कन गर्दै यसरी भनेका छन् ।
अमेरिकी लोक संस्था अर्थात् ‘के–१२ स्कूलमा बन्दूक हिंसासम्बन्धी डाटा भण्डार’ को पछिल्लो तथ्याङ्कअनुसार, यसै वर्षको अन्त्यसम्ममा अमेरिकामा २६० भन्दा बढी स्कूलमा बन्दुक हिंसाका घटना देखापरेका छन् । त्यसले एक वर्षभित्रै स्कूलमा सबभन्दा ठूलो सङ्ख्याको गोली प्रहारका घटना देखापरेको छ । बितेका केही दिनयता धेरैपटक स्कूलमा गोली प्रहारका घटना भएका थिए । विशेषतः गत २४ तारिख मिसौरी राज्यको सेन्ट लुइस शहरमा अवस्थित एउटा हाई स्कूलमा गएको गोली प्रहारको घटनामा परी शङ्कास्पद व्यक्तिलगायत ३ जनाको मृत्यु हुनुका साथै अन्य ७ जना घाइते भएका थिए ।
अमेरिकामा देखापरेका गोली प्रहारका घटनाबाट बालबालिका अझ विशेषगरी युवा युवतीका लागि पु¥याइएको हानि कल्पनाभन्दा अझ गम्भीर छ । अमेरिकी राजनीतिज्ञहरूका लागि यस्ता हिँसाजन्य समस्याको समाधान गर्न सर्वसाधारणको सेवा गर्ने कडा दृढता जाग्नुपर्छ । तर, उनीहरूले दिनभरि आफ्नो राजनीतिक हितका लागि प्रयास गरेका छन् । सर्वसाधारणका सम्बन्धमा उनीहरूको बोलीअनुरूप व्यवहार चाहिँ पटक्कै मिल्दैन ।– सीआरआई