भर्खरै :

नयाँ युगमा पार्टी निर्माण र कोरियाली मजदुर पार्टीको केन्द्रीय कार्यकर्ता तालिम केन्द्रको कार्यसम्बन्धी अभिमुखीकरण–२

नयाँ युगमा पार्टी निर्माण र कोरियाली मजदुर पार्टीको केन्द्रीय कार्यकर्ता तालिम केन्द्रको कार्यसम्बन्धी अभिमुखीकरण–२

विगतका दशकहरूको सङ्गठनात्मक विकासको मार्गलाई पछाडि फर्केर हेर्ने हो भने त्यो कुनै पनि हिसाबले अस्वाभाविक छैन, हाम्रो पार्टीले हासिल गरेका आधारभूत क्षेत्रमा ठुलाठुला सफलता र आफ्नो विकास र क्रान्तिको लक्ष्य पूरा गर्ने महत्वपूर्ण विजयहरूका कारण हामी गर्व गर्न सक्छौँ ।
हाम्रो पार्टीले विगतका दशकमा आफ्नो निर्माण र कार्यमा प्राप्त गरेका सफलताहरूलाई तीन मुख्य किसिममा वर्गीकरण गर्न सक्छौँ : पहिलो, यसले दृढतापूर्वक आफ्नो एकल विचारधारा र नेतृत्वलाई रक्षा ग¥यो र पुस्तान्तरण ग¥यो । दोस्रो, यसले उल्लेखनीयरूपमा नेतृत्वकारी कार्य सम्पादन ग¥यो र तेस्रो, यसले जनताको सेवा गर्न आफ्नो क्रान्तिकारी चरित्रलाई अझ बलियो र परिमार्जन ग¥यो ।
हाम्रो पार्टी विकासको निम्ति राखिएको सनातन आधारशिला स्थापनाले नै पार्टीलाई एक विचारधारा र एकताबद्ध नेतृत्वको एक क्रान्तिकारी पार्टीमा रूपान्तरण गर्दै गयो । यो नै त्यस अवधिको पार्टी निर्माणको मूल्यवान सफलता थियो ।
क्रान्ति र देश निर्माणको नेतृत्व गरेको हाम्रो पार्टीले आफ्नो अगाडि इतिहासका सबै प्रकारका चुनौतीहरूमाथि विजय प्राप्त ग¥यो र अन्तिमसम्म आफ्नो उद्देश्यमा विश्वस्त रह्यो । पार्टीले सधैँ नै विचारधाराको एकता र त्यसैअनुसारको गतिविधि सुनिश्चित ग¥यो ।
अर्को शब्दमा, सिङ्गो पार्टी विचारधारा र उद्देश्यमा एकताबद्ध हुनुपर्छ र आफ्ना कार्यलाई त्यसैसित मिलाउनुपर्छ, एक विचारधारा र एक केन्द्रको आधारमा हाम्रा गतिविधि हुनुपर्छ । यस्तो मागले समग्रमा सामान्य सिद्धान्त र कारण सुनिश्चित गर्छ । जस्तो कि मानव शरीरलाई एउटै दिमागले नभई दुई वा बढी दिमागले नियन्त्रण गर्छ भने त्यो शरीरले सामान्य क्रियाकलाप गर्न सक्दैन । त्यस्तै यदि पार्टीमा एक विचारधारा र एकताबद्ध केन्द्र भएन भने त्यसले एक सङ्गठनको रूपमा कार्य गर्न सक्दैन र विभाजित हुनपुग्छ ।
निश्चय पनि कोरियाली मजदुर पार्टीभित्र धेरै समयअघिदेखि एकताबद्ध विचारधारा र नेतृत्व निर्माण गरिँदै आएको छ । तर, जब एउटा पुस्तालाई अर्को पुस्ताले विस्थापित गर्ने समय आउँछ यस्तो परम्परालाई प्राकृतिकरूपमा, स्वयम्स्फूर्त रूपमा वा वंशाणुगतरूपमा रक्षा गर्न र कायम राख्न सकिँदैन ।
पार्टीको क्रान्तिकारी उद्देश्यअनुसार पार्टीको विचारधारा र नेतृत्वलाई एकताबद्ध पारी नयाँ पुस्तालाई हस्तान्तरण गर्ने कार्य यान्त्रिकरूपमा र बलजफ्ती गर्न सकिँदैन । यदि यस्तो गरियो भने उत्तराधिकारी नेताको विचारहरूको अपव्याख्या हुन जानेछ र उपलब्धिहरू ध्वस्त हुनेछन् । त्यसले पार्टीमा विचारधारामा अनेकता र विभाजन आउनेछ र प्रकारान्तरले पार्टी नै लोप हुनेछ । यो निष्कर्ष समाजवादी शासक पार्टीहरूको विश्व इतिहासले सिकाएको गम्भीर पाठ हो ।
वास्तविकताले प्रमाणित गरेको छ कि हाम्रो पार्टीले कुनै छुट नदिइकन निरन्तररूपमा कायम गरेको एकताबद्ध विचारधारा र नेतृत्वको कारणले नै हाम्रो पार्टीको वैधता र उपयोगिता कायम रहेको हो र कुनै पनि हालतमा हामीले निकै सही तवरले हामीले त्यसलाई निरन्तरता दिनुपर्ने तथ्यलाई जोड दिनुपर्छ ।
जुछेको नयाँ शताब्दीको पहिलो अवधिमा हाम्रो पार्टीले किम इल सुङवाद–किम जोङ इलवादलाई आफ्नो अद्वितीय मार्गनिर्देशक विचारधाराको रूपमा परिभाषा ग¥यो र सिङ्गो पार्टीलाई किमइलसुङवाद–किमजोङइलवादको नमुना बनाउने रणनीतिक नीति निर्धारण ग¥यो । यसप्रकार पार्टीले आफ्नो आदर्श र विशेषता सदाका लागि संरक्षण गर्न एक सुदृढ राजनीतिक मेरुदण्ड स्थापित ग¥यो र पार्टी निर्माणको आधारभूत अभिमुखीकरण स्पष्ट परिभाषा ग¥यो । साथै सिङ्गो पार्टीले उत्तराधिकारी नेतृत्वको रक्षा, विकास र उपयोगमा जोड दियो ।
फेब्रुअरी, २०१५ को पार्टी केन्द्रीय समितिको राजनीतिक ब्युरोको विस्तारित बैठकलाई एक अवसरको रूपमा उपयोग गर्दै हाम्रो पार्टीले नेतृत्वको निर्देशन कार्यान्वयनका सफलता, अनुभव र कमीकमजोरीहरूको विस्तृतरूपमा समीक्षा गर्दै त्यसको शिक्षाहरू प्राप्त ग¥यो र पार्टी कार्यलाई थप गति दिने निर्णय ग¥यो । त्यसको परिणाम सिङ्गो पार्टीभित्र एक किसिमको अद्वितीय सकारात्मक वातावरण निर्माण भयो, पार्टीका सबै सङ्गठन र एकाइहरूले पार्टीको उत्तराधिकार नेतृत्वका निर्देशनहरू सही तरिकाले सही समयमा प्राप्त गर्ने र तिनीहरूलाई कार्यान्वयन गर्न थाले ।
एकताबद्ध नेतृत्व प्रणाली पार्टीभित्र अझ राम्ररी स्थापित गरियो र हरेक तवरले त्यसलाई बलियो बनाइयो । यसको अर्थ क्रान्तिकारी पार्टी निर्माणको उद्देश्यलाई अगाडि बढाउन आवश्यक सबै आधारभूत मामिलाहरू स्थापित गरियो ।
क्रान्तिकारी आजुको उत्तराधिकारका आधारभूत विषयहरू, पार्टी निर्माणका उद्देश्यहरूसँगै नेतृत्वको उत्तराधिकारको प्रश्न पनि जोडिएर आउँछ । हाम्रो पार्टीले विस्तृतरूपमा यस विषयमा कार्य गरेको छ र पार्टीका सबै सदस्यहरूको समर्थनमा एकताबद्ध नेतृत्व प्रणाली स्थापना गरेको छ । यो कार्य पार्टीले जुछेको क्रान्तिकारी आजु उत्तराधिकारीहरूमा पुस्तान्तरण गर्ने महत्वपूर्ण ऐतिहासिक अवधिमा गरेको छ । यस आधारमा यसले पार्टी र कोरियाली जनताको एक मनको एकतालाई अझ बलियो बनाएको छ र पार्टीभित्र एकताबद्ध विचारधारा र नेतृत्वलाई दृढतापूर्वक रक्षा गरेको छ ।
कोरियाली मजदुर पार्टीले हालै एकताबद्ध नेतृत्व प्रणालीलाई बलियो बनाउने कार्यको नयाँ परिभाषा सिर्जना गरेको छ र पार्टीको सबै कार्य र अभ्यास यसको लक्ष्य हासिल गर्नेतिर उन्मुख हुनुपर्ने तय गरेको छ । विगत दस वर्षको हाम्रो पार्टी निर्माण कार्यको समीक्षा गर्नु अत्यन्त महत्वपूर्ण छ । पार्टी निर्माण कार्यद्वारा हामीले कुनै परिवर्तन वा संशोधनबिना पार्टीको क्रान्तिकारी आजुलाई अगाडि बढाउने कार्यभारलाई सुनिश्चित ढङ्गले पूरा गरेका छौँ । साथसाथै एकताबद्ध विचारधारा र नेतृत्वको सुनिश्चितता पनि गरेका छौँ ।
हाम्रो पार्टी निर्माणतिर बितेको एक दशकमा हासिल गरेको अर्को सफलता भनेको पार्टी नेतृत्वको दक्षतालाई उल्लेखनीयरूपमा बलियो बनाउन सक्नु, पार्टीको लडाकू क्षमता वृद्धि हुनु र पार्टी सङ्गठनहरूको सकारात्मक क्रियाकलापहरू उल्लेख्य वृद्धि हुनु हो ।
एक शासक समाजवादी पार्टीको वैधता र शक्ति स्पष्टरूपमा क्रान्तिकारी सङ्घर्ष र देश निर्माण कार्यमा नेतृत्वको व्यवहारबाट निःसृत हुन्छ । पार्टीको आजु पूरा गर्ने मामिलामा पार्टीले कुनै बङ्ग्याइ, बेइमानी वा संशोधनबिना क्रान्तिकारी आजुतिर अघि बढ्न सही सिद्धान्त, नीतिहरू, रणनीतिहरू र कार्यहरूको नेतृत्व गर्नु र दक्षतापूर्वक पार्टी निर्णय कार्यान्वयनसित तिनलाई मिलाउनु हो । पार्टीको अगाडि रहेका चुनौतीपूर्ण परिस्थिति सामना गर्न पार्टीले तय गरेको लडाकु कार्यक्रमहरू दक्षतापूर्ण तरिकाले कार्यान्वयन गर्नु हो ।
जुछेको पहिलो शताब्दीमा प्रवेशसँगै हाम्रो पार्टीले समाजवादी मार्गको निकै दबाबपूर्ण कार्यभार पूरा गर्नुपर्ने चुनौती तथा अनेकौँ पत्रका चुनौती र कठिनाइहरूसहितको समयको विकासको सामना गर्नुप¥यो ।
आफ्नो दर्शन र विचारधारात्मक गतिविधिको माध्यमले पार्टी केन्द्रीय समितिले पार्टी निर्माण र क्रियाकलापमा देखा परेका नयाँ विचारधारात्मक र व्यावहारिक समस्याहरूको वैज्ञानिक समाधान निकाल्यो । त्यस्तै क्रान्ति र निर्माणमा क्षेत्रमा देखापरेका समस्याहरूले सिङ्गो पार्टीको ध्यान आकृष्ट ग¥यो र तिनीहरूको समाधान पनि सिङ्गो पार्टी सङ्गठनको इच्छाशक्तिको उपयोगले र जनताको आफ्नै सङ्घर्षको माध्यमले गरियो ।
यहाँ कोरियाली मजदुर पार्टीको महाधिवेशन नियमितरूपमा गर्ने प्रणाली पुनःस्थापित गर्नु, पार्टी केन्द्रीय समितिको पूर्ण र विस्तारित बैठक नियमित गर्नु, केन्द्रीय समितिको राजनीतिक ब्युरो र पार्टीका अरू प्रमुख अङ्गका बैठकहरूको सुनिश्चितता गर्नु पार्टी नेतृत्व र सिङ्गो पार्टीको महत्वपूर्ण उपलब्धि हो । त्यसले पार्टीको कार्य, क्रान्तिको मुख्यालय र तिनीहरूको कार्य सञ्चालनमा सुधार आयो ।
पार्टीका ती महत्वपूर्ण बैठकहरूमा, पार्टीका विचारधारात्मक अभिमुखीकरणहरूमा समयअनुसार पार्टीको नीति र कार्यक्रमहरूलाई झन् राम्रो बनाउने सङ्घर्षहरूलाई स्वीकार गरियो र विकासशील क्रान्तिको आवश्यकता र परिवर्तित परिवेशअनुसार सामूहिक रूपमा नीति र कार्यक्रमहरू तय गर्ने र तिनीहरूको प्रभावकारी कार्यान्वयन गर्दै आवधिकरूपमा तिनीहरूको समीक्षा गर्ने पद्धति बस्यो । परिणामस्वरूप सिङ्गो पार्टीमा एकता, उत्साह, फूर्तिलोपन र लगनशीलता दृढतापूर्वक सुनिश्चित भएको छ र राज्यको कार्य तथा नेतृत्वकारी निकायहरूको कार्यमा पार्टीको भूमिका उल्लेखनीयरूपमा बढेको छ ।
समाजवादी निर्माणमा पार्टीको नेतृत्व बलियो पार्नका लागि सिङ्गो पार्टीलाई एउटै विचारधाराले पूर्ण प्रशिक्षित गर्न र सङ्गठित गर्न तथा जनसमुदायलाई त्यसै अनुकूल पार्टी नीतिहरूको कार्यान्वयनका लागि परिचालन गर्नु अत्यावश्यक छ । पार्टीको राजनीतिक नेतृत्वको स्रोत भनेको सत्य र विचारधारा र नीतिहरूको वैधतामा रहेको हुन्छ र राजनीतिक र विचारधारात्मक कार्यले तिनीहरूलाई जनमानसमा स्थापित गर्ने गर्दछ ।
हाम्रो पार्टीले सधैँ नै जनसमुदायलाई विचारधारा र नीतिहरूले लैस गर्नमा प्राथमिकता दिँदै आएको छ र नीतिहरूको कार्यान्वयनमा जनसमुदायको सहभागितालाई बढाउँदै जनसमुदायको हितका लागि असङ्ख्य सफलताहरू हासिल गरेको छ ।
पार्टीका दस्तावेजहरू र नीतिहरू सिङ्गो पार्टीमा तत्काल सञ्चार गर्ने राम्रो र नियमित प्रणाली स्थापना गरेर तथा पार्टीका अध्ययन सञ्जालहरू तथा आन्तरिक शिक्षाका सञ्जालहरू पुनःगठन गरेर पार्टीले आफ्ना क्रान्तिकारी विचारधारा, सिद्धान्त र नीतिहरू समयमै आधारभूत सङ्गठनहरू र पूरै पार्टी संरचनाहरूसम्म पु¥याउने सफलता प्राप्त गरेको छ र अहिले सबै जनतालाई पार्टी केन्द्रीय समितिले तय गरेको लडाकु कार्यभारबारे राम्ररी थाहा छ ।
क्रान्तिकारी अभ्यासका आवश्यकताबमोजिम हामीले पार्टीको विचारधारात्मक शिक्षालाई समृद्ध बनाएका छौँ र मुख्यतया पाँचबुँदे शिक्षालाई महत्व दिएका छौँ । हाम्रो विकसित राज्य प्रथम सिद्धान्तलाई सबै जनतामा देशभक्तिको भावना विकास गर्न र समयअनुसारको नयाँ भावना सिर्जना गर्न गौरवपूर्ण वैचारिक अभियान चलाएका छौँ ।
कोरियाको क्रान्तिकारी परम्परा र क्रान्तिकारी इतिहासमा शिक्षाको कार्य पहिले कहिल्यै नभएको भन्दा बढी प्राथमिकतामा परेको छ र लडाकु भावनाको पुस्तान्तरण र क्रान्तिको उत्तराधिकारी पुस्ताका तालिमहरू रणनीतिकरूपले र कदम कदम गर्दै सञ्चालन गरिएका छन् । यो पनि पार्टीको वैचारिक कार्यको क्षेत्रमा एक महत्वपूर्ण परिवर्तन र विकास हो ।
अनुवाद : प्रकाश

Leave a Reply

Your email address will not be published. Required fields are marked *