जैविक विविधता संरक्षणमा चीनको सक्रियता

डिसेम्बर १५ को बेलुका चीनका राष्ट्राध्यक्ष सी चिनफिङले भिडियोमार्फत क्यानडाको मोन्ट्रियलमा आयोजित कोप–१५ दोस्रो चरणको उच्चस्तरीय सम्मेलनको उद्घाटन समारोहलाई सम्बोधन गर्नुभयो ।
उहाँले मानव र प्रकृतिबिचको मेलमिलापयुक्त सहअस्तित्व, सफा तथा सुन्दर विश्वको रचना गर्न संयुक्त पहल गर्नका लागि आग्रह गर्नुभयो ।
संयुक्त राष्ट्र सङ्घको जैविक विविधता सन्धि सचिवालयका कार्यकारी सचिव इलिजावेथ मुरिमाले सन् २०२० पछि विश्व जैविक विविधता प्रारूप वार्ताको लागि राष्ट्राध्यक्ष सी चिनफिङको उक्त सम्बोधन महत्वपूर्ण रहेको धारणा व्यक्त गर्नुभयो ।
कोप – १५ संयुक्त राष्ट्र सङ्घले पहिलो पटक पारिस्थितिकीय सभ्यताको रूपमा आयोजना गरेको विश्वव्यापी सम्मेलन हो । गत वर्षको अक्टोबरमा कोप–१५ को पहिलो सम्मेलन चीनको खुनमिङ नगरमा आयोजना गरिएको थियो । एक वर्षपछि चीनले दोस्रो चरणको सम्मेलनमा निरन्तर रूपमा अध्यक्षता गरेको छ । चीनको समन्वय र प्रवद्र्धनमा सम्मेलनले विभिन्न पक्षबिच सहमति सम्पन्न गरी विश्व जैविक विविधताको संरक्षणलाई अघि बढाउन सक्नेछ ।
विगत १० वर्षमा चीन विश्वमा वनस्पति स्रोत वृद्धि भएको र कृत्रिम वन क्षेत्रफल सबभन्दा ठूलो भएको मुलुक हो । यस्तै अन्तर्राष्ट्रिय सिमसार नगर सूचीमा चीन सबभन्दा ठूलो मुलुक हो । चीनमा विश्वमा सबभन्दा ठूलो राष्ट्रिय पार्क प्रणालीको रचना भइरहेको छ । ती उपलब्धिबाट चीनले पारिस्थितिकीय सभ्यताको निर्माण र जैविक विविधताको संरक्षणलाई बढाउनको लागि गरिरहेको प्रयासलाई इङ्गित गरिएको छ ।
यसअघि सम्पन्न भएको सीपीसी २० औँ महाधिवेशनमा चिनियाँ शैलीको आधुनिकीकरण निर्माणलाई चौतर्फीरूपमा बढाउनेमा जोड दिइएको थियो । तीमध्ये मानव र प्रकृति मेलमिलापयुक्त सहअस्तित्व चिनियाँ शैली आधुनिकीकरणका पाँच वटा आधारभूत विशेषतामध्येको एक हो । राष्ट्राध्यक्ष सी चिनफिङका अनुसार, भविष्यमा चीनले पारिस्थितिकीय सभ्यता निर्माणलाई अरू बढाएर विकासोन्मुख मुलुकलाई सकेसम्म समर्थन र सहयोग गर्नेछ । अफ्रिकी कार्बन लेनदेन केन्द्रका अध्यक्ष विलिसले चीन मानवको भाग्य रचना गर्ने उचाइमा उभिएर विश्व जैविक विविधता व्यवस्थापनमा संलग्न भएको विचार व्यक्त गर्नुभयो ।