अन्तर्राष्ट्रिय नियम कसले तोड्दै छ ?

जापानी मिडियाले जनाएअनुसार जापानमा आयोजना हुने जी–७ शिखर सम्मेलनले चीनलाई अन्तर्राष्ट्रिय नियमहरू ‘पालन’ गर्न आग्रह गर्नेछ । तिनीहरू कुन प्रकारका अन्तर्राष्ट्रिय नियमहरूको बारेमा कुरा गरिरहेका छन् ? कतै यसले अन्तर्राष्ट्रिय समुदायमा अलमल त पार्दैन ?
अन्तर्राष्ट्रिय नियम त संयुक्त राष्ट्र सङ्घ बडापत्रको सिद्धान्तमा आधारित अन्तर्राष्ट्रिय आधारभूत मापदण्ड हो । तर, संरा अमेरिकाले प्रतिनिधित्व गर्ने थोरै पश्चिमा देशहरूको मुखमा ‘संयुक्त राष्ट्रसङ्घको बडापत्र’ विरलै सुनिन्छ । तिनीहरूको बयानबाजीमा एक उच्च आवृत्तियुक्त शब्द हुन्छ, ‘नियममा आधारित अन्तर्राष्ट्रिय प्रणाली’ । यो अस्पष्ट भनाइ हो । जुन संयुक्त राष्ट्र सङ्घको बडापत्रमा, संयुक्त राष्ट्र सङ्घमा विभिन्न देशका नेताहरूले अपनाएका घोषणामा वा संयुक्त राष्ट्र महासभा र सुरक्षा परिषद्का प्रस्तावहरूमा समावेश गरिएको छैन ।
सिरियामा अमेरिकी सेनाको अवैधानिक उपस्थिति, तेल र खाद्यान्न चोरी, जापानद्वारा समुद्रमा आणविक–दूषित पानी छाड्ने आदि कार्य गर्ने संरा अमेरिका, जापान र अन्य पश्चिमा देशहरू अन्तर्राष्ट्रिय नियमहरूको सबैभन्दा ठूलो अवरोध गर्नेहरू मुलुकहरू हुन् । यो विश्व मामिलाबारे सबैले छलफल गर्नुपर्छ । कसले अन्तर्राष्ट्रिय नियम तोड्दै छ ? द्वन्द्वले भरिएको यो ‘सानो राष्ट्र समूह’ ले ऐना हेर्नु जरुरी छ ।