अमेरिकाको ऋण सीमा विधेयक पारित भएबाट बजारमा ‘वास्तविक चिन्ता’ सुरु

वासिङ्छन, २ जुन (सीआरआई) । हालै अमेरिका प्रतिनिधिसभाले ऋण सीमा विधेयक पारित गरेको छ जुन उक्त सीमा लाइनलाई सन् २०२५ को सुरूसम्म लम्ब्याउनुका साथै सन् २०२४ र २०२५ आर्थिक वर्षको खर्चलाई सीमित गरेको छ । यसले धेरैलाई राहत दिएको देखिन्छ । तर, विधेयक सिनेटबाट पारित भएर राष्ट्रपतिबाट हस्ताक्षर गरिएमा समस्याको साँच्चिकै समाधान हुन्छ त ? अमेरिका र विश्व साँच्चिकै शान्त हुन सक्छ त ?
हालै अमेरिकाको राष्ट्रिय ऋणले ग्लोबल बन्ड मार्केटहरूमा प्रभुत्व गरेको छ । अमेरिकी ऋणले सम्झौताको उल्लङ्घन गरेमा अमेरिका र विश्वका लागि विनाशकारी हुनेछ । हाल अमेरिकाले समाधान कार्यक्रम देखाएको छ कि ऋणको सीमालाई अरू दुई वर्ष लम्ब्याइनेछ ।
तर, उक्त उपायले वास्तविक समस्याको समाधान गरेको छैन साथै ऋणलाई अरू बढाउनेछ । विश्लेषणका अनुसार, सन् २०२५ को सुरूमा अमेरिकामा ऋण ऐतिहासिक उचाइमा पुग्नेछ र अमेरिकी अर्थतन्त्रसमक्ष प्रणालीत्मक समस्या देखिने ठूलो सम्भावना रहनेछ । त्यसैले अमेरिकाको ऋण सीमा विधेयक पारित भएबाट बजारमा ‘वास्तविक चिन्ता’ सुरु भएको छ ।
अमेरिकाका पूर्व अर्थमन्त्री जोहन बी कोनालीले भन्नुभएको थियो कि हाम्रो अमेरिकी डलर तिम्रो समस्या हो । इतिहासमा अमेरिकाले मौद्रिक नीति प्रयोग गरी विश्वव्यापी सम्पत्ति फसल गरेको धेरै उदाहरणहरू छन् । फ्रान्सका पूर्व राष्ट्रपति चार्लस दे गौले भन्नुभएझैँ अमेरिकी डलरले बेकार कागज प्रयोग गरी अरू देशको स्रोत र कारखानामाथि कब्जा गरेको छ ।
यसबाहेक अमेरिकाले आर्थिक क्षेत्रमा आफ्नो बोल्ने अधिकार प्रयोग गरी आफ्नो विरोध गर्ने मुलुकलाई सजाय दिएको छ । जस्तो भनौँ अन्तर्राष्ट्रिय बस्ती प्रणालीबाट हटाउने आदि । विश्व वित्त स्थिरताको रूपमा रहेको अमेरिकी डलर अरू मुलुकको दुःस्वप्न बनेको छ । अन्तर्राष्ट्रिय मूल्याङ्कन एजेन्सी मूडीसले हालै सार्वजनिक गरेको प्रतिवेदनका अनुसार, अमेरिकी ऋण सङ्कट र प्रतिबन्धको दुरूपयोग गरिएबाट अमेरिकी डलरको स्थितिलाई धम्की दिइनेछ र आगामी केही दशक वर्षमा विश्वव्यापी मौद्रिक प्रणाली थप विविधतापूर्ण हुनेछ ।