सी जिन पिङसँग सुंगुरको मासुदेखि राम्रो रक्सीसम्मको कुरा

बिहीबार सी जिन पिङ चिनियाँ कम्युनिष्ट पार्टीका स्थानीय तहका कार्यकर्ताहरुसँग कुराकानी गर्न बस्दा कसैलाई पनि त्यो कुराकानीले कस्तो मोड लिने हो अनुमान मात्र पनि थिएन । तर चिनियाँ कम्युनिष्ट पार्टीको उन्नाइसौं महाधिवेशनमा प्रतिनिधिको रुपमा सहभागी कार्यकर्ताहरु महासचिव सीसँगको बसाईमा सुंगुरको मासुका परिकार, अब्बल रक्सी र पहाडतिरको आरामदायी बिदाको विषयमा कुराकानी गर्दै गर्दा चकित परे ।
सी स्वंय दक्षिणपश्चिम चीनको कुइचाओ प्रान्तका प्रतिनिधि हुन् । उन्नाइसौ महाधिवेशनका लागि पेइकिङमा आएका कुइचाओका प्रतिनिधिहरुसँगको समूहगत छलफलमा सी पनि सहभागी बनेका थिए ।
गरिबी उन्मुलनको विषयमा सधैं चासो राख्ने सीले कुइचाओको पानचाओ शहर नजिकका दुई छिमेकी गाउँहरुको विषयमा जान्न बढी उत्सुक थिए । ती दुई गाउँहरु मिलेर गाउँलेहरुको आयस्रोत वृद्धि गर्न सुंगुर पालन र मासु प्रशोधन केन्द्र विकास गरेका छन् ।
सीले सोधे,‘तपाईहरुले उत्पादन गर्नुभएको सुंगुरको मासुको नाम के हो ?
‘पानसिआन हाम । यो नाम स्वानवे हाम र चिनह्वा हामको मिश्रण हो ।’, पार्टी प्रतिनिधि यु ल्युफेनले उत्तर दिए ।
स्वानवे र चिनह्वा चीनमा दुवै घरेलु ब्रान्ड नाम हुन् ।
‘तपाईहरुले अझै बढी प्रचार गर्न जरुरी छ ।’, सीले भने,‘मलाई अरु दुई वटा नाम मात्र थाहा छ ।’
गरीब क्षेत्रहरुमा नयाँ नयाँ कलकारखाना स्थापना गर्नेमा सीको विशेष उत्साह छ । कुइचाओ चीनको सबभन्दा गरीब प्रान्तहरुमध्ये एउटा हो । त्यहाँको प्रतिव्यक्ति कुल ग्रार्हस्थ उत्पादन ३३ हजार युआन मात्र छ । सन् २०१६ को राष्ट्रिय औसतभन्दा यो २० हजार युआनले कम हुन आउँछ ।
सीले आगामी सन् २०२० भित्र गरिबीको रेखामूनि रहेका बाँकी ४ करोड तीस लाख जनता अर्थात तीन प्रतिशत जनतालाई गरिबीबाट माथि उठाउने योजना घोषणा गरिसकेका छन् ।
पानचाओमा त्यहाँका एक हजारभन्दा बढी घरपरिवारको शेयरलगानीमा एउटा रक्सी कारखाना स्थापना भएको कुरालाई सी खुशी छन् ।
‘कुन रक्सीले तपाईहरुको ?’सीले भने ।
‘याङ्पो ।’, युले भने ।
‘कति पर्छ त ?’, सीले अझै सोधे ।
‘सबै सर्वसाधारण जनताले किन्न सक्छन् हाम्रो उत्पादन ।’, युले थपे ।
‘कति मूल्य हो ?’ सीको अझ कोट्याए ।
‘मात्र ९९ युआन ।’युले भने ।
‘यो त सस्तो होइन नि । धेरै मूल्य राम्रो नहोला । महँगो भयो भने त्यो त्यत्ति लोकप्रिय बन्दैन ।’, सीले सल्लाह दिए ।
‘धन्यवाद महासचिवज्यू, तपाईको सल्लाहको लागि । हामी तपाईको सल्लाहको पछ्याउनेछौं ।’, प्रतिनिधिले थपे ।
‘मूल्य त बजारले निर्धारण गराइनुपर्दछ । मेरो विचारमा तपाईले अहिले मैले भनेकै आधारमा त्यसको मूल्य ३० युआनसम्म घटाउन सक्नुहुनेछ ।’, सीले भने ।
स्थानीय पर्यटनको विषयमा सीले कुराकानी थाल्दा प्रतिनिधिहरु आत्मीयतापूर्वक हाँसे ।
‘पर्यटकहरु विशेष गरी कहाँबाट आउने गर्दछन् ? नजिकैबाट आउँछन् कि टाढा टाढाबाट ? के उनीहरु गाउँमा बस्छन् ?’, सीले जिज्ञासा पोखे ।
‘हाम्रो गृहनगरमा निकै राम्रो वातावरण छ । केही पर्यटकहरु त एक पटकमा एक सातासम्म पनि बस्ने गर्दछन् ।’, कुइचाओकै चुनयीस्थित ह्वामाओ गाउँका पार्टी प्रमुख तथा महाधिवेशन प्रतिनिधि पान केकाङले भने ।
‘त्यो ठाउँ राम्रो भए त तपाईहरुको आय उल्लेख्य रुपमा वृद्धि गर्न निकै सघाउ पु¥याउनेछ ।’, सीले भने ।
पानले सीलाई ह्वामाओमा भइरहेको परिवर्तनबारे तस्वीरहरुसमेत उपहार दिए ।
‘यो त कुनै दृश्यचित्र जस्तै सुन्दर छन् । निकै सुन्दर लाग्यो ।’, सीले भने ।
सुंगुरको मासुदेखि रक्सीसम्ममा सीलाई सधैं चासो रहने गर्दछ । उनी यस्तै स–साना कुरामा चासो राख्ने गर्दछन् । यस्ता चासोले जनतालाई आफ्नो जीवनस्तर वृद्धि गर्न मिहिनेत गर्न उत्साहित गर्ने गर्दछ ।
‘उनको खुला व्यवहार र सहजताले हामीलाई सीसँग कुराकानी गर्न निकै आराम महसुस भयो । यो उनको काम गर्ने शैली हो ।’, ह्वाङ चुनछिवनले भने ।
यो नै नयाँ युगको शुरुवात हो ।
सिन्ह्वा