भर्खरै :

इजरायलमा नेपाली युवा मारिनुमा नेपाल सरकारको गलत नीति दोषी

इजरायलमा नेपाली युवा मारिनुमा नेपाल सरकारको गलत नीति दोषी

इजरायल वा प्यालेस्टाइनमा शनिबार प्यालेस्टिनी इस्लामिक आन्दोलन –हमासले गरेको रकेट आक्रमणमा परी १० जना नेपाली युवाको निधन भएको दुःखद खबर आएको छ । कतिपयले त्यहाँको स्थिति र कारण नै नबुझी हमास र प्यालेस्टिनीहरूको विरोध र निन्दा गरिरहेका छन् । प्यालेस्टाइन र इजरायलको द्वन्द्वको ऐतिहासिक कारण र चल्दै आएको द्वन्द्वको विकासक्रम बुझेपछि मात्र अहिलेको भिडन्त बुझ्न सकिन्छ ।
इजरायलको स्थापना संरा अमेरिका र बेलायतको सहयोगमा १९४८ मा प्यालेस्टाइनी भूमिबाट प्यालेस्टाइनी जनताको हत्या र बेदख्खल गरी भएको थियो । यसै मुद्दालाई लिएर पश्चिमा राष्ट्रद्वारा सबै तरिकाले समर्थित इजरायल र स्थानीय मुस्लिम बहुल देशबिच युद्ध पनि भइसकेको छ । इजरायलले पटक पटकको युद्धको क्रममा मात्र होइन हरेक दिनजसो जबरजस्ती सेनाको बलमा प्यालेस्टाइनी गाउँ सहर कब्जा गर्दै आएको छ । इजरायली बस्ती विस्तारको योजनाले आज अधिकांश प्यालेस्टाइनी भूमि इजरायली कब्जामा गएको छ भने प्यालेस्टाइनी जनता शरणार्थी बनेर विभिन्न देशका शरणार्थी शिविरमा कैद हुन र भौतारिन बाध्य भएका छन् । बीसौँ शताब्दीको पछिल्लो अवधि र यस शताब्दीमा सबैभन्दा दुःख र पीडा पाउने जनता यदि कोही छन् भने ती प्यालेस्टाइनी हुन् । प्यालेस्टाइनी जनताले आफूमाथिको अत्याचारको प्रतिकार र विरोध गर्न विभिन्न सिद्धान्तमा आधारित सङ्गठन र दलहरू निर्माण गरेका छन् । तीमध्ये अतिवादी मानिने हमास पनि एक दल हो । हमाससितको द्वन्द्वको नाउँमा इजरायली सेनाले जोर्डन नदीको पश्चिम किनारा र गाजापट्टिमा रहेका प्यालेस्टाइनी जनतामाथि अत्याचार गरिरहेको छ, नरसंहार गरिरहेको छ । इजरायली सेनाको दमनबाट लाखौँ प्यालेस्टाइनीले ज्यान गुमाइसकेका छन् । यो तथ्यलाई लुकाएर पश्चिमा र पश्चिमा समर्थक सञ्चारमाध्यम प्यालेस्टाइनी जनतामाथि सत्तोसराप गरिरहेका छन् ।
इजरायल सरकारले आफ्नो सुरक्षाका लागि मानव ढालको रूपमा उपयोग गर्न विभिन्न देशका नागरिकहरूलाई सस्तो ज्यामीको रूपमा त्यहाँ भिœयाइएको छ । त्यस्तो द्वन्द्वरत भूमिमा रोजगारी या शिक्षाको नाममा नेपाली युवालाई पठाउने नेपाल सरकारको नीति गलत छ । इजरायलमा नेपाली युवा मारिनुमा नेपाल सरकारको गलत नीति दोषी छ ।

Leave a Reply

Your email address will not be published. Required fields are marked *