इजरायल र हमासबिचको भिडन्त

घेराबन्दी गरिएको गाजापट्टीका मानिसहरू इजरायली आक्रमणविरुद्ध पीडित प्यालेस्टिनीहरूको प्रतिनिधित्व गर्ने वकीलहरूको समूहले इजरायलको कार्य नरसंहारको अपराध हो भन्ने तर्क गर्दै अन्तर्राष्ट्रिय फौजदारी अदालत (आईसीसी) मा उजुरी दर्ता गरेको छ । फ्रान्सेली दिग्गज वकिल गिल्स डेभर्सले बुधबार उजूरी पेस गरे र नरसंहारको अपराधका लागि सबै मापदण्ड पूरा भएको जोड गरे । भूतपूर्व युगोस्लाभिया, रुआन्डाजस्ता देशहरूको नाम उद्धृत गर्दै उनले तर्क गरे विगतका परिस्थितिहरूले उजुरी पेस गरिएको उदाहरण स्थापित गरेको छ । उनले भनेका छन्, यो मेरो लागि स्पष्ट छ कि नरसंहारको अपराधको लागि सबै मापदण्डहरू पूरा छन् । वकिल डेभर्स भन्छन्, यो मेरो विचार होइन यो कानुनको वास्तविकता हो । वकिलहरूले गाजामा प्यालेस्टिनीहरूविरुद्ध इजरायलका कार्यहरू वास्तवमा नरसंहार भएको भन्दै पश्चिमलाई अपराधलाई प्रोत्साहन गर्नबाट टाढा रहन आग्रह गरेका छन् । गाजामा गम्भीर युद्ध अपराधहरू भइरहेका छन् भने चिन्ता व्यक्त गर्दै डेभर्सले भने, संलग्न हुन नचाहेका सरकारहरूले इजरायललाई समर्थन गर्नबाट टाढा रहनुपर्छ । सरकारहरूले मानव अधिकार वा नरसंहारमध्ये कुनलाई समर्थन गर्ने हो भन्ने प्रश्नको स्पष्ट उत्तरले उनीहरू कुन शिविरका हुन् भन्ने निर्णय गर्छ ।
यो संवेदना किन भुलेका ?
इजरायल अप्ठेरोमा फलेको फर्सीजस्तो भएको छ । खाउँ टिप्न सकिँदैन नखाउँ तिहुन छैन । यसलाई छ भन्ने कि छैन भन्ने ? हमासलाई समाप्तै पार्ने दुनियाँसामु देखा पर्दै छ । आफ्नो भूमि नहुँदा के के हुन्छ भन्ने कटु अनुभव इजरायलीलाई थाहा छ । अहिले उही इजरायल प्यालेस्टिनीहरूलाई भूमिहीन गराउन अनेक प्रपञ्च गर्दै छ । यत्रो सङ्घर्ष गरेर प्यालेस्टिनीहरू उभिन्नसम्म पनि पाएका थिए । इजरायल त्यही पनि खोस्न खोज्दै छ र भूमिहीन बनाउन आकाश–पाताल जोर्ने काम गर्दै छ । यो इजरायलको पच्चीसै आना वाहियात काम हो । हो, बुद्धि छ भनेर कसैले पनि बुद्धिको दुरुपयोग गर्न मिल्दैन । यो रहस्य इजरायललाई पूर्ण अवगत छ । तसर्थ यसको ओखती इजरायलले हमासलाई मास्ने विचार तत्कालै छोड्नु नै न्याय हो भन्नेमा छु म । सहअस्तित्व कति सुन्दर, स्थापना कति उत्तम विचार, आज परमाणु हतियार धेरै मुलुकसँग छ केवल धेरै र थोरैको अन्तरमात्र हो । तसर्थ सहअस्तित्व, सहजीवन आजको युगको तीव्र माग हो । सँगै खाउँ, सँगै बाँचौँ । पुग नपुग एउटा राष्ट्रले अर्को राष्ट्रलाई पनि हेरौँ न बरु । इजरायल बाटोमा हिँड्नुप¥यो । इजरायलमा जस्तै नयाँ पुस्ता छ हमासको पनि, त्यो संवेदना किन भुलेको ?
इजरायलले बुझ्नुप¥यो
यो संसार भनेकै विविधताको समष्टि हो । यसैले नै संसार सुन्दर छ । यहाँ धेरै जनसङ्ख्या भएका भारत एवं चीन पनि अटाएका छन् भने थोरै जनसङ्ख्या भएका धेरै मुलुक पनि अटाएका छन् । सबैले गरिखाएकै छन् । तब प्यालेस्टिनीहरू सङ्ख्यामा धेरै छैनन् तर गरिखाएकै थिए । इजरायल आफै पनि कहाँ ठूलो मुलुक हो र ? तर, सानो मुलुक भनेर गरिखान नदिएको छैन त । त्यही सानो मुलुक आफूभन्दा पनि सानो देश प्यालेस्टिनीहरूलाई उखेल्न चाहिने नचाहिने काम गरिरहेको छ । आफ्नो माटो वा भूमि नहुँदा कस्तो बस्ती हुन्छ ? त्यो वेदना इजरायललाई राम्ररी थाहा छ । तसर्थ, प्यालेस्टिनीहरूलाई निर्भूमि बनाउने विचार फुट्टी पनि राम्रो होइन । कसैलाई निर्भूमि बनाउन पाइँदैन । यो कुरा इजरायलले आत्मसात गरे हुन्छ । इजरायलीहरू गर्व गर्छन् र भन्छन्, प्रकृतिले हामीलाई तातो दिएको छ त्यो बिछट्टको तातोलाई चिसो बनाउने प्रविधि प्रयोग गर्छन् र त्यो मरुभूमिमा गुलाफ फुलाई उपस्थित गराउँछन् । यो दुनियाँलाई चानचुने चुनौती होइन । गरिखान यो दुनियाँमा कसले कसलाई कहाँ रोकेको छ र ? गरिखानुप¥यो । सँगै बाच्ने कुरा सिक्नुप¥यो । बुर्किनाफासो भन्ने एउटा सानो देश पनि यो संसारमा गरिखाएकै छ त ? तसर्थ, आज एसिया–अफ्रिकाका धेरै देश बाँचिरहेका छन् । यो मसिनो कुरा इजरायलले बुझ्नुप¥यो ।
बढी चन्दा दिने नजिक बस्ने
यही लक्षण हो भने इजरायलमा न्याय मर्दै छ । जुन समाजमा न्याय मर्छ त्यो अन्याय मौलाएर समाज उत्रन धौ धौ पर्छ । न्याय मरेको समाज भनेको अन्यायले ढाकेको समाज हो । अन्यायले ढाकेको समाजबाट के पो राम्रो अपेक्षा गर्न सकिन्छ र ¤ आज इजरायल न्याय मरेको समाजको दृष्टान्त भएको छ । अस्पतालउपर नै हमला छ केको उपमा हो योे ? बिरामीलाई औषधिको गोली चाहिनेमा शीशाको गोली दिन थालेपछि के हालत होला ? गाजाका अस्पतालमा उपचार हुनसक्दैन, अस्पतालमा उपचार हुन छाडेपछि कहाँ उपचार गराउने ? यसको सही उत्तर दिने कसले ? इजरायललाई यो अवस्थामा पु¥याएको कसले ? मसिनोसँग हे¥यो भने उही संरा अमेरिका नै भेटिन्छ । एकातिर यस्तो छ भने यही युद्धलाई निमित्त बनाएर अमेरिकाले १५ हो कि जस्तो लाग्छ अर्ब अमेरिकी डलरको हातहतियार इजरायललाई बेच्यो । अमेरिकालाई लाभ नै यही हो । अमेरिकाको राष्ट्रपति निर्वाचनमा शस्त्रास्त्र उत्पादन गर्ने कम्पनीहरूले एउटा भव्य भोजको आयोजना गर्छन् जहाँ जसले बढी दियो उही उम्मेदवारको नजिक बस्न पाउँछ । यसको लागि युद्धका लागि हातहतियार उत्पादन गर्ने कम्पनीहरू बढी चन्दा दिएर उम्मेदवारको नजिक बस्ने प्रतिस्पर्धा नै चल्छ ।