जलवायु परिवर्तनबारे छलफल

भक्तपुर, ३० भदौ । नेपाल स्काउट वाग्मती प्रदेशको आयोजनामा भक्तपुर जेन्युइन माध्यमिक विद्यालयमा जलवायु परिवर्तनसम्बन्धी छलफल कार्यक्रम शनिबार सम्पन्न भयो ।
भक्तपुर नगरपालिकाका उपप्रमुख एवम् स्थानीय प्रमुख स्काउट रजनी जोशीको प्रमुख आतिथ्यता र वाग्मती प्रदेशका प्रमुख आयुक्त शिवकुमार त्वायनाको सभापतित्वमा सो छलफल कार्यक्रम भएको थियो । छलफल कार्यक्रममा शिक्षा मन्त्रालयका कृष्ण जोशी, राष्ट्रिय प्रशिक्षक उमेशप्रसाद सिंह र रत्ना चवालसहितको उपस्थिति थियो ।
भक्तपुर, ललितपुर र काठमाडौँका ८ वटा स्काउट ग्रुपका ७० जना युवा स्काउटहरूको पनि कार्यक्रममा सहभागिता थियो ।