सी चिनफिङद्वारा इटालीका राष्ट्रपतिलाई छाङअ–५ चन्द्रमाको माटो हस्तान्तरण

पेइचिङ, २४ कार्तिक (सीआरआई) । सन् २०२४ को नोभेम्बर ८ तारिख साँझ चिनियाँ राष्ट्राध्यक्ष सी चिनफिङले पैचिङमा इटालीका राष्ट्रपति माटारेल्लालाई छाङअ–५ चन्द्रमा शिल्प गहना र वैज्ञानिक अनुसन्धान नमूनाहरू प्रस्तुत गर्नुभयो ।
शिल्प गहनाको डिजाइन तत्व छाङअ–५ चन्द्र अन्वेषणमा आधारित छ, चन्द्रमाको माटोले सुसज्जित छ । वैज्ञानिक अनुसन्धान नमुनाहरू चन्द्र माटो बेलचा र ड्रिल नमुनाहरू थिए, जसले एयरोस्पेस क्षेत्रमा चीन र इटाली बिचको उच्च स्तरको सहयोग प्रदर्शन गर्दछ ।
नोभेम्बर ८ तारिख साँझ चिनियाँ राष्ट्राध्यक्ष सी चिनफिङ र इटालीका राष्ट्रपति माटारेल्लाले पैचिङको जनबृहत् सभाभवनमा विदेशबाट फर्किएका सांस्कृतिक अवशेषहरूको संयुक्त रूपमा प्रशंसा गर्नुभयो ।
इटालीले आफ्नो घरेलु सांस्कृतिक अवशेष बजारमा कब्जा गरेको, हराएको सांस्कृतिक अवशेषको प्रतिनिधिको रूपमा चीनमा फिर्ता गरेको माच्यायाउ सांस्कृतिक भाँडाहरू माटारेल्लाले सी चिनफिङलाई परिचय गराउनुभयो ।
सन् २०१९ मा इटाली भ्रमण गर्दा इटालीले अवैधरूपमा हराएको ७९६ चिनियाँ सांस्कृतिक अवशेष चीनलाई फिर्ता गरेको सी चिनफिङले दुई देशबिचको सांस्कृतिक सम्पदा सहकार्यमा नयाँ कोसेढुङ्गा खोलेको र सांस्कृतिक पुनःस्थापना र फिर्तामा अन्तर्राष्ट्रिय सहयोगको नयाँ उदाहरण खडा गरेको बताउनुभयो । यस पटक इटालीले चीनको सांस्कृतिक सम्पदाप्रतिको सम्मान र चीन–इटाली मित्रताको ज्वलन्त उदाहरण प्रदर्शन गर्दै हराएका ५६ वटा सांस्कृतिक अवशेष चीनलाई फिर्ता गरेको छ ।
नोभेम्बर ८ का दिन साँझ चिनियाँ राष्ट्राध्यक्ष सी चिनफिङ र इटालीका राष्ट्राध्यक्ष माटारेल्लाले चीन–इटाली सांस्कृतिक सहयोग संयन्त्र सम्मेलन र चीन–इटाली विश्वविद्यालयका प्रोफेसर संवादमा सहभागी दुवै पक्षका प्रतिनिधिहरूसँग संयुक्तरूपमा पैचिङमा भेट गर्नुभयो । दुवै राष्ट्रका प्रमुखहरूले चीन–इटाली सांस्कृतिक र विश्वविद्यालय सहयोगमा दुवै पक्षका प्रतिनिधिहरूका प्रतिवेदनहरू सुने ।
सी चिनफिङले पुस्ताका राजदूतहरूले चीन–इटली बिचको मित्रताका अध्यायहरू लेख्ने र विश्वका विभिन्न सभ्यताहरूबिच समान संवाद र साझा विकासको उदाहरण प्रस्तुत गरेको कुरा औँल्याउनुभयो । हालैका वर्षहरूमा, चीन–इटाली सांस्कृतिक सहयोग संयन्त्रले एकअर्काको देशहरूमा सांस्कृतिक र पर्यटन वर्षहरू आयोजना गर्न दुई देशका विश्वविद्यालयहरूले व्यापक शैक्षिक र युवा आदानप्रदानहरू गरेका छन् र फलदायी नतिजाहरू हासिल गरेका राष्ट्राध्यक्ष सीले बताउनुभयो ।
सी चिनफिङले आजको विश्व अशान्ति र परिवर्तनको नयाँ युगमा प्रवेश गरेको कुरामा जोड दिनुभयो । चीन–इटाली मैत्री सहयोगको अभ्यासकर्ता बन्न, पूर्वी र पश्चिमी सभ्यताहरूबिचको आपसी सिकाइको प्रवद्र्धक र मानव जातिको साझा भविष्य भएको समुदाय निर्माणमा सहभागी बन्न अन्तरदृष्टि भएका मानिसहरूलाई प्रोत्साहन गर्न दुवै पक्षले मिलेर काम गर्ने उहाँले आशा गर्नुभयो ।
यसैगरी इटालीका राष्ट्रपति माटारेल्लाले इटाली र चिनियाँ जनताबिच आपसी समझदारी, मित्रता र सहयोग प्रवद्र्धन गर्न इटाली–चीन सांस्कृतिक सहयोग संयन्त्र र विश्वविद्यालय संवादले गरेको महत्वपूर्ण योगदानको सकारात्मक रूपमा मूल्याङ्कन गर्नुभयो । उहाँले भन्नुभयो, “दुवै पक्षले अनुभवहरू सङ्कलन गर्नुपर्छ, मित्रताको उत्तराधिकारी बनाउनुपर्छ, जनता–जनताको आदानप्रदानको लागि थप पुलहरू निर्माण गर्नुपर्छ र इटाली–चीन व्यापक रणनीतिक साझेदारीको विकासको लागि बलियो आधार र समर्थन प्रदान गर्नुपर्छ ।”